وانا راكب الاتوبيس ورايح المحطة كان زحمة جدا فانا قمت وقعدت واحدة مكانى وصاحبتها وقفت جنبها فجة واحد وقف جنب البنت الى واقفة وبداء يتحرش بيها جسديا
خاص لموقع الحق والضلال
عايز احكي لكم على موقف حصلى فى المواصلات انهاردة وانا راكب الاتوبيس ورايح المحطة كان زحمة جدا فانا قمت وقعدت واحدة مكانى وصاحبتها وقفت جنبها فجة واحد وقف جنب البنت الى واقفة وبداء يتحرش بيها جسديا وانا واقف وواخد بالى من اول ما وقف ومستني البنت تتكلم علشان اتخانق فية ملقتش من البنت غير انها قعدت تعيط وقامت خبطت الولد دة بالقلم قام الولد دة خابطها على وشها وقعد يضرب فيها طبعا كان فى زحمة جدا والناس معظمهم كانو ساكتين وبيتفرجو ومفيش غير صحابها هما الى بيزعقو ويصوتوا رحت انا اتدخلت فى الموضوع بفرض انى راجل زيه واعرف اتفاهم معاة لقيت منه رد فعل بيقولى انتا مالك وعايز يخبطنى قمت مسكت فية ونزلت فية ضرب ومسكت راسه وخبطتها فى الازاز فالولد اتعور واغمى علية وهنا بقى الناس اتكلمت والموضوع كله اتقلب عليا انى ازاى اعمل فية كدة والسواق وقف قدام امين شرطة وهنا الناس كلها قالو انى انا الى غلطان وانا قلتلو اسال البنت دى هوا عملها اية وانا دافعت عنها وجبتلها حقها وهنا البنت ما اتكلمتش وحكت الى حصل غير انه ضربها ومش عارف لية البنت ماتكلمتشى على الى عامله فيها وانا كان ممكن اقول على الى شوفته بس انا مقدرتش افضحها واتعملى محضر بس الحمد لله الموضوع خلص على خير فانا احب اوجه رسالة للبنات ياريت الى يحصل لها حاجة انها تتكلم وماتخفشى لانها هيا الى صح مش هوا واحب اقول للبنت الى سكتت الصبح لما دافعت عنها وماوقفتشى جنبى زى ماوقفت جنبها شكرا وعايز اعرفها انى عملت كدة مش علشانها هي علشان لما اختى او امى او مراتى يحصلهم موقف زى دة ربنا يوقف معاهم ولاد الحلال ويجبلهم حقهم واقولها ربنا يسامحك