ست صعيدية جالها ورم خبيث فبكت بحرقة وقالت يا بابا كيرلس وكانت المفاجاه
خاص لموقع الحق والضلال
كتبت رينا يوسف
ست صعيدية جالها ورم خبيث في صدرها اليمين وفضلت تبكي بحرقة وتنده علي البابا كيرلس وتطلب شفاعته وراحت في النوم وهي بتبكي فجالها البابا كيرلس بالعمة والعكاز وفضل يقرب منها راحت صرخت وصحيت من النوم بس كانت متضايقه جدا انها صحيت من النوم علشان كان نفسها تاخد بركته وندهت عليه تاني وراحت في النوم مرة تاني وجالها البابا تاني وقالها بطلي دوشة انتي عايزة ايه؟ قالتله انا تعبانه يا سيدنا وعندي ورم في صدرى راح البابا قالها خلاص يابنتي انتي معندكيش حاجه والست بتحكي بتقول ان سيدنا لما جالها كان معاه سرنجه ضربها في صدرها وطلع منه صديد وحطه في طبق موجود علي كوميدينو وكان جنب الطبق ده الاشعه والتحاليل بتاعتها راح سيدنا كتب علي الاشعه دول " لا يوجد شئ تحت السماء يقدر ان يكدرني او يزعجني لاني محتمي في ذلك الحصن الحصين داخل الملجا الامين مطمئن في احضان المراحم حائز علي ينبوع التعزية" ومضي تحت الكلام ده باسمه البابا كيرلس بالقبطي والعربي ولما صحيت من النوم لقت الحاجات دي موجوده فعلا جنبها وهي الصديد والسرنجة والكلام المكتوب وعملت التحاليل والاشعه والمطلوبة ووجدت انها شفيت تماما
بركة شفاعة البابا كيرلس السادس تكون مع جميعنا امين