الحق والضلال الحق والضلال
البحث

تابعنا على



العودة الى الرئيسية

بالصور سيدة مسيحية دخلت محل شهير لشراء ملابس مش هتصدق البياعين قالو عليها ايه عشان هيا مسيحية .. قمة الاستفزاز

منذ 4 شهر
July 27, 2018, 9:11 pm
بلغ عن المحتوى



خاص للحق والضلال 


النهاردة الصبح دخلت محل في وسط البلد اتفرج علي فساتين. البنت اللي واقفة تبيع عمالة تأفف و ترد عليا بالقطارة. قلت معلش عادي، كلنا ساعات بنبقي مش طايقين نفسنا. 
خلصت في الدور الفوقاني و نزلت تحت ، تقوم تقول بتاعهم، شغلنا قرآن عشان الاشكال اللي بنشوفها دي 
مخدتش في بالي و طنشت
خدت الفساتين اللي هقيسها و ابتديت اطلع تاني و اتدورت اجيب فستان نسيته الاقيها بتقول للراجل 
(الزبونة المسيحية دي قرفتني ) 
رحت ادورت و قلتلهم حلو اوي الذوق و الادب دة و قلتلها لما تبقي جاية الشغل متضايقة متطلعيش قرفك عل الناس و الزبونة المسيحية دي مش هترد عليكي عشان محترمة و رميتلهم فساتينهم و مشيت. 
المحل المحترم يبقي*** و الموظفة المحترمة اسمها ****.
التعديل الثالث:
أولا أنا متشكرة جدا لكل الناس، بجد محبة كبيرة أوى أوى تبين اد ايه احنا شعب عظيم و ليه عارفين نعيش مع كل الصعوبات اللي بنشوفها و ليه مصر هتفضل كبيرة و عمرها ما تقع. 
لما عملت البوست متوقعتش حد يهتم، بس الناس اثبتولي اني غلطانة و اكدولي ان التعصب في مصر اقلية بجد و قريب أوى هنقضي عليه.
أنا طلبت تاني من المحل يرجع البنت و يتابع تصرفات البياعين في العموم لأن ناس كتير بتقول انهم اتعرضوا لمواقف مشابهة.
أرجو مناخدش رد عنيف ضد المحل ، لأنهم اهتموا و اتصرفوا و اعتذروا و دة كافي بالنسبة لي من غير ما اسبب اذى للبنت.
ياريت كل واحد يحارب التعصب ، اى كان، ضد لون أو جنس او دين!! كل حد علق هنا أو بعتلي يعتذر مشكور على ذوقه و تعاطفه و اعتذاره بالرغم انه مش مطالب بيه، بس هو مطالب لما يشوف موقف كدة ميكونش سلبي و يتدخل ، لما يسمع كلمة ضد دين، ميوافقش عل الغلط و يفهم اللى بيتكلم. للأسف الجهل عندنا جامد اوى و محتاجين نحاربه.
بالرغم انه كل الناس بتقولي انها متصعبش عليا و انها تستاهل و الناس بتشجعنى اعمل محضر و اكبر الموضوع، بس انا مش هارضي بالاذي ليها و مكنش هدفي انها تترفد. هدفي اننا نحارب التعصب، هدفي انها تعرف ان اللى حصل دة مينفعش يتكرر. 
أنا فعلا مسامحاها و مقدرة ان فيه ناس كتير حوالينا بيتصرفوا عن جهل. بس الحل في ايدينا.
التعديل الأخير:
بعد مكالمة مع السيدة الفاضلة زوجة صاحب المحل، فأنا شيلت اسم و صورة المحل.
 
بالصور سيدة مسيحية دخلت محل شهير لشراء ملابس مش هتصدق البياعين قالو عليها ايه عشان هيا مسيحية .. قمة الاستفزاز













شارك بتعليقك
فيسبوك ()
كتب بواسطة john
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.