الحق والضلال الحق والضلال
البحث

تابعنا على



العودة الى الرئيسية

حدث بالفعل .. فتاه تفتح الكاميرا لشاب احبته وعندما رفضت ان تفعلها مره اخري هددها يفضحها .. تحذير لكل بنت اقري الكلام ده كويس

منذ 1 اسابيع
December 7, 2018, 2:32 pm
بلغ عن المحتوى
حدث بالفعل .. فتاه تفتح الكاميرا لشاب احبته وعندما رفضت ان تفعلها مره اخري هددها يفضحها .. تحذير لكل بنت اقري الكلام ده كويس

مواضيع عامه

كتب كيرلس فتحي 

ضحيه جديده ضمن ضحايا الإنترنت .
- حبيبى إزيك وحشتنى 💓.
- وإنتى كمان وحشانى قوى ياروحى ، بس أنا زعلان منك 😠.
- ليه بس !😱
- عشان مارضتيش تفتحى الكاميرا إمبارح وانا بكلمك
- حبيبى أنا متربيه كويس ، ماينفعش أعمل اللى عاوزه
- ياقلبى إنتى هاتكونى مراتى يعنى ماتتكسفيش منى أبداً ، احنا بقينا واحد خلاص .
- لما نتجوز بقى 😍 هاتشوف كل حاجه
- طيب مانتى فتحتيلى الكاميرا قبل كدا وشوفت كل حاجه 😉
- حبيبى دى كانت غلطه ومش هاتتكرر تانى أبداً ،من فضلك ماتفكرنيش ، انا مش عارفه عملت كدا إزاى ، وأنت أقنعتنى إزاى 😭😭 
- عموماً يا متربيه كويس أنتى 😏 ، أنا أستغليت الغلطه دى ،وسجلت كل حاجه فى الفديو ومعايا صور كتير كمان ليكى وانتى فى وضع مش كويس ويفضحك وسط الناس ، يعنى لو فكرتى تضايقينى هاتدمرك 😈
- 😱😱 مستحيل أنت تطلع كدا ، دانا وثقت فيك وحبيتك 😭
- سيبك من الكلام اللى لا يجيب ولا يودى ده ، هاتفتحى الكاميرا وتبسطينى ولا أفضحك ؟ 
- هاعملك اللى إنت عاوزه بس الله يخليك ماتعمل حاجه 😢😰
بنات كتير بتقع فى مشاكل زى دى وأكتر بسبب إنهم وثقوا فى شباب إفتكروهم رجاله بس للأسف طلعوا مجرد حيوانات مفترسه ، شباب كتير بسبب أمراض نفسيه عندهم وحرمان جنسى ومراهقه متأخره بيكون شغلانتهم إنهم يضحكوا على بنات الناس بإسم الحب وبعد كدا يشبعوا رغابتهم الجنسيه معاهم 
رسالتى لكل بنت خلى باللك ، إنتبهى ، فوقى ، شغلى دماغك ، اللى بيحبك بجد هايحافظ عليكى، مش هايطلب منك أى طلب يقل من إحترامك لنفسك ، مستحيل هايرضى ان صورتك تتشوه قدامه ، اللى بيحبك بجد هايعاملك معامله راقيه نضيفه بعيده عن أى مطالب ممنوعه
أرفضى ، أرفضى ، أرفضى لو تم تهديدك بأى وسيله لو معاه صور أو فيديوهات او مكالمات او شات ماسكه عليكى ، فى الحاله دى لازم ترفضى وإياكى تجاريه لانك بتكررى نفس الغلط ، ساعتها واجب عليكى إنك تروحى لحد كبير فاهم وعاقل يعالج المشكله بكل هدوء ، لإن خلى باللك تهديده ليكى جريمه يعاقب عليها القانون ، يعنى هو بكدا بيجيب المشاكل لنفسه ، فأنتى ماتخافيش ، ماتحسسهوش بقيمة اللى معاه وإنه ماسكلك حبل المشنقه ،حاولى تواجهى مشكلتك بكل قوه أحسن ماتعيشى حياتك فى ذل وخوف ومهدده ، المهم تتعلمى من غلطتك .
رسالتى لكل أم وأب ، راقبوا ولادكم كويس جداااا ، صاحبوهم ، قربوا منهم ، راقبوا تصرفاتهم كويس ، أحكوا معاهم ، إعرفوا مشاكلهم وأوجاعهم ، ماتخليش الشغل ياخدوا كل أوقاتكم ، أنتم بتشتغلوا عشان تأمنوا مستقبلهم ، لكن لو أهتميتوا بجنب الفلوس بس ، مستقبلهم هايتدمر بردو
أحب أقول لكل أم وأب لو لاقدر الله جات بنتكم بمشكله زى دى ، حلوها بحكمه وعقل ، كل إنسان معرض إنه يغلط ،خوف بناتكم منكم سبب رئيسى يدفعها إنها تستسلم لتهديد الشاب . 
خليكم مصدر أمان ليها ، خليكم الحضن الحنين اللى دايما يقبلها فى كل مشاكلها . 
بقلم/#كيرلس_فتحى 










شارك بتعليقك
فيسبوك ()
كتب بواسطة Flysmsm
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.