الحق والضلال الحق والضلال
البحث

تابعنا على



العودة الى الرئيسية

ايوه .. بحب قداسة البابا

منذ 1 اسابيع
November 9, 2018, 1:59 am
بلغ عن المحتوى
ايوه .. بحب قداسة البابا

ايوه بحب قداسة البابا   _ الراعي اللي ربنا اختاره فى اصعب وقت عدا علي مصر وعلى الكنيسه وزي ما نقي داود من وسط بيته وعشيرته نقاه من بين كل الاباء القديسين علشان يكون خليفة مارمرقس الرسول _ الأب اللي كلنا شفنا دموعه يوم تجليسه ع الكرسي كان عارف انه داخل علي شيله تقيله وهم كبير كان قلبه حاسس انه هيمر فى أوجاع و ألامات عظيمه _ الراجل اللي شال روحه علي كفه ونزل يوم 30 يونيو ووقف مع الدوله ضد اكبر واخطر جماعه ارهابيه في التاريخ مع انه كان عارف ان وقوفه قدامهم هيفتح عليه ابواب من نار لكنه بقلب قوي أخد موقف هيتسجل فى كتب تاريخ الكنيسه وبكره هيتقال فى يوم من لأيام ان بابا الكنيسه حافظ علي وحدة مصر وهويتها ووقف قدام المحتلين الجدد شياطين العصر الحديث جماعة الاخوان _ الراجل اللي ف سنين قليله من عهده الكنيسه قدمت شهدا من كل مكان و قلبه استحمل ألامات فوق طاقة اي بشر ( حرق الكنايس بعد فض اعتصام رابعه _ انفجار البطرسيه _ قتل المسيحيين في العريش _ مذبحة ليبيا _ تفجير طنطا واسكندريه _ مذبحة دير الانبا صموئيل الاولي والتانيه ) وف تفجير اسكندريه كان حاضر وموجود جوه القداس وكان الهدف الأول والأكبر من التفجير اغتياله وقتله _ الخادم الأمين اللي بيلف مصر من شرقها لغربها يكرز ويبشر بكلمة ربنا مع انه عارف انه مستهدف وتحركاته لازم تكون محسوبه _ البابا اللي بيخبي وجعه وتعبه وبييجي علي نفسه علشان خاطر ولاده كل القريبين منه عارفينه انه عنده مشاكل مؤلمه في ضهره ومحتاج للراحه لكنه عمره ما فكر ف راحته طول الوقت بيجول يصنع خير _ الجبل اللي شال فوق طاقته وشاف بعينيه امور جديده وغريبه ع الكنيسه ( قتل اسقف علي ايد رهبان ) وف عز ما كان الشيطان بيحاول يوقع ويهدم ويخرب كان هو بيبني وبيجمع وبيقود السفينه بحكمه كبيره و أمانة قلب _ المتواضع اللي عمره ما كسف حد ولا زعل حد بكلمه بشوش وجميل وطيب واللي اتعامل معاه بيشوف فى عيونه نظرة طفل وفى تصرفاته براءه ووداعه مش طبيعيه _ الحكيم اللي بيسمع اهانته ويسكت اللي مبيردش علي الاساءات باساءات زيها اللي كل يوم جزء من ولاده بيوجعوه بالكلام الجارح وهو كل يوم بيصليلهم ومهما قلبه اتوجع من كلامهم لسه جواه محبه وأبوه حقيقيه لكل واحد وواحده من شعب الكنيسه لما سألوه من فتره قريبه نفسك الناس تقول عنك ايه قال وعيونه فيها دموع بتحاول متبانش ( بابا ) ( بابا وبس )   بلاش توجعوه تاني بكلامكم بلاش كل واحد جواه غضب يغلط فيه ويهينه لو انتوا بتتوجعوا على اللي بيحصل هو وجعه بيكون أكبر بس وجع الكبير بيبقي متداري وجع بيبان في الصمت والسكوت أكتر من الكلام انتوا متعرفوش حاجه متعرفوش دموعه اللي بتنزل بالليل كل يوم قدام ربنا علشانكم متعرفوش يعني ايه كرسي مارمرقس ويعني ايه انك تكون مسؤول عن ملايين الناس قدام ربنا بدل ما تقسوا عليه بكلامكم صلوله اطلبوا من ربنا يسنده ويقويه ويديله نعمه ومعونه فى مشوار خدمته خليكوا معاه مش عليه الكتاب المقدس بيقول : رَئِيسُ شَعْبِكَ لاَ تَقُلْ فِيهِ سُوءًا ده أمر ووصيه الهيه وخصوصآ لما يبقي رئيس شعبك أب طيب وبطرك أمين وحكيم وراعي عظيم ومخلص اسمه قداسة البابا المعظم الأنبا تواضروس الثاني   اعملوا شير علي أد ما تقدروا للبوست ده عايزين الكلام ده يوصله ويشوفه أعلنوا حبكم الكامل ل قداسته عرفوه ان ولاده ف ضهره ومعاه وقولوله حقك علينا ومتزعلش قولوله بنحبك يا ( بابا )   بنحبك يا بابا منقول من صفحه ا/ميلاد فهيم 
 









اهم الاخبار
شارك بتعليقك
فيسبوك ()
كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.