مشي بيتك ب 600 جنية بس ميزانية وادعيلي يلا
نسخة المحمول

 

الرجوع للصفحة الرئيسية


العودة   منتديات الحق والضلال > المنتديات العامة > الأخبار العامة

الأخبار العامة اخر اخبار العالم يوميا

 


 
 
أدوات الموضوع انواع عرض الموضوع
قديم 05-Jun-2013   #1
املى قلبى بحبك يايسوع
عضو مميز جدا






املى قلبى بحبك يايسوع غير متصل



افتراضي مشي بيتك ب 600 جنية بس ميزانية وادعيلي يلا

مشي بيتك ب 600 جنية بس ميزانية وادعيلي يلا
2013-06-05 15:53:51


christian-dogma.com
نا حبيت اكتب الموضوع ده لاني لاحظت ان في عرايس لسه مبتدات مش عارفين يمشوا ميزانية البيت او في اللي جوزها بيحب كل يوم لحمة وفراخ وسمك وطبعا انتوا عارفين الظروف اللي البلد بتمر بيها واغلبية المرتبات قلت لان مفيش فلوس وطبعا اغلبيتنا من الطبقة المتوسطة فانا حبيت اقول الطريقة اللي بمشي بها البيت عندي يمكن اقدر اساعد في حاجة
نبدا بسم الله

اولا الفريزر
اللحمة
هاتي من سوبر ماركت خير زمان بجد تحفة الاتي

2كيلو لحمة الكيلو ب 34 جنيه يعني ال 2 ب 68 جنية
كيلو مفروم ب 32 جنية
كيلو كبدة ب 17 جنية
يبقي كدة الاجمالي 117 جنية قسمي كل حاجة عل انصاص يبقي عندك اربع اكياس لحمة كل اسبوع كيس يعني اطبخي اول الاسبوع مثلا اي نوع خضار وحطي معاه اللحمة ومتنسيش بجد وانتي بتطبخي التسبيح بجد طول فترة الطبيخ بيدي ربنا بيجعل في الاكل بركة حلوة وطعم حلو للاكل كمان وخلي الخضار يكفي يومين يبقي كده خلصنا يومين في الاسبوع اما المفروم عصجي نص واعملي صنية مكرونة بابشاميل بس علي قدوكو وهيتبقي ممكن ليوم تاني هانعمل سانبوسة ولو حتي اتبقي منك مقدار معلقتين شيليهم بردو وعلي الفريزر عدل ممكن تعملي في يوم مكرونة وتحطي اللحمة في الصلصة هتبقي حلوة ومش جانبها حاجة واهو يوم مش اورديحي اوي ههههه والنص التاني اعمليه كفته او برجر تكفيكي علي مرتين او مرة علي حسب عدد الاسرة بس انا بكتب للمبتدات
اما الكبدة نصف اعمليه اسكندراني ونص بالردة وقسميهم يعني ممكن ربع كده اسكندراني جنب شوية مكرونة وبطاطس محمرة ومخلل هيفي بالغرد
الفراخ
4 فرخات ب100 جنية
ونص بانيه ب 19 جنية
يبقي كده الاجمالي 119 جنية قسمي الفراخ علي عددكو يعني لو اتنين حطي في كل كيس ربعين ويبقو علي قد الوجبة وكده الفرخة هتقعد معاكي اكلتين ليومين ولو عندك ابن او بنت صغيرين بياكلو حته صغيرة ولو مثلا الدبوس يبقي هاتي الورك وحطي الدبوس وشيلي الجزء التاني في كيس لوحده وكل ما جزء يتبقي شيليه فيه هتلاقي عندك في الاخر كيس محترم ممكن تعمليه وجبة في يوم مثلا كنتاكي وجنبة شوية بطاطس محمرة وحبة رز مبهر وتبقي مش حرماهم من حاجة هههههههههههههه او شيش طاوووك مع شوية مكرونة اسباجيتي
اما البانية جزء اعمليه بالبيض والبقسماط والباقي شاورمة او عصجيه واعملي نفرسكو هههههههههههههه
اه علي فكرة كل ما تجيبي فراخ حوشي الكبد والقوانص وابقي اعمليهم مرة واحدة كدة وجبة مع يطاطس او افرميهم وعصاجيهم واعملي حواوشي

السمك
2 كيلو بلطي ب 26 جنية
وقسمية علي قدوكو جزء مقلي مع رز صيادية وجزء صينية وجزء صيادية وكده يعني

يبقي كده قسم الفريزر يتكلف 117 + 119 + 26 =262جنية


ثانيا الخزين

هاتي من عند العلاف سايب 3 كيلو رز 11 جنية
ونص شعرية
ونص لسان عصفور بس مش فاكرة بكام لاني بدفع الحساب مع بعض بس مش هيزيد عن 3 جنية والشعرية زيه
علبة ماجي ب 1.5
ونص دقيق وعلبة سمن حسب اللي انتي بتستعمليه انا بجيب الزبدة الصفرا واسيحها الكيلو ب 26 جنية
وازازة زيت انا بحب كريستال ذرة بس مش عارفه الصغيرة بكام انا بجيب الكبيرة ب 39 جنية بتوفر وبتقعد معايا كتير بصراحة وازازة خل ب3 جنية وكيسين ملح ب 2 جنية وبرطمان صلصة ب 3 جنية وخلي عشرة جنية للعطار للبهاراتك و4 اكياس مكرونة مشكلة انا بفضل الملكة الكيس ب2 جنية يعني 8 جنية
كده مش هقدر اقول الاجمالي علشان اختلاف الكمية والاسعار بين انواع واحجام الزيت والسمن بس تقريبا 45 جنية من غير الزيت والسمن
ثالثا الخضار

خلي 100 جنية احتياطي للخضار طول الشهر من بصل وطماطم وبطاطس وخيار وكل الانواع بقي اللي هتشتريها حسب اسبوعك وطبعا هتوفري منها علي قد ما تقدري


رابعا المنظفات

شوفي بتستعملي مسحوق ايه للاتوماتيك انا باجيب تايد 3 كيلو بالياسمين ب 36 جنية وازازة كلور ابيض ب3 جنية وواحدة الوان ب6 جنية وكيلو صابون مواعين ب 2 جنية وازازة كمفوت المركز ب 14 جنية دي يلدوب حطي نقطة والازازة تكفيكي شهرين ويمكن اكتر كدا الاجمالي 61 جنية وحطي عليهم 4 صابون حوض ب 6 جنية 67 جنية


كده الاجمالي 474

كده فاضل من ال 500 26 جنية خليهم للفاكهة او لفتين جلاش ب5 جنية او علبة سانبوسة ب 5 جنية او اي حاجة ناقصة او انا نسيت اقولها يعني علبة جيلي او كاسترد وكده يعني

وخلي 100 جنية لحاجة الفطار
يعني قسميهم بين بيض ولبن وعيش وجبن وعصير ونسكافيه وشاي وفول وعجينة طعمية

منقول من منتدى فتكات









ارسل الموضوع لاصدقائك علي الفيس







 


المصدر : منتديات الحق والضلال










   
 

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

سياسة الخصوصية - privacy policy

الساعة الآن 08:42 AM


Powered by vBulletin® Version 3.8.7
Copyright ©2000 - 2014, vBulletin Solutions, Inc.
vBulletin Optimisation provided by vB Optimise v2.6.0 (Lite) - vBulletin Mods & Addons Copyright © 2014 DragonByte Technologies Ltd. Runs best on HiVelocity Hosting.
.:† جميع الحقوق محفوظة لموقع الحق والضلال †:.
Supported By senksarhosting.com
RSS RSS 2.0 XML MAP HTML
Widget

 Subscribe in a reader

Add to Alesti RSS Reader Add to Alesti RSS Reader