الحق والضلال الحق والضلال
البحث


وصف دقيق من ابونا فانوس للسما عندما أخذه ملاك ليرى ملكوت الله

منذ 7 شهر
April 15, 2019, 3:29 pm بلغ
وصف دقيق من ابونا فانوس للسما عندما أخذه ملاك ليرى ملكوت الله

وصف دقيق من ابونا فانوس للسما عندما أخذه ملاك ليرى ملكوت الله

موضوع
يحكي احد الخدام المحبين لابونا فانوس فقال فى يوم قاعد مع ابويا فانوس وبقوله ادعيلى يابويا اخش السما لما اموت قالى ربنا يدخلك السماء ان شاء الله ياعم سمير قولتله السما حلوه يابويا قالى دى على كيفك قولتله قدسك طلعتها قال ايوه مره الملاك خدنى وطلع بيا السما لقيت نفسى فى حاجه زى ممر كبير كله نور بس مش نور زى المنور فوق منك ده يقصد نور اللمبه اللى فى القلايه قال لا نور السما مايتوصفش المهم مشيت مع الملاك فى الممر المنور ده وكان فيه حاجه زى الاوض ١٢ اوضه 6 من على اليمن و6 من ع الشمال كل ماافتح باب اوضه القاها مليانه ناس بتسبح المسيح قال قعدت افتح فى الأبواب وانا بفتح باب ببص فى الاوضه لقيت ملاك بيقولى تعال سبح معانا كانوا بيقولوا ترنيمه ماسمعتهاش قبل كده على الار ض وغمض ابويا فانوس عينه من لذه الترنيمه لما افتكرها وقطع الحديث ثوانى وصار فى حاله فرح عجيب قولتله يابويا وبعدين قالى العجيب فى الموضوع ده ياعم سمير انى لقيت نفسى بسبح معاهم وبقول زى زيهم من غير ماحد من الملايكه يعلمنى الترنيمه فقولتله لوسمحت يابويا ممكن تقول حاجه منها قالى لا لغه السما غير لغه الارض لما بطلع فوق بقول على طول من غير ما حد يعلمنى انزل الارض واقعد زي مانت شايفنى قدامك كده معرفش اقول كلمه مفيش كلام يعبر وبعدين فرجنى على مدينه اسمها مدينه البتوليين بس ياسمير حاجه عظمه متتوصفش يعني مايدخلها غير الرهبان والناس اللى ما اتجوزتش واقف على باب المدينه اثنين ملايكة كل واحد فى أيده سيف من النور وبعدين شوفت داؤد النبى و سمعت منه المزامير بتاعته اللى الناس بتصلى بيها بس هو صوته جميل وكان النور اللى فى وشه اقوى من نور قرص الشمس يجى ١٠٠ مره قولتله وايه تانى يابويا قال وكلمات لاينطق بها مش علشان انا مش عاوز اقولك لا مفيش لغه على الارض تعبر عن اللى فى السما قولتله وايه تانى فى السماء قام قالى اللى فى السما زى اللى فى الارض وراح قايل خلص الكلام اقعد وانت ساكت فطوباك ياابى القديس لانك سكنت فى بلده النورانين وانت لاتزال فى الجسد على الارض فكم وكم بعد الذهاب الى المسيح تكون كرامتك اذا كان اللذين فى الجسد مكافئتهم بعد الرحيل هى سكنا بلده النورانين فانت حصلت على هذه وانت على الارض فكم تكون وانت فى السماء 
.
اطلب عنا و اسند ضعفنا 
شفاعتك يا ابونا فانوس تكون معانا
واقبل ان تكون لنا شفيع ليتمجد الله بصلاتك 
أمام عرش النعمه











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.