الحق والضلال الحق والضلال
البحث

تابعنا على



العودة الى الرئيسية

قصة صادمة .. مارينا فتاة من ذوي الاحتياجات الخاصة تقابل تعامل مهين من احدي الجامعات بعد فوزها بمنحة تعليمية .. لن تصدق ما حدث لها

منذ 1 شهر
October 3, 2018, 10:45 pm
بلغ عن المحتوى
قصة صادمة .. مارينا فتاة من ذوي الاحتياجات الخاصة تقابل تعامل مهين من احدي الجامعات بعد فوزها بمنحة تعليمية .. لن تصدق ما حدث لها

خاص للحق والضلال 


بصراحة شديدة مكنتش حابة انه يكون هو دا البوست اللى هكتبه !
بس الحمدلله على كل حال ، مش انا الشخص اللى هيزعل من حاجة حصلت له ب ارادة من ربنا بل بالعكس هشكره عليها !
- مبدئياً المنحة اللى انا كنت مقدمة فيها للاكاديمية اسمها "قادرون ب اختلاف "وهى اصلاً لذوى احتياجات خاصة نحط مليون خط تحت ان المنحة دى لذوى احتياجات خاصة  
والاكاديمية بتقبل صيدلة من 90%
ف كل حاجة تمام قدمت واتقبلت فى اول انترفيو وكلمونا نروح الاكاديمية رحنا قعدوا يقولوا احنا موافقين وتمام ومارينا معانا ( شافونى انى على كرسي عجل وعميدة كلية صيدلة بنفسها قالتلى انا مُنبهرة بيكى وانا يشرفنى انك تكونى عندى وهعملك وهعملك وفضلت تتطلعلى فى حلول وانى خلاص شور معاها ) كان لازم عميدة كلية صيدلة تشوفنى علشان تشوف الطول يعنى علشان موضوع المعمل وترابيزة المعمل وهل هلحقها ولا لا وهى بنفسها قالت هتعمل التجارب بشكل خاص على ترابيزة تبقى فى مستوايا وكل ما تواجهها مشكلة تقولى هعملك كذا متقلقيش واخدوا الورق والصور وكل حاجة ماشية حلو وساعتها نزلت بوست ان انا خلاص فى الاكاديمية لان دا اللى هما قالوه وورقى وصوري وملفى لحد دلوقتى هناك christian-dogma.com😉
بعدين ارجعوا الاقصر وهنكلمكم تمام
( سفر 15 ساعة علشان نرجع الاقصر )
- بعدها بيومين محدش كلمنا كلمناهم لا اصلى والله موضوع السكن وصعب وهيبقى مين معاها وبتاع وهاتيلنا حد يقعد معاها وكده بس فى سكن برا الجامعة !!
حاضر جبنا شقة جمب الجامعة وحد من اهلى هيكون معايا تمام
- كلمناهم لا اصلى والله احنا دخلنا على النت وشفنا حالتها وان رئتينها صعب تستحمل المعمل واكشفيلها عند دكتور قوليله رئتينها مُكتملة ولا لا ! 
كلام ناس مجانين ! هو انا نزلت 7 شهور علشان رئتينى تكون مش مُكتملة او متكونش الحجم الطبيعى للرئتين ، لما قولنا كده للدكتور فضل يضحك علينا christian-dogma.com😂 
عملت اشاعات وتحاليل سكر وضغط 
بعتنالهم الحاجات
- لا والله مش هنعترف بالحاجات دى ، تعالى هنا نعملها لجنة طبية يكشفوا عليها عندنا علشان نتأكد ان رئتينها تقدر تستحمل الكيماويات فى المعمل حاضر
-( سفر 15 تانى لاسكندرية ) 
رحنا قعدنا مع لجنة طبية من 3 دكاترة دكتور عظام ودكتور وصدر ودكتور تانى كده
شافوا الاشاعات وشافونى ، لا معندهاش اى حاجة تمنعها من انها تدخل والاشاعات سليمة ومال حالتها بالرئتين ورئتينها سليمة وكل حاجة تمام ، كان فيه طفاية قدام الدكتور تقيلة كده خلانى اشيلها وبتاع ويطلعها قدام حبة علشان يشوف هعمل ايه وكده وقال لا كله تمام 
واحنا هنطلع التقرير الطبى من عندنا انه كله تمام واتطمنى وبتاع وروحى بيتك وهنكلمك ! 
تانى ؟! اه معلش الحاجات دى محتاجة وقت christian-dogma.com😂 
او اقولك هاتيلها مُرافق يجيبها ويوديها ويستناها علشان الجامعة تبقى متمطنة اصلها متتحملش مسؤلية حاجة زى كده انها تتخبط او يحصلها اى حاجة من دى وكده الكلام هيتغير كتير وهيبقى اكيد انها تبقى معانا ماما قالتلهم حاضر christian-dogma.com😂 فيه حجة تانى ؟!
-(سفر 15 ساعة للاقصر )  
نستنى لحد اليوم اللى قالوا عليه محدش بيكلمنا ، كلمناهم لا اصلى مستنين التقرير الطبى ورأى الكلية بشكل رسمى  
استنوا لبكرة 
استنينا محدش كلمنا christian-dogma.com😂 احنا بس بنكلمهم
استنوا لحد الساعة 4 دا امبارح كلمونا لا اصلى حضرتك قلنالك ان الموضوع صعب وانتى اللى مش مقتنعة وعميدة كلية صيدلة رفضت ( اللى فوق كانت بتحل المشاكل ومنبهرة وبلابلابلا christian-dogma.com😂) 
والتقرير الطبى بيقول انها مش هتقدر ( اللى فوق قالوا ان مفيش اى مشكلة الظاهر بعد ما بنمشى الموضوع ببتغير والكلام بيتحول)
والرئتين وبتاع رئتين ايه حضرتك يعنى الاشاعات مزورة اللى جيبهالك طب الدكنتور اهبل اللى كشفلى هنا يعنى مش عارف حاجة منا طول عمره بابا بيشرب سجاير متعبتش منها christian-dogma.com😂 
ومعنديض مرض فى الرئتين
-الموضوع دا ليه اسبوعين وشوية دلوقتى سفر وتعب ومصاريف وشافونى كذا مرة مكانوش قادرين يقولوا متقبلتيش م الاول ولا هى حجج والسلام ولا مكانوش شايفين الكرسي والحالة بوضوح، خليكو فاكرين انى قلت فوق ان المنحة اصلاً لذوى احتياجات خاصة عاملاها مصر الخير ومؤسسة ساويرس ولما يجو ذوى احتياجات الخاصة وجايبين المجموع نرفضهم ونتقل عليهم ومنردش عليهم ونكلمهم بقرف ونشحطتهم لمجرد انها منحةchristian-dogma.com😂
- مشافونيش وانا بعمل كل حاجة وحدى ولا مفكروش انى قعدت فى القاهرة شهر بدون اهلى وكنت بخرج وبعمل كل حاجة ، مفكروش انى بمشى فى الاقصر فى الشارع فى العربيات وبروح اماكن بعيدة وحدى ليا قد ايه بدرس وعمري ما واجهت مشكلة بنفس النوع اللى بيقولوا عليه !
- الفكرة فين بقى انى مزعلتش لحظة واحدة لما عرفت فعلاً يعنى ادركت قوتى واصلة لفين من الموقف دا فضلت اقول لماما مش انا اللى ازعل على حاجة زى كده ويوم ما مارينا توصل هيتمنوا يسلموا عليا ومش هيعرفوا وهيقولوا دى جاتلنا ورفضناها علشان اسباب مش موجودة اصلاً
دا محمد صلاح ومجدى يعقوب اترفضوا فى اول حياتهم وبصوا هما فين دلوقتى
- انا مترفضتش انا ربنا بيكلمنى بعد ما دخلت الكُلية اللى حلمى فيها ودخلتها وانا حباها وشكرت ربنا على التعويض اللى غرقنى بيه ، حَب يورينى حاجة ويأكدلى انا مكانى فين بدل ما اقول ربنا مدانيش مجموع صيدلة علشان مش عاوزنى فيها وياريته خيرنى وبتاع
ودانى هناك وورانى انى ينفع ادخل بمجموعى وان عادى كان فاضلى خطوة ويدخلنى صيدلة وجابهالى قدامى علشان يقولى انتى عاوزة صيدلة اهى بس انتى مكانك مش هنا ! christian-dogma.com♥️
الله كان بيفسحنى christian-dogma.com♥️ كان معايا فى رحلة قبل الكُلية ما تبدأ ، فيه حد يتبتّر على النعمة طيب ولا يقول مروحش اسكندرية ؟ اكيد لا christian-dogma.com♥️
-انا مزعلتش لحظة ومش هزعل لانى شايفة طريقى قدام وعارفة هعمل ايه كويس ، يكفينى انى وصلت لمكان ناس كتير موصلتلهوش علشان مش عاوزين يتعبوا حبة صغيرين يكفينى انى عملت كل اللى عليا واهلى عملوا اللى عليهم وزيادة بصراحة ، يكفينى انى قدرت اوصل لصيدلة وكانت قدامى وكنت جديرة ب انى اكمل وادخل وكنت هوريهم هعمل ايه ، بس ارادة ربنا مُختلفة 
فخورة بنفسي ف اى مكان هكون فيه ، فخورة بنفسي لانى مبقعش مهما الظروف والدنيا والناس حاولوا يوقعونى  
You shot me down but i won't fall christian-dogma.com💪
-فى حد م المدرسين الاقرب لقلبى كانت بتتكلم عليا وبتقول كلام جميل انا مستحقهوش فى الدرس من قبل ما يجى حوار صيدلة اصلاً وكلهم كده المدرسين والناس كمان christian-dogma.com😍 ، انا عارفة انا فين وعارفة قيمتى فين ، قيمتى فى شخصيتى وقوتى اللى ربنا مديهالى ، قيمتى فى انى هكمل وهوصل قيمتى فى انى راضية ب كل حاجة ربنا بيختارها
-شكراً لكل حد باركلى وكل حد حط صورتى وكل حد فرحلى من قلبه (انا منزلتش البوست ساعتها الا لما هما قالولى ان شور هتبقى معانا وورقى هناك وفعلاً هو لسة هناك لدلوقتى بس هما مش قد كلامهم بقى للاسف christian-dogma.com😂) ، ادركت محبة الناس ليا الفظيعة من اللى حصل على موضوع الكلية دا كفاية المحبة دى بجد انا مش عاوزة حاجة تانى غير كده  
بالنسبالى انا وصلت لكل اللى عاوزاه فى الفترة الحالية وهكمل فى كُليتى الللى ربنا اختارها وانا حباها christian-dogma.com♥️
اخر حاجة حابة اشكر امى واخويا على اللى عملوه الفترة اللى فاتت 
بولا مراحش كليته لحد دلوقتى بسببى وكان مستعد يعمل اى حاجة علشان يريحنى ، اهلى صرفوا فلوس بالهبل فى المواصلات والسفر
كفاية بالنسبالى ان امى بتقول لصاحباتها مارينا مخليانى فخورة بيها وبمشى وسط الناس وانا بتباهى بيها انها بنتى 
انا مش عاوزة حاجة اكتر من كده christian-dogma.com♥️christian-dogma.com💪
كتبت كل دا علشان الناس تبقى عارفة وميسؤلنيش انتى فين اكتر من مرة لأن التفاصيل دى صعب تتحكى كذا مرة من الاول وكده christian-dogma.com♥️ 
صلواتكم
 









شارك بتعليقك
فيسبوك ()
كتب بواسطة john
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.