الحق والضلال الحق والضلال
البحث

تابعنا على



العودة الى الرئيسية

يا جامع متدمعش )

منذ 1 اسابيع
March 15, 2019, 1:59 pm
بلغ عن المحتوى
يا جامع متدمعش )


صعبان عليا يا جامع
يا بيت الصلاة و الخشوع 
دمعك فى قلبى واجع
دمعك قادر ينور شموع 

عارفك يا جامع موجوع 
من فعل الإرهاب و العمى
أطمن تكبيرك مسموع
واصل لحد آخر سما 

يا جامع ربنا مش عاجز 
هيجيب حقك أضعاف أضعاف 
مش هتمنعه اى حواجز
أيدين ربنا مش ضعاف

يا جامع أمسح دموعك
ليلك نهاره جاى
بكرة هتقيد شموعك 
هتملى الدنيا ضى 

مهما كانت بيبانك متقفلة 
ربنا هيبرد نارك 
اصل عيونه مش متغفلة 
بكرة هيرد تارك 

النهاردة بابك حزين مقفول 
لكن قلبك بالسلام مفتوح
حبك ساكن فى العقول
جوة فى القلب و الروح

أدانك صوته بيرن
فى القلب و الوجدان
هيفضل جوانا يحن
عايش فى الوجدان 
 
يا جامع متدمعش 
حقك راجع راجع 
يا جامع متتوجعش
بجد كفاية مواجع

كلمات : محمد فتحى










اهم الاخبار
شارك بتعليقك
فيسبوك ()
كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.