الحق والضلال الحق والضلال
البحث


نصائح ذهبية للاحتراف فى عمايل الكبدة الاسكندرانية

منذ 3 شهر
August 14, 2019, 7:26 am بلغ
نصائح ذهبية للاحتراف فى عمايل الكبدة الاسكندرانية

مواضيع عامه 
- اهم حاجة " اوعى تشوح الكبدة ، الكبدة بتتقلى يا جماعة "
- تانى اهم حاجة " كل ما تكتر التوم كل ما تتبسط " 
سر الفلاح فى التوم
المقادير
١- الكبدة تتقطع شرايح صغيرة و تكون رفيعة 
ولا تغسل كبدة و لا تبيتها فى التتبيلة ولا الكلام دا 
٢ - راس توم محترمة تتفرم ناعم جدا
٣ - تقطع فلفل حامى على حسب الرغبة بس كتر يعنى
٤ -" ملح + فلفل + كسبرة ناشفة + كمون " على جمب 
٥ - الليمون على جمب حسب الرغبة
الطريقة
١ - طاسة فيها شوية زيت حلوين اكنك بتحمر بانيه و الزيت يكون سخن .
"الزيت لو مش سخن الكبدة هتنزل ميتها "
٢ - شوية توم صغيرين فى الزيت و الكبدة تنزل وراهم على طول عشان التوم ميبقاش تقلية 
٣- دقيقتين تلاتة و ننزل بالفلفل الحامى و التوم " توم كتير "
٤ - الكبدة لو حتت صغيرة و مش سميكة و الزيت سخن الكبدة مش هتاخد اكتر من ٥ - ٧ دقايق على النار
٥ - تطلع الكبدة بحاجة و تصفيها من الزيت كويس و على الطبق تظبط الملح و التوابل متكترش منها انا ساعات بحط ملح بس
- لو الكبدة مش متقطعة احسن حاجة تقطعها و هى متجمدة "عشان متتهريش " بسكينة حامية ، او لو عندك مكنة تقطيع هتسهل الدنيا
- التوم يتفرم ناعم جدا
- متخافش من انك كترت التوم عشان الزيت بيسحب توم كتير 
- اوعى ترمى الزيت دا ، الزيت دا متعتق و مليان بهاريز المرة التانية بالزيت دا هتكون عالمية
ممكن تاخد شوية من الزيت دا بالبهاريز اللى فيه فى طاسة صغيرة تديله شوية توم مع قرن فلفل حامى و اخر حاجة تنزل واحدة طماطم مكعبات و هتبقى حاجة عالمية تتاكل مع الكبدة
" الكبدة بتتقلى " حرام عليك تشوح الكبدة و تغطى عليها و تزولدها شوية مية و الحركات دى 😂

هذا الخبر منقول من : فيسبوك











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.