الحق والضلال الحق والضلال
البحث


صورة غريبة لمارمينا راكبا علي جمل ويجري وراء دبابة..فهل كان في عصرة دبابات..اليكم القصه

منذ 12 شهر
November 25, 2018, 6:25 pm بلغ
صورة غريبة لمارمينا راكبا علي جمل ويجري وراء دبابة..فهل كان في عصرة دبابات..اليكم القصه

كتبت رينا يوسف لموقع الحق والضلال


من المعتاد ان يظهر القديس العظيم مارمينا دائما بجوارة جملين ولكن وجدت صورة غير مالوفه له راكبا جمل ويجري وراء دبابة فكان لابد من معرفة قصة الصورة الحقيقه مار مينا بيترسم باكتر من شكل صورته المشهوره و هو واقف .و ليه صوره و هو راهب .و صوره و هو فارس على حصان . اما هذه الصورة فهي من عام 1942 بواسطة رسام انجليزي ويوجد منها اربع نسخ بالعالم.ويقول الباحث في قصة هذه الصوره" فى عصر البابا يؤانس ال 19 و بالظبط فى اخر سنه ليه هاجم الالمان بقياده روميل ثعلب الصحراء مصر و فى الوقت ده كانت مصر تحت الحمايه البريطانيه بقياده مونتجومرى المصريين كانو فاكرين الالمان داخلين منتصربن بحساب العتاد و الاسلحة .روميل مشهور و متغلبش طول عمره. مونتجومرى مش هياكل معاه بدباباته القديمة قدام دبابات شيندلر الالمانى فى الوقت ده . المهم دخل روميل العلمين .من المنطقه الى تواجد فيها جسد مار مينا.كان فى كتيبه مصريين محطوطة فى وش الحرب.و فى اول المعركة اتحاصرو من الالمان وكانوا مستخدمين الكتيبه طعم علشان يهجمو عالالمان و هما بيدبحو فى الاقباط المصريين.فاتشفع الجنود بالشهيد القبطى و زى ما كل مرة .مينا سمع ولاده وظهر بشكل عجائبى كعادته و صحيوا الصبح لقوا قوات روميل كلها مهزومة .بدون اى تدخل حقيقى من عسكرى انجليزى.اللى وصفوه الالمان باليل انهم شافوه جندى بملابس غريبه راكب على جمل و معاه سيف غريب .و حواليه جيش من الجمال بيهاجم بيه معسكرات الالمان و خيمهم و الالمان مكانوش معتادين يشوفوا الجمل فى بلادهم . فعلى بال ما فهمو ايه اللى بيحصل كان نص العساكر اتطحنت و المعسكر كله اتمسح بين عشيه و ضحاها و تانى يوم كان الالمان باعتين رسايل بيقولول فيها ان المصريين بيحاربو بقاااائد مصرى غير معروف و كائنات عملاقه لا قبل للخيل بمواجهتها الخبر اتنشر فى الجرايد المصريه فى 10 نوفمبر 1942 و مصر كلها سمعت عن النصرانى ( ابو جمال ) الى دافع عن ولاده . و بعد البابا يؤانس جه البابا يوساب و بعده جه حبيب مارمينا البابا كيرلس السادس.فطلب يبنى دير للشهيد فى المنطقه دى احتفالا بالذكرى و الدوله وافقت ووضعت حجر الاساس هناك للسبب ده بس و جنب الدير لحد دلوقتى فى بلد كامله اثريه اسمها بو مينا ا نسبه للشهيد مار مينا اهلها عارفين القصه بتفاصيلها .و يقال ان مار مينا بيتشاف هناك اكتر ما بيشوفوا بعض فى الشارع.الصوره الى اتحولت ايقونه رسمها رسام انجليزى على وصف العساكر الالمان فى الوقت ده شهيد الاقباط .دافع عن الاقباط السلام لمار مينا صانع كل عجائبالسلام لمار مينا مانع كل مصائب. ليتمجد اسمك في قديسيك يارب











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة lily
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.