الحق والضلال الحق والضلال
البحث

تابعنا على



العودة الى الرئيسية

مارينا صبحي تكتب | تنهيده فى متاهه

منذ 2 شهر
January 11, 2019, 3:03 pm
بلغ عن المحتوى
مارينا صبحي تكتب | تنهيده فى متاهه

مارينا صبحي تكتب | تنهيده فى متاهه
عارف يارب
رغم فرق السماوات بلقاك
ورغم انك ساكن النبضات
بستناك
انت ابعد قريب ليا
وانت الضهر من اعلى سماك
انت الى نزلت نار وكبريت
انت الطوفان والهلاك
وانت الى بعت حوت وامرت بفلك
ومشيت فالنار بصورة ملاك
انت الجبروت والسيد
ولقاك ب"مفروض" متقيد
 رغم انك صاحب انتيم
وانت القديم
 بس معلش انت برضه العظيم
وانا .شوية تراب
على بشر زييا بتسند
واتخذل
واتسحل
واتدارى فى حيطان الشقا
واشحت علاقة عشان الاحتياج يتسدد
انت الصاحب
وانا صدقنى حابب
بس هما قالولى انك مشدد
ومتعود
على الركب المحنية
و الروح المكفية
بس انا مجروح
ومتعودتش ابوح
متعودتش
على البكا والنوح
انا اصلا روحى مطفية
للاسف. كل ده مش فيا
ولا ليا
رغم انك حنين انا بتالم من قسوتك
ورغم عدلك انا عايش اصلا على رحمتك
انا مش عارف خطتك
بس منكرش
تايه
وعجبانى المتاهة
جذبانى النداهة
احيانا مش فاهم
واحيانا بتعمد البلاهة
انا بحبك
صدقنى بحبك
بس انا ينفع احبك بطريقتى
ينفع تفهم مشيئتى
احكى ببراح
وارتاح
طب ينفع افهم منك طبيعتى
ينفع تلمع كلام المصدى
تمتص غضبى تطيب خاطرى
فيطفى حتى الرماد فى حطبى
انت فاهم قصدى
عارف
وحشتنى التنهيدة الى فى اخر الكلام
الى هى "انا فهمت وتمام "
 محتاج سلام
بس دى محتاجها فصلاتى
التنهيدة
التنهيدة الى بتنهى الكلام
وتكلم الدموع
وتهيج النايم بين الضلوع
يقول يسوع
فيدوب الجافى غرام










اهم الاخبار
شارك بتعليقك
فيسبوك ()
كتب بواسطة Lomy
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.