الحق والضلال الحق والضلال
البحث


اعملي مربي الفراوله بطريقه مضمونه ومجربه وصحيه ميه في الميه في خطوتين اتنين بس

منذ 5 شهر
March 28, 2019, 9:25 pm بلغ
اعملي مربي الفراوله بطريقه مضمونه ومجربه وصحيه ميه في الميه في خطوتين اتنين بس




كتبت لي لي جورج لموقع الحق والضلال 


تقدري تعملي مربي الفراوله او اي نوع فاكهه مفضل بالنسبالك في البيت بطريقه سهله جدا ومكونات بسيطه جدا جدا وبخطوتين اتنين بس ،
المكونات المطلوبه منك هي : 
كيلو فراوله 
كيس جيلي فراوله او كريز او ممكن لو حبيتي تجيبي جيلاتين نباتي من عند اي عطار 
كوبايه سكر او حسب الرغبه 
الطريقه :
اغسلي الفراوله كويس وقطعيها ل جزئين وبعد ما تخلصي الكيلو ضيفي ليه كوبايه السكر او اكتر او اقل حسب رغبتك ،
اخلطيهم ببعض بالشوكه وغطيهم ببلاستيك او غطي العلبه اللي بتعملي فيها وسبيهم في التلاجه من الليل للصبح ، 
اول ما تصحي الصبح هتلاقي الفراوله نزلت الميه بتاعتها ودا كدا كويس جدا 
هتيجي تاني يوم وهي الخطوه التانيه هتحطي الفرواله بالميه اللي نزلتها علي النار وتسبيها تغلي واول ما تغلي وطي النار عليها وسبيها حوالي ١٠ دقايق لحد ما الميه تقل شويه وبعد ١٠ دقايق اطفي علي الحله وضيفي كيس الجيلي او الجيلاتين وعصره ليمونه واحده وقلبيهم .
بعد كدا ممكن تحطيهم في الكبه بعد خمس دقايق وتفرميهم لمده نص دقيقه او تهرسيهم بالشوكه او تضربيهم في الخلاط لو حابه انها تكون ناعمه جدا 
وخذنيها في برطمانات زجاج نضيفه ومعقمه واول ما تبرد حطيها في التلاجه .
ملاحظات لنجاح المربي : 
عقمي البرطمان عن طريق غلي ميه ووضعها في البرطمان وبعدها سيبي البرطمان ينشف لوحده من غير ماتنشفيه بمنديل او اي حاجه ودا علشان لما تخزنيها ماتبوظش منك 
كمان لازم تحفظي الفراوله في التلاجه لان مفهاش اي مواد حافظه .
وبكدا عملتي مربي صحيه ليكي ولعيلتك ومضمونه ميه في الميه














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.