الحق والضلال الحق والضلال
البحث

تابعنا على



العودة الى الرئيسية

كارثه يتحدث عنها شخص غير مسيحى تحدث كل جمعه فى سوق السيده عائشه للفتيات

منذ 2 شهر
December 26, 2018, 6:52 pm
بلغ عن المحتوى
كارثه يتحدث عنها شخص غير مسيحى تحدث كل جمعه فى سوق السيده عائشه للفتيات

مواضيع عامه 
كارثه يتحدث عنها شخص غير مسيحى تحدث كل جمعه فى سوق السيده عائشه للفتيات 
بكرة الجمعة تعرف إنك لو عندك بنت وعايز تختنها ممكن تروح سوق السيدة عائشة وتختنها ب 30 جنيه او لو عايز تكرم الراجل ب 50 
الحكاية بدأت يوم الجمعة اللي فاتت لما لحظت طوابير في مكان ما كده في سوق السيدة عيشة وامهات ومعاهم بناتهم الصغيرين الحقيقة لفت نظري وروحت سألت ده ايه محدش من الستات جوبني لحد لما بياعة خضار قلتلي ان هنا في اوضه الختان وقلتلي ان الاسطي مصطفي اللي بيعمل ده فيها ايدو تتلف بحرير وقلتلي ان فيه تلت اماكن في اوض كده في السوق بيحصل فيهم ختان انا كنت قريت في اليوم السابع تحقيق عن حاجه شبه كده فروحت لواحد منهم في المكان اللي فيه الطابور ده وقولتلو ان ليا اختي وعايزين نختنها "مع العلم اني معنديش اخوات " قالي هتهالي الاسبوع الجي احنا هنا كل جمعة، ولما سألته عن التكلفة قالي عشانك هخلصهالك علي 50 جنيه انما فالعادي بنعملها ب 70 ولما فصلت معاه قالي هتلي انت العده واخلصهالك علي 30 .سالتو ايه هي العده دي قالي هتلي شاش وقطن وعلبه امواس وانا عندي الباقي فقولتله طب وامان قالي انا بقالي 30 سنه بختن واعملهالك وانا مغمض ومعايا مساعدين يخلصولك الليله في 5 دقايق مش اكتر انا مصدقتهوش ووقفت بعيد اراقب الدنيا لقيت ان اللي بيخش بيدفع الفلوس لواحده عالباب ومبيخدش اكتر من 5 دقايق ويطلعوا والبنت بتكون كانها مغمي عليها من كتر العياط ولما كلمت كذا حد من الستات دول فضلوا يقولولي ان الختان عفه ومن الدين وبيخلي البنت محترمة وحجات عجيبه كده.
هو في اوسخ من كده فالدنيا بجد .حقيقي انتم كامهات وابهات بتهينوا وبتفشخوا المنطق والعقل قبل مبتحطوا عالبنات في المجتمع ده وفي الاخر بتخلوا الانطباع عنا زفت وبتنسبوا للدين حجات عجيبه "دين ايه اللي هيقول اقطعوا جزء من البنت بالطرق المهينه دي "
انا مكنتش عايز اكلم وكنت بقول ان دي فئة قليله اللي بتعمل كده بس للاسف بعد مسألت كتير اوي عرفت ان الموضوع ده بيحصل بالهبل بس من تحت لتحت بعد مكنا فاكرين ان المجتمع ارتقي ومبقاش فيه ختان ،
كفاياكم اهانه بقي بجد للجنس ده !











اهم الاخبار
شارك بتعليقك
فيسبوك ()
كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.