الحق والضلال الحق والضلال
البحث

تابعنا على



العودة الى الرئيسية

على مسئولية صديقتها.. تفاصيل صادمة عن علاقة المطربة «غنوة» بوالدها و«أنغام» وطليقها

منذ 4 شهر
October 13, 2018, 10:28 am
بلغ عن المحتوى
على مسئولية صديقتها.. تفاصيل صادمة عن علاقة المطربة «غنوة» بوالدها و«أنغام» وطليقها

كشفت هايدي سليم، الصديق المقربة للفنانة «غنوة» عن معاناتها، وعدم مساعدة والدها لها مثلما فعل مع أختها غير الشقيقة «أنغام»، وتنصل الأخيرة منها.   وقالت في منشور لها على صفحتها الشخصية بموقع التواصل الاجتماعي "فيسبوك": «اللي مايعرفش مين غنوة دي هي أخت المطربة أنغام، أم لطفل صغير زي القمر اسمه ياسين كان نفسها في فرصة، أي فرصة تغني فيها ويبقي لها جمهور وكان نفسها تمثل ويبقي ليها مصدر دخل تربي به ابنها الصغير بعد طلاقها وانفصالها عن زوجها وتهربه من تحمل مسئولية ومصاريف ابنه، غنوة ماتت النهادرة في حادثة تصادم».   وتابعت «غنوة» دي محدش وقف جنبها ولا ساعدها حتي والدها الموسيقار محمد علي سليمان ماعملش معاها ربع اللي عمله مع أنغام أختها الكبري، حتى أختها أنغام كانت دايماً بتنكرها وبتتهرب ورفضت تساعدها كتير وصلت لدرجة أنها تدفع فلوس لشركات إنتاج عشان محدش فيهم يكتشف أختها ويخليها تغني وصلت لدرجة أنها تهدد أكبر الملحنين والشعراء بعدم التعامل مع أختها نهائيا وإلا هاتقطع علاقتها بيهم ومش هاتشتغل معاهم تاني هي عادتها ولا هتشتريها».   وتساءلت: «عمرك شوفت أنغام اتكلمت عنها؟ عمرك شوفتها وقفت جنبها أو حتي طلعتها جنبها علي مسرح أو قدمتها لجمهور معاها في أغنية حتي؟ انسي مش هتلاقي».   وأضافت: "ماتستغربوش دلوقتي لما السوشيال ميديا كلها والأخبار هتتكلم عنها وماتستغربوش أكتر لما تسمع منتجين وملحنين وممثلين ماكنوش بيردو علي تليفونها أصلاً  طالعين يبكوا و يترحموا عليها، متستغربوش أكتر لما تلاقوا ناس اتخلوا عنها وعمرهم ما وقفوا جنبها في أي مشكلة ولا ساعدوها في أي محنة في حياتها طالعين يكتبوا بوستات علي الفيس بوك عن مدي صدمتهم لوفاتها وأنهم كانوا قريبين أوي من بعض لزوم المجاملات واهو الأخبار تكتب، والإعلام يذيع».
 
وختمت قائلة: «ربنا  يرحمها ويغفر لها ويصبر أهلها وبالأخص ابنها ياسين على فراقها ولعل موتها يكون درس لينا كلنا، إن الحياة مهما طالت قصيرة ومهما عمرنا طال احنا في الدنيا ضيوف والأهم من ده كله. إن محدش بينفع حد».    
أعلنت أسرة الفنانة غنوة محمد سليمان «دفن» المطربة الراحلة، اليوم الجمعة، بمدافن الأسرة بقرية مشتهر في القليوبية.
 
وكشفت مصادر أمنية، عن أن الفنانة رحلت فجر اليوم  إثر حادث تصادم بشع بالتجمع الخامس.
نقلا عن النبأ


 










اهم الاخبار
شارك بتعليقك
فيسبوك ()
كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.