الحق والضلال الحق والضلال
البحث

تابعنا على



العودة الى الرئيسية

حملة “خليها تعنس” على غرار “خليها تصدي” لمواجهة ارتفاع تكاليف الزواج تثير ضجة.. وفتيات ترد عليها ”

منذ 3 اسابيع
January 27, 2019, 10:10 pm
بلغ عن المحتوى
حملة “خليها تعنس” على غرار “خليها تصدي” لمواجهة ارتفاع تكاليف الزواج تثير ضجة.. وفتيات ترد عليها ”

موضوع
دشن رواد مواقع التواصل الاجتماعي فيسبوك وتويتر، حملة جديدة تحمل شعار "خليها تعنس"، في دعوة منهم لمقاطعة الزواج بسبب ارتفاع التكاليف الخاصة به، والتي تشمل "شبكة ومهر وشقة"، وهو ما أثار غضب الكثيرين من الفتيات والسيدات، فيما لاقى استحسان وتأييد الشباب من الرجال .



وظهرت المنشورات الرافضة لهذه الحملة من قبل الفتيات احتجاجًا على تدشين الحملة.

كتبت نهى رأفت،  قالك فيه حملة اسمها #خليها_تعنس طيب ده علي اعتبار أنه الجواز هو أكبر إنجاز ممكن تحققه البنت في حياتها؟ فيا حرام كده ضاع منها أهم إنجاز في التاريخ".وأضافت معللة هجومها "نسبة كبيرة من الشباب غير قادرين أصلا علي تحمل المسئولية، ومع أول مطب أو مشكلة تقابله تفكيره بيقف ومبيعرفش يتصرف ونسبة كبيرة من الأهالي بيصرفوا علي بناتهم بعد الجواز وكل واحد في المحيط اللي حواليه حيلاقي علي الأقل حالتين من النوع ونسبه كبيرة من الستات في مصر هي اللي فاتحه بيوت بعد الجواز وهي اللي شايله المصاريف من الألف للياء وجوزها ميعرفش حاجة عن البيت".

الستات مش بضاعة، هكذا استهلت ريما منشورها المعارض وبشدة لفكرة الحملة، فكتبت "الستات مش بضاعة هتتركن في المخازن وقيمة البنت في شخصيتها مش مرهونة إذا كانت مرتبطة براجل ولا لا مشكلة كتير من الرجالة المصريين والدول الناطقة باللغة العربية عموما أنهم فاكرين نفسهم أملة أو جايزة وهييجي ينقذ البنت من "العنوسة" لا لسبب سوى لأنه "راجل" بل ويظن البعض أن حياة البنت لا يمكن أن تكون بدون راجل. الحقيقة يا جماعة انتوا مش جايزة خالص ولا املة ولو قارنتوا نفسكوا بدول تانية هتكتشفوا الفرق".

فيما دشنت سارة الشاعر حملة مضادة وعلقت "انتوا مجانين؟؟ متخيلين إن البنات لسه بتحلم بالفستان الأبيض والفارس اللي هيخطفها؟؟ انتوا بجد حقيقيين ولا فوتوا شوب؟؟ طب يلا حملة مضادة بقي #اللي_معهوش_مايلزموش".
وتساءل محمد خليل مستنكرًا فكرة الحملة "نخلي مين تعنس اختنا ولا بنت عمنا ولا بنت خالتنا ولا بنت جارتنا ولا بنت اليتيم ولا بنت شارعنا ومنطقتنا؟".
أما حسان فكانت له وجهة نظر مختلفة، والتي رأي أنه لابد أن تكون الحملة ضد غلاء أسعار الأجهزة الكهربائية والوحدات السكنية "انا ضد حملة #خليها_تعنس دي لو عايز تتجوز اعمل حملة علي الوحدات السكنية وأسعار الأجهزة الكهربائية والمهور الغالية أما البنت اللي هتعنس دي اختك وقريبتك وكلنا نتمنى الستر ليهم".

فيما كان جمهور كبير من الرجال مؤيد كثيرًا لفكرة الحملة وأهدافها ودعمهم في فكرتها عدد من السيدات

فكتب محمد كامل "بما أن الزواج سلعة باهظة الثمن لا يمتلك ثمنها أغلب الشباب وبما أن الإناث راضون بذلك ولا يردن التراجع عن هذا السخف #خليها_تعنس".

وسرد الطالب أحمد الشرقاوي مشكلته مع الزواج "أنا ذنبي إيه كطالب لسه فاضله سنتين ويتخرج، ولازم لما أروح أخطب ابقي مخلص شقتي معايا شبكة بـ100 ألف جنيه غير المهر وتكاليف العفش وتكاليف نقل العزال بتاع العروسة وتكاليف الفرح، يعني عشان اتجوز عايز مالا يقل عن 500 ألف جنيه وأنا معايا 5 جنيه منه".
وتحت هاشتاج آخر #خلينا_نعنس علق محمد رمضان "الحوار مش في خليها تعنس إحنا كلنا عندنا أخوات بس فعلا التكاليف بقت صعبة جدًا وبلا داعي، فلازم يكون في تساهيل من الطرفين عشان الدنيا تمشي أصلها مش سلعة عشان اللي يقدر يدفع أكتر هو الراجل واللي يستاهلها. واسم الهشتاج يبقي #خلينا_نعنس عادل أكتر".

ودعت أسماء السيدات لتحمل المسئولية وظروف زوجها مؤيدة بذلك لفكرة الحملة "الستات لازم تعرف إنها مش سلعة ولا مزاد للى يدفع أكثر ولازم تتحمل المسئولية لأن الجواز ده مسئولية، وأول حاجة تثبت فيها الست إذا كانت هتقدر على هذه المسئولية أو لا هو تحملها لظروف زوجها سواء المادية أو المهنية، الجواز عمره ما كان شقة غالية وشبكة ومهر وفرح".

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس"

تعليقات رواد مواقع التواصل الإجتماعي على حملة "خليها تعنس" 
 
هذا الخبر منقول من : جريده الاهرام
 










اهم الاخبار
شارك بتعليقك
فيسبوك ()
كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.