الحق والضلال الحق والضلال
البحث

تابعنا على



العودة الى الرئيسية

كيرلس فتحي يكتب زهرة تصنع المعجزات

منذ 2 شهر
January 11, 2019, 9:53 pm
بلغ عن المحتوى
كيرلس فتحي يكتب زهرة تصنع المعجزات

عيد ميلادى اللى فات صحابى جابولى قصرية زرع ، كان مزروع فيها نوع زهره فصيلتها نادره جدااا جايه من بره مصر ، ألونها جميله بجد لما ضوء الشمس يجى فيها تدى كل الألوان ، ده غير ريحتها الحلوه اللى كنت بصحى من النوم من قوتها من الأخر كانت أغلى هديه جاتنى فى حياتى بس للأسف ماعرفتش ده غير متأخر 
الموضوع بدأ معايا لما إتعرضت لأكبر عملية نصب فى حياتى ، انا داخل جمعيه ب ٢٠٠٠ جنيه فى الشهر ، مع واحد معانا فى الشغل ، ولجل الحظ النحس بعد ماعملنا القرعه طلعت أنا الأخير ، كنا عشره فى الجمعيه فى عشر شهور المفروض اقبضها ٢٠ الف جنيه ، ويوم ما جه الدور عليا الواد اللى بيلم الجمعيه فص ملح وداب ، ساب الشغل وقفل تليفوناته واختفى تماماً ، عملت محضر فى القسم وللأسف مافيش أى نتيجه 
نفسيتى تعبت قووووى ، ماكنتش طايق نفسى، وفى يوم واحد جيرانى جالى البيت ، وشاف الورده إنبهر جدا بجمالها وريحتها ، وعرض عليا انه يشتريها بمبلغ كبير 
أنا بصراحه مش من هواة الزرع ، وكنت مزنوق فى الفلوس ، والمبلغ اللى عارضه عليه ماكنتش اتخيل ان الورده دى تجيب المبلغ ده ، فا قولت استفاد بالفلوس لان الفرصه دى مش هاتتكرر تانى 
بيعتها ويارتنى ما بيعتها 
بعد خمس شهور لاقيت جارى ده فتحت عليه من وسع ، ولما سألته قالى 
- الزهره اللى أشتريتها منك سلاله نادره وتعتبر منعدمه فى مصر والطلب عليها شديد جدا وبمبالغ كبيره ، انا جنست الزهره دى وعملت منها فصايل كتيره جداً بالوان وروايح مختلفه، ده غير انى عملت منها عطور غاليه جداً بصدرها بره عزيزتى الفتاه انتى أجمل ورده فى حياة اللى يقدر قيمتك، تأكدى تماماً أن اللى باعك بحجة الظروف فهو الخسران مش أنتى ، وأكيد هايجى اليوم اللى تقابلى فيه شخص يعرف قيمتك بجد ويخرج منك أجمل ما فيكى  










اهم الاخبار
شارك بتعليقك
فيسبوك ()
كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.