مقالة جديدة من اسعاد يونس عن ايحاءات وزير الاعلام الجنسية

 


الرجوع للصفحة الرئيسية


العودة   منتديات الحق والضلال > المنتديات العامة > الأخبار العامة

الأخبار العامة اخر اخبار العالم يوميا

 


 
 
أدوات الموضوع انواع عرض الموضوع
قديم 26-Apr-2013   #1
اشرف باكوم
مشــرف عـــام





اشرف باكوم غير متصل



افتراضي مقالة جديدة من اسعاد يونس عن ايحاءات وزير الاعلام الجنسية

مقالة جديدة من اسعاد يونس عن ايحاءات وزير الاعلام الجنسية



christian-dogma.com

■ السادة المحترمون الهيئة العامة للرقابة المالية.. السيد الدكتور/ أشرف الشرقاوى.. أتقدم لسيادتكم بجزيل الشكر على الرد الذى وصلنى منكم.. أولاً لسرعة الاستجابة والتواصل.. ثانياً للشرح التفصيلى الذى ورد به لعمليات فحص عروض البيع والشراء والنظام الذى تعمل به الهيئة.. ولكن... ■ بالرغم من احترامى الشديد لاهتمامكم.. واضح أن ما كتبته الأسبوع الماضى لم يصلكم بشكل دقيق.. فلم أتلق أى رد على استفسارى الذى حاولت أن أعرضه بكل وضوح فوصل للعامة.. وعليه فأكرر التساؤل الذى مازال مطروحا.. وبالتالى مازالت مسؤوليتكم المباشرة، مهنيا وقانونيا ووطنيا، مترتبة على ذات التساؤل: لماذا العجلة فى الموافقة على العرض المقدم من الشركة القبرصية «باسكندال» لشراء شركة أوراسكوم تليكوم القابضة بما تتضمنه من أسهم لكبار وصغار المستثمرين تصل إلى 49%؟؟؟ ■ حتى أكون أكثر وضوحاً علّنى وباقى المهمومين نحصل على إجابة واستجابة فى المرة القادمة.. سنستعرض معاً بعض الحقائق التى يعلمها أغلب المساهمين والمستثمرين، كما أنكم بالضرورة تعلمونها أيضا.. الشركة القبرصية التى تقدمت بعرض الشراء ما هى إلا شركة وهمية واجهة للشركة الروسية «فيمبلكوم»، التى تمتلك بحدود 51.5% من أوراسكوم تليكوم القابضة.. ■ وتعلمون أن الذى يفاوض الحكومة الجزائرية على بيع 51% من وحدة أوراسكوم الجزائر «جيزى» هى أيضا «فيمبلكوم» الروسية.. وفى كل مرة تطلبون إيضاحات من أوراسكوم تليكوم القابضة ترد عليكم بأنها لا تدرى شيئا، فالذى يقوم بالتفاوض هو «فيمبلكوم» الروسية.. حدث هذا ثلاث مرات على مدى الستة أشهر الماضية، وهو دليل مراوغة منهم.. ■ وتعلمون علم اليقين، كما يعلم أغلب المساهمين، أنه قد تم الانتهاء من تفاصيل الصفقة وتحديد السعر، ولكن «فيمبلكوم» تماطل فى الإعلان عن الرقم حتى تتمكن من شراء أسهم المساهمين الغلابة بأرخص سعر، ثم بعدها تفاجئ الجميع برقم صفقة الجزائر.. وتعلمون أن الأرقام التى تصل إلى سمع المساهمين تتراوح ما بين ستة مليارات ومائة وخمسين مليون دولار.. مروراً بخمسة مليارات.. وصولاً إلى ثلاثة مليارات ونصف.. فالطبيعى أن يدفعكم حرصكم المهنى والوطنى على مصالح البشر، المتعلقين من عرقوبهم دول، أن تطلعوا على الرقم بما يخوله لكم منصبكم.. بل أن تجبروهم على إعلانه.. بل وتستحضرون رئيس شركة فيمبلكوم لديكم فى مكتبكم ويعلنكم بالسعر النهائى.. حتى تنشروه على شاشات البورصة، إعمالاً بالشفافية التى تلتزمون بها والتى جاءت فى خطابكم الكريم.. فى هذه الحالة يستطيع المساهم أن يحسم أمره.. بستة مليار ممكن يبيع ويبل ريقه.. بتلاتة ونص ممكن ينتحر.. وتكونوا سيادتكم أعفيتم أنفسكم من الذنب والمسؤولية.. عليكم أن تمارسوا كل الضغوط الممكنة.. وإلا فإنكم تحمّلون أنفسكم وهيئتكم الموقرة عبء أن يلاحقكم هؤلاء المساهمون قانونياً فى كل أنحاء الأرض.. ■ هذا واجبكم الوطنى وحق المساهمين عليكم.. فإذا كان أحد المساهمين، وهو السيد/ ممدوح محمد فتحى عباس قد قدره الله على أن ينشر إعلاناً مدفوعاً فى جريدة الأهرام عدد الخميس 18 إبريل 2013، مناشدا سيادتكم فى نداء عاجل أن تحموا حقوق المساهمين من هذا العرض المتدنى.. فقد لا يقدر مساهم آخر على أن ينشره.. ■ حد يفهم وزير الإعلام إن الخفافة مش كده.. واللطافة بعيدة عنه حبتين.. وكوميديا حسنى العطار دى راحت عليها.. ده على اعتبار إنه كلما سألته صحفية من الجنس الناعم عن حاجة ألقى فى وجهها بدعابة وقالها تعالى وأنا أوريكى.. وعلى فرض إن الدعابة اللى شبه بطن رجل الفيل دى لازم يتبعها هق هق هق أو هع هع هع.. ولكن واقع الأمر أنها فكاهة إخوانية تتمتع بثقل ظل أسطورى كالعادة ولا تلقى ترحيباً من أى حد بيفهم.. إما إذا كانت على سبيل التعجيز.. ووضعها فى حرج إنها مش حاتيجى.. فكده يبقى نفد هو من إنه يوريها.. فيجب أن يعلم إننا كلنا جايين.. عايزين نشوف نيجى فين أصلا.. وحانشوف إيه؟؟.. ياكش عنده حاجة مابتتكشفش على مؤتمرات صحفية ومخبيها ف أودة الفيران مثلا.. وغالبا حايطلع بيضحك علينا ويقول عنده جوه.. وهو ماعندوش.. ■ ممكن طلب زؤنن من السادة المحترمين الإعلاميين الفاسدين؟؟.. ممكن لو سمحتوا تبطلوا تخشوا زى بلطة الجلاد على زور المتحدث فى مداخلة تليفونية فى برامجكم أثناء ما الراجل فى قمة الحمقة ومتزرزر شارحا وجهة نظره وتقوموا سالخينه واحدة شكرا وهابدين السماعة فى وش الماما بتاعه؟؟.. أشعر ساعتها إن الراجل كان فاتح سبرينت وبيجرى بأقصى سرعة فى نهر طريق فاضى وفجأة لبس فى لوح قزاز.. فاتدشدش هو واللوح.. ■ السادة المحترمون القافزون من المركب.. هو إنتوا حاتفضلوا تنطوا من المركب عشان تنقذوا نفسكم كده كتير؟؟.. طب والمركب؟؟.. هار أزرق.. داحنا مامعاناش قمصان نجاة.. ولا حدش صارفلنا عوامة وزة.. ولا بنعرف نتنيل نعوم.. كبيرنا نضبش ونعوم عوم ترع أو ما يطلق عليه عوم كلابى.. العوم ده يا سادة مايوصلش شط.. ولا البراميل حتى.. طب إيه؟؟؟؟؟؟؟؟؟؟؟؟؟.. وهو المنطق بيقول إن اللى بيعرفوا يعوموا ينطوا ويسيبوا الغلابة يغرقوا هما والمركب؟؟.. طب بالنوسبة للكابتشن اللى سايق ده؟؟.. اللى جايب طقم صنايعية طرابيش وفاهم إنهم طاقم بحرى أعالى البحار.. وكلهم بربطة معلمهم كابسين على عجلة القيادة كإنهم معزومين على قروانة فتة.. ومتهيألهم إنهم راكبين الناقة وشارخين.. ده حتى اللى ماسك البوصلة والرادار أحول بدليل إننا داخلين على جبل الجليد رشق.. السؤال هنا: مين اللى لازم ينط؟؟.. مش اللى مغرقها؟؟.. طب وإن كان مبلط فى الخط ومستعد يضحى بينا كلنا.. مش القاعدة بتقول خف تعوم؟؟.. يعنى إرمى الحمول والتقايل عشان نطفو ونعيش؟؟.. والا الغبا بقى هواية؟؟.. ■ الحنين إلى الماضى أصبح آفة العصر.. أتذكر وأتحسر على الماضى الجميل.. فييين لما كانت البلد مليانة زبالة؟؟.. دلوقتى الزبالة بقى جويها بلد.. ده حتى العين والمراخير خدت عليها بحيث لو اتشالت حانحس إننا فى غربة.. فين لما كان التعليم منيل على عينه وردىء؟؟.. دلوقتى بقى جهل وطالعله بنى آدمين زى الحيل كده.. فين لما كان احتقار المرأة والتحرش بيها ظاهرة أحيانا يتعاقب عليها ناس.. دلوقتى بقى قانون والخارج عنه ملحد وكافر.. فين لما كان عندنا كل مقومات السياحة ومش عارفين نستغلها صح وفاشلين فى تقديم الخدمة المطلوبة.. يا سلاااام لما كان الجمّال والحمّار بياخدوا السواح رهائن جوه الصحرا عشان يقلّبوهم.. معادش سواح خالص.. آخر شوية وقعناهم من المنطاد.. فين لما كان فيه مرور.. أفتكرله الخير كان مدهول وملخبط وبنمشى كلنا عكس عكاس.. دلوقتى بنمشى فوق بعض بالعربيات ونطس ونتقلب ونتثبت.. فين لما كنا كلنا عندنا فشل كلوى وفيروس سى وأنفلونزا الخنازير والوطاويط والبغال والحاجات اللطيفة دى.. دلوقتى مش لاحقين نتكفن حتى.. الواحد لو قعد يفتكر حايعيط.. يا جدعان رجعونا للخرابة اللى كنا فيها.. كانت أعظم بكتير من المستوقد اللى رميتونا فيه ده.. بصوا.. إحنا كنا على حافة الهاوية.. وانتوا طوحتونا جوه بطن الأرض.. انتوا ارحلوا بس وشيلوا مؤخراتكو عن سلاطيح خدودنا وإحنا حانتسلق عشان نوصل للحافة تانى.. ومن هناك حانتصرف.. والله الموفق والمستعان.. zahqanin@gmail.com

المصرى اليوم




ارسل الموضوع لاصدقائك علي الفيس







 


المصدر : منتديات الحق والضلال










   
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

سياسة الخصوصية - privacy policy

الساعة الآن 10:39 AM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
vBulletin Optimisation provided by vB Optimise v2.6.0 (Lite) - vBulletin Mods & Addons Copyright © 2014 DragonByte Technologies Ltd. Runs best on HiVelocity Hosting.
.:† جميع الحقوق محفوظة لموقع الحق والضلال †:.
Supported By senksarhosting.com
RSS RSS 2.0 XML MAP HTML
Widget

 Subscribe in a reader

Add to Alesti RSS Reader Add to Alesti RSS Reader