الحق والضلال الحق والضلال
البحث


النيروز هو عيد الشجاعة المسيحية .. مش بلح وجوافه

منذ 1 اسابيع
September 11, 2019, 11:23 am بلغ
النيروز هو عيد الشجاعة المسيحية .. مش بلح وجوافه

صورة أرشيفية

النيروز هو عيد الشجاعة المسيحية   مش بلح وجوافه
موضوع
أتمنى من كل خدام التربية الكنسية إنها ماتتكلمش عن النيروز كبلح وجوافة وندخل في تفسيرات الفكهانية عيد النيروز أعظم من أن يختزل في فاكهة بتطلع طبيعي في هذا الموسم فنقعد نطلعلها تفاسير فلكلورية.
النيروز هو عيد الشجاعة المسيحية هو عيد الكنيسة العظيمة اللي حملت الإيمان الأرثوذكسي القويم في قارب يسبح في بحور دماء الشهداء لازم نعلم ولادنا إنهم على أتم إستعداد يموتوا بس وهما ماسكين في إيمانهم بإيديهم وأسنانهم لازم نعلمهم إنهم ولاد الناس الأغنيا اللي باعوا أطيانهم ومنازلهم وباعوا اللي وراهم واللي قدامهم علشان ماحدش يجبرهم ينكروا الإيمان لازم يفهموا إن إيمانهم تمنه غاااااااااااالي أوي ويعرفوا إن المسيح إشتراهم بدمه وأجدادهم شافوا إن حياتهم رخيصة أوي جنب دم المسيح اللي مغطينا
سيبوكوا من درس البلح والجوافة وإحكولهم عن دولاجي وأولادها ورفقة وأولادها إحكولهم عن شجاعة الطفل كرياكوس والصبي أبانوب والشهيد شورا عرفوهم إن فيه مدينة ذي إسنا وذي أخميم وذي أنصنا شعوبها طلعت بالكامل تقول إحنا مسيحيين رغم أنف الرومان
عرفوهم إن في عصر العرب دماء أجدادهم سالت وإتشردوا من بيوتهم وباعوا كل اللي حيلتهم علشان ماينكروش الإيمان ومسكوا في المسيح بكل قوتهم.
تاريخ كامل لكنيسة عظيمة إسمها الكنيسة القبطية من القرن الأول ومارمرقس لحد النهاردة وشهداء ليبيا والبطرسية والعريش بتقدم شهداء شجعان ماينكروش الإيمان
عرفوهم إن كل دة حصل والكنيسة ماتهزتش علشان الروح القدس هو اللي بيقودها بقوته وعرفوهم إن الروح القدس هو اللي خلى أجدادهم شجعان لإنهم حافظوا على أذهانهم تحت طوع عمل الروح القدس.
عيد النيروز أكبر من إنه يختزل في البلح والجوافة عززوا ولادكم في الخدمة وعمقوا حبهم في الكنيسة
*عيد_النيروز_مش_بلح_وجوافة*
*عيد_الكنيسة_القبطية*
كل سنة وانتم طيبين نيروز سعيد
منقول














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.