الحق والضلال الحق والضلال
البحث


ماحدث لخادم الكنيسه بعد ماجمع العشور ووجد ابنه بين الحياة والموت ورفض ان يأخذ من فلوس العشور لعلاج ابنه ..الرب يتدخل ويكأفئه علي امانته

منذ 11 شهر
December 17, 2018, 3:46 pm بلغ
ماحدث لخادم الكنيسه بعد ماجمع العشور ووجد ابنه بين الحياة والموت ورفض ان يأخذ من فلوس العشور لعلاج ابنه ..الرب يتدخل ويكأفئه علي امانته

قصه بقلم الرائع كيرلس فتحي 

واحد خادم فى الكنيسه كان بيجمع العشور من الناس ويحط جزء منها فى الكنيسه والجزء التانى بيديه لناس محتاجه ، هو ماكانش غنى اوى بس حالته بسيطه وكان دايما بيقول مستوره والحمدلله ، وفى يوم الحال الماديه ضاقت قوى معاه ،وكان محتاج فلوس ضرورى عشان علاج ابنه المصاب بالسرطان ، وسط حيره وضيقه جات مراته وقالتله .
- ماتاخد من فلوس العشور 
- لا دى مش فلوسنا ، دى فلوس ولاد ربنا المحتاجين ، احنا الحمدلله مستوره .
- مستوره منين بس ، انت هاتشلنى الواد بيموت ولازم ياخد العلاج .
- انا قدمت على سلفه فى الشغل 
- حلنى بقى لما يردو علينا ، دا يوم الحكومه بسنه ، يكون الواد بعد الشر مات من المرض.
- ربنا هو اللى خلقه ، هو احن مننا عليه، ولو اخده مايغلاش على ربنا ، هايبقالنا شفيع فى السما .
دموعه نزلت بعد ما خلص كلام ، هرب من عيون مراته ودخل اوضته ورفع ايديه للسما فاتح قلبه قبل فمه وقال
- يارب انا واثق فى حكمتك ،وواثق ان كل تجربه بتبعتها لينا بتكون واقف معانا ومش سايبنا لغاية ما محنة التجربه تعدى ، بس يارب ابنى ، انا خايف عليه قوى ، ومش قادر اخد من فلوس العشور دى بتاعت ناس محتاجه اكتر منى ، من فضلك يارب حلها من عندك ،انا واثق انك سامعنى وحاسس بوجع ابنى المريض امين 
عدت ربع ساعه بالظبط ونزل عشان يروح الكنيسه يحط جزءالمخصص للكنيسه من العشور ، قابل الاستاذ اسحق مديره فى الشغل .
- استاذ اسحق ازيك 
- نشكر الله، كويس انى شوفتك جايبلك خبرين واحد وحش وواحد حلو . 
- ههههه يا استاذ اسحق قولهم الاتنين ، انا واثق فى حكمة ربنا .
- للأسف المصلحه رفضت طلبك للسلفه ودا اول خبر ، تانى خبر بقى، اثناء مناقشة طلبك ، كان موجود راجل مستثمر كبير فى البلد ولما سمع بحكايتك وسبب طلبك للسلفه قرر انه يتكفل بجميع تكاليف علاج ابنك لغاية ما ربنا يكتبله الشفاء ، افرح ياعم ،كنت طالب سلفه عشان تجيب علاج شهر واحد ربنا بعتلك مكافئه اكبر منها مليون مره ، كل ده عشان انت انسان قريب من ربنا وقلبك معاه ، وامين على فلوس اولاده المحتاجين . اشكر ربنا .
بقلم/ كيرلس فتحى 











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.