الحق والضلال الحق والضلال
البحث


العربيه اتقلبت 30 مره .. وصاحب العربيه طلع سليم ولما سألوه ازاي قالهم اصل يسوع كان قاعد جنبي وبيكلمني .. حادث هائل لايصدق ان احد نجا منه بالصور

منذ 1 شهر
May 24, 2019, 2:07 pm بلغ
العربيه اتقلبت 30 مره .. وصاحب العربيه طلع سليم ولما سألوه ازاي قالهم اصل يسوع كان قاعد جنبي وبيكلمني .. حادث هائل لايصدق ان احد نجا منه بالصور

موضوع

طيب انا هحكي الحكاية هنا اخيرا 😊
انا عملت حادث علي طريق طيبة قنا، الكوتش الي ناحية السواق ضرب فالعربية حدفت علي الاسفلت بسرعة جدا وفضلت تتقلب شارع كامل ذي من ايميليو لغاية ارخصهم أو بعد كده كمان، الناس الي شافت حكت انها اتقلبت من ٢٠ ل ٣٠ قلبة انا مكنتش فاهم وانا جوه ايه الي بيحصل ، اخدت وقت لغاية لما استقرت العربية ووقفت، الناس كانو بيجروا عاوزين يطلعوا الجثة الي جوا محدش كان متوقع أن حادثة بالحجم ده حد يطلع منها ويعيش ، وقبل ما يوصلولي لقيوني طالع من العربية سليم وكمان مليان سلام ، الحقيقة هما الي كانو مخضوضين .
ايه التفاصيل ؟
هحكي جزء منها رغم أنها شخصية جدا بس انا محتاج اشهد عن عمل الرب وعن امانته.
قبل ما اسافر كنت حاطط شنطتي علي الكرسي الي جنبي، فرحت رجعتها ورا وقلتله يارب عاوزك تقعد جنبي السكة طويلة ومشتاق نحكي سوا، واخدنا وقت نسبح ونرنم ونصلي واتمليت بفرح الروح بشكل غير عادي واخدنا وقت مش هنساه حرفيا .
دي التفاصيل الي نفع احكيها، ندخل بقي علي الحادث،
لما تاخدو بالكم من الصور هتلاقوا أن العربية ادمرت واتعجنت معادا الجزء الي كنت قاعد فيه ،السقف نزل واتعجن علي الكنبة الي ورا ،لكن منزلش لا علي الكرسي بتاعي ولا الكرسي الي جنبي بتاع الرب ، متوسط ٢٠ ل ٣٠ قلبة كفيل أنه ميخليش فيه عربية اصلا ، وكفيل ان الصاج ينزل عليا ويعجني عجن ،
اول ما اتقلبت قلت بصراخ كلمة واحدة يا يسوع ،
واتحققت ليا كلمات مزمور ١٨
اكتنفتني حبال الموت ، وسيول الهلاك أفزعتني
حبال الهاوية حاقت بي. أشراك الموت انتشبت بي
في ضيقي دعوت الرب، وإلى إلهي صرخت، فسمع من هيكله صوتي، وصراخي قدامه دخل أذنيه .
الي عاوز اقوله أن الي حصل ده حصل في ثانية ، والدرس الي انا اتعلمته هو مفيش حاجة غالية قد علاقتك بيسوع والكل بعد كده يرخص .صدقوني ملناش خير في حاجة لو هو مش الاول في حياتنا .
كان عندك حق يا مريم لما سبتي مرثا وكل حاجة وقعدتي عند رجليه لانك فهمتي أن هنا الكفاية ،كان عندك حق يا يوحنا الحبيب لما اخترت صدره مكان لراسك هنا الفرح الذي لا ينزع، يابخت الي يفهم ده ويقرب اوي كده يابخت الي يسترخص كل حاجة ويسلم حياته بكل ما فيها للأبرع جمال ويختاره صديق الصق من الأخ .
يسوع المسيح هو ابي واخي وملكي والهي . ومفيش حاجة حصلت انا ليا فضل فيها أو اقدر افتخر بشيء لنفسي، هو الي امين اوي وحلو اوي ومفيش قبله ولا بعده اله .
#يسوع_المسيح_رب_الارباب_ملك_الملوك_حقا_مخوف_جدا_علي_كل_الالهه
















شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.