الحق والضلال الحق والضلال
البحث

​محمد فتحي يكتب . . . الحكومه والمسيحي والارهاب!!

منذ 1 سنه
June 10, 2018, 12:58 pm بلغ
​محمد فتحي يكتب . . . الحكومه والمسيحي والارهاب!!


ما بين الحكومة و الأرهاب
المسيحي دايما مزنوووق
دايما ضحية من غير أسباب
بحبال الظلم دايما مخنوق
 
عايش في بلاده مظلوم
لا له تمن ولا ليه دية
حقه متاكل و مهضوم
دايما هو الضحية
 
الحكومة عمالة تلاعبه
بالبلدي علي الشناكل
لكن ظلمها مش راعبه
مع أن حقه متاكل
 
المسيحي أقوي من الأرهاب
أصل حاميه رب الكون
ميعرفش أبدا للخوف باب
ولا يتهز مهما يكون
 
الحكومة و الأرهاب
الأتنين نفس العملة
بكتبها في كل كتاب
دايما في أول جملة
 
المسيحي بنته مخطوفة
يا حكومة مش داريانة
أمتي تكوني مرة عطوفة
علي حق ميري و دميانة
 
الشهيد حقه ضايع
لأنك ملكيش هيبة
أزاي أرهابي صايع
يوقعك في العيبة
 
ساوي مرة في المعاملة
حرام كفاية بقي تفريق
بلاش طبطبة و مجاملة
خليتي الدنيا والعة حريق
 
المسيحي حقه متشال عند ربنا فووووق
مش هيضيع أبدا محال
عند رب مش مخلوق
 
ساوي يا حكومة ساوي
كفاية بقي تمييز
راعي في رب سماوي
دول بشر مش ماعيز
 
كلمات : محمد فتحي






شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.