الحق والضلال الحق والضلال
البحث


عم رزق احد الناجين من مذبحة دير الانبا صمويل يدهش الجميع برد فعله بعد نجاته واثناء وجود ابنته في غرفة العمليات

منذ 8 شهر
November 11, 2018, 7:41 pm بلغ
عم رزق احد الناجين من مذبحة دير الانبا صمويل يدهش الجميع برد فعله بعد نجاته واثناء وجود ابنته في غرفة العمليات

خاص للحق والضلال 
نشرت احد المكرسات وتدعي تاسوني رفقة سمير شهادتها علي احد الناجين من مذبحة دير الانبا صمويل ويدعي رزق حيث التقت به في المستشفي وما ادهشها وادهش جميع الموجودين هو رد فعل عم رزق كما اسمته بعد الحادث حيث كتبت قائلة 


ضحكة عم رزق
اول ما رحت المستشفى للمصابين بحادث الدير شفت وجع وبكى وانين يهد جبال. ووسط ده لمحت عم رزق الراجل البسيط شدتنى ضحكته قلت يمكن مالوش حد فى الحادث!!! قلت اقرب اعرف ايه حكايته لما قربت شفت جوة الضحكة عيون حمراء زى الدم غرقانة دموع عرفت ان بنته مريم اللى روحه فيها ليها يوم كامل فى العمليات الرصاص فتت عضم رجلها قلتله ياجمال ضحكتك ياعم رزق قالى خير ربنا عليا مفرحنى واحنا نطول النعمة دى احنا مانستهلش قلتله طب والدموع اللى جوة عنيك؟؟ اتنهد وقالى بتى فى العمليات عايز اطمن عليها ولما بقوله ماتخافش قاطعنى وقال لا ماخافش طبعا ربنا حنين شاكرينه على كل حاجة يا بتى انا بس عايز اطمن وخرجت مريم بالسلامة من العمليان شفت على اديها وشم m وقلب وR ضحكت معاها وبقولها مين يا هانم اللى عامله حرف اسمك وقلب جنب حرفه ضحكت وهى موجوعة وقالت ده بابا وسألتنى مش انت مكرسة قلتلها بيقولوا كده 😊 ابتسمت وقالت نفسى ابقى زيك. مريم من وسط الوجع والموت مفكرتش تستخبى لا فكرت تقرب اكتر لربنا 
ياااااه ياعم رزق على علاقتك ببنتك وبربك قد كده وجع قلبك مكسرش ثقتك بربك وشكرك ليه رغم مرارة اللى انت فيه ضحكة عم رزق شفتها اقوى من الرصاص عم رزق البسيط داس على الوجع بالايمان وبنته مريم خارجة من نار الالم تشهد عن الله الحنين اللى نفسها تعيش ليه وتمجد اسمه
كنيستنا كنيسة ابطال يشهدوا عن الاههم من جيل لجيل ضحكة عم رزق وبنته مريم هزمت الرصاص. ربنا طيب. تاسونى رفقة














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة john
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.