الحق والضلال الحق والضلال
البحث


العودة الى الرئيسية

( كأن اسكندر طوس مجهول )

منذ 5 يوم
May 15, 2019, 9:23 pm
بلغ عن المحتوى
( كأن اسكندر طوس مجهول )


الشهيد أسكندر طوس
حقه لسة مجااااااش
القضاء عليه بيدووس
كأن المسيحى ميسواش

طبعا الاسم عليكم منسى
كأن أسكندر طوس مجهول
دى لو كانت هيفا و نانسى
كانت قضيته فى العقول

سنة و أتنين و سبعة
القضية متحكمش فيها
من أيام فض رابعة
القضية مسكوت عليها

تلات مرات من قبره 
أنشال و أنزاح و أنجر
أبنه خلاص نفذ صبره
أمتى يتحاكم أرهاب الشر

بيته أتنهب و أنسرق 
كأن فعلا ماله غنيمة
بنارهم البيت أنحرق
غير السب و الشتيمة

زوجته حاولوا معاها
بأجبار تشهر أسلامها
بكل عزيمة جواها
أختارت تتحمل آلامها

أنكتب عليهم الهروب
فى الليالى و أنصاصها
أسرة شافت حروب
فى الشتا و رصاصها

الدولة شرطة و جيش
رجع خلاص أستقرارهم
أزاى لحد دلوقتى ميجيش
حق الأسرة و تاااااارهم

الحكومة رجعت قوتها
كمان أكتر من الأول
كده القضية بنموتها
كل ما نمدها و نطول 

الشهيد أسكندر طوس
حقه لسة مجااااااش
القضاء عليه بيدووس
كأن المسيحى ميسواش

شارك معايا القصيدة شارك
خلى كل الناس تعرف حكايته
المصريين رجالة وقت المعارك
كملوا معايا مشواره لنهايته

من فضلك متطنش قضيته
لأنك بكرة هتشيل ذنبه
التاريخ هيسجل فى صفحته
كل اللى كان واقف جانبه

كلمات محمد فتحى
بالتعاون مع شنودة عز










اهم الاخبار
شارك بتعليقك
فيسبوك ()
كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.