الحق والضلال الحق والضلال
البحث

تابعنا على



العودة الى الرئيسية

( يا أم البارومى فى عيدك )

منذ 1 شهر
March 19, 2019, 7:26 pm
بلغ عن المحتوى
( يا أم البارومى فى عيدك )

يا أم البارومى فى عيدك
ليكى رب كبير دايما ناصر
قادر يطفى نارك و قيدك
على أبنك اللى بالظلم متحاصر

أزاى فى يوم عيد الأم
واحدة قصاد الظلم بتعافر
أم البارومى حالها يغم
فعلا تصعب على الكافر

يا أم البارومى البرئ
بكرة النهار طالع
نور الحق دايما جرئ
يطفى الظلم اللى ضالع

أنا حاسس بكسرة قلبك
على برئ بين أربع حيطان
لكن الحق من عند ربك
قادر يكسر كل شيطان

يا قاضى أنا مكسوفلك
بينك و بين الحق حاجز
أنا اللى أعمى بشوفلك
البارومى جنسيا عاجز

أفتح عينيك على الحقيقة
ده العدل أساس الملك
أكسر عمى الظلم دقيقة
أديه البراءة من غير ما تشك

أم البارومى عمالة تتوجع
أبنها برئ و كمان محبوس
ألحقوها دى خلاص بتودع
ولا ده متخطط و مدروس

يا قاضى العدل و الميزان
أمتى بقى تعدل الكفوف
لو فعلا بتراعى الديان
عينيك بالحق هتشوف

ربنا فعلا غضبان عليك
لأنك مش شايف الحق
حتى لو أعمى بعينيك
كان المفروض قلبك دق

كلمات : محمد فتحى










اهم الاخبار
شارك بتعليقك
فيسبوك ()
كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.