شاهد.. مشادة بين إكرامي ووالد الطفل مينا

دخل الكابتن اكرامي، مدرب حراس المرمي لناشئي النادي الأهلي، في مشادة كلامية مع والد الطفل "مينا" الذى اتهمه بطرد ابنه من اختبارات الناشئين الجدد، بسبب ديانته.

وقال "إكرامي"- خلال مداخلة هاتفية ببرنامج "كلام تاني" على قناة "دريم": "أنا لا يعنيني كل ما قيل، وليس لي علاقة بسواء الطفل مسيحي أو مسلم، أنا اللى يهمنى الملعب وبس، وفيه فتنة طائفية ماشية في البلد وأنا مش عجباني الحكاية دي، أنا لي أصدقاء مقربين مسيحيين بناكل ونشرب مع بعض".

ورد "عصام" والد الطفل "مينا"، قائلا: لا يا كابتن انت قولت مينا يطلع من النادي وشاورتلنا بايدك، مينا من وسط 200 واحد هو اللى سقط اسمه، انا ما يهمنيش انه نجح في الاختبارات ولا ما نجحش، المهم الرفض ييجي بعد ما ينزل الملعب، لكن مينا منزلش الملعب أصلا".