شاهد شعاع الشمس يظهر قداسة الأنبا أبرام

موضوع
شاهد شعاع الشمس يظهر قداسة الأنبا أبرام
+++===+++===+++===+++

ذات يوم اجتمع اراخنة الفيوم و قالوا مستحيل نسكت على تصرفات الانبا ابرأم فلوس المطرانية اللى عمال يضيعها على اللى رايح و اللى جاى . احنا نروح للبابا كيرلس الخامس عشان يبقى معانا فى الصورة و فعلا كتبوا شكوى طويلة عريضة و سافروا قدموها للبابا كيرلس ف استدعاه البابا كيرلس دخل الانبا ابرأم قلاية البابا البطريرك و قلع الشال بتاعه اللى كان بيحطه على كتفه حطه على حبل لاقاه متعلق فى القلاية و عمل مطانية لقداسة البابا و سلم عليه البابا قاله : انت ايه اللى عملته فى الشال ده دلوقتى ؟؟؟

رد الانبا ابرام : انا علقته على الحبل يا سيدنا

رد البابا : حبل ايه يا انبا ابرأم !!!!! ده شعاع الشمس اللى جاى من الشباك !!!!! ده ربنا من اكرامه ليك خلاه يشيل الشال بتاعك !!!!!!

الانبا ابرام اتكسف جدا و اخد الشال بتاعه قاله خير يا سيدنا قداستك كنت عايزنى فى ايه ؟؟

رد البابا : انا كنت عايز اخد بركتك بس مش اكتر و صرفه بسلام و مسك الشكوى بتاعة الاراخنة قطعها