كارثة جديدة من كوارث خطوط السكة الحديد .. اليوم
كارثة جديدة من مصائب خطوط السكة الحديد وجدت مكانها اليوم الأربعاء في سجّل امتلأ بحوادث الإهمال وراحت كل وعودإصلاحه أو تطويره وصيانته أدراج الرياح عندما تصادم قطارين في محافظة البحيرة اليوم، نتج عنه سقوط قتلى ومصابين.
وقع الحادث في بلدة أبو الخاوي بمدينة كوم حمادة فيمحافظة البحيرة، بعد انطلاق قطار ركاب من محطة إيتاي البارود في الساعة الثانية عشرة ليصطدم بقطار بضائع.
محمد عبد السلام (34 عامًا) كان أحد ركاب قطار الموت ، روى لـ الدستور الأهوال التي رأتها عيناه: كنا راكبين في العربية التالتة حسينا بهزة جامدة ودخنة وتراب واترجينا بقوة حسيت إنه أغمي عليّا محسيتش بنفسي إلا بعدها وحد بيطلعني من الشباك وصحيت على الطريق تحت .
وقال: لما فُقت لقيت قدامي جثث وناس بتشيل فيهم وناس متعورة بتجري وبعدين شوية والإسعاف جت وخدوني أنا وواحد زميلي كان معايا في نفس الرحلة وخدوني على مستشفى دمنهور .
وأضاف: كان معانا واحد زميلنا تالت مش عارف عنه حاجة وسألت عنه قالولي مات ومعرفتش أشوفه، لأن وقت الحادثة فعلًا كنا بنموت وشفناه بعنينا .
رواية أخرى قصّها على الدستور أحد المصابين، جاء في تفاصيلها: كنت رايح شغلي في القاهرة والمفروض كنت هستلمهالساعه 3، أنا كان وشي لورا ومشفتش اللي حصل، بس حسيت بتخبيط جامد من تحت في القضبان وحركة مش طبيعية وحالة من الهرج والمرج وحريم بتصوّت .
فجأة الدنيا ضلِّمت معرفش إيه اللي حصل ونطقت الشهادة بعدها لقينا حتة منورة كدا بقينا بندوس على بعض عشان نوصلها .
وأضاف: لقيت حد بيقلي نُط والقطر كان لسّه بيمشي وقعت إيدي اتكسرت غير الجروح اللي في دماغي، وأهالي البلد الليالحادثة حصلت فيها بقت تساعد بالموتوسيكلات، ومع الوضع اللي شفناه الإسعاف إتاخرت جدًا، في ناس ماتت من الخضة .
نقلا عن الدستور