والدة نهال تكشف مفاجأة عن مصطفى أبو تورته
ردت والدة نهال شعبان، على مصطفى أبو تورته ، الذي ترك القاعة أثناء خطوبة نجلتها، مشيرة إلى أنه تحدث في أمور كثيرة بدون مصداقية، وتزييف الحقيقة.
وأضافت والدة نهال في حديثها لـ فيتو : من الطبيعي أن أم العروسة بتلف على المعازيم طول الفرح وترحب بالناس، وإحنا والله في حالنا ومحترمين ومش بتوع مشكلات .
وتابعت أم نهال : أم زميلة بنتي بتقولى، وإحنا في القاعة فين الشبكة عشان الوقت إتأخر والناس هتمشي، روحت أنا وجوزى أسأل مصطفى وأخته على الشبكة قالى بعد شوية قولتله لا في ناس بتقول إنها مش موجودة، وكان رده في شك كبير .
أما عن قول أبو تورته إن أم العروسة قالت له : الموت علينا حق عندما قال لها خالى بيموت ، فكذبته تمامًا قائلة : أنا ست كبيرة ومدرسة بربي أجيال أكيد عمرى ما هقول كدة خالص، لكن هو لقيته قاعد مع أصحابه بيهزر وبيهيص معاهم، فجأة قالهم كل دول واقفين ليه، وأول أما شفني لقيته بيصرخ بشكل مش طبيعي وبيقول خالي بيموت قولتله الفرح مطلوب والزعل موجود، أهدى الأمور مش بتتعالج بالطريقة ده، نخلص تلبيس الذهب في وقت قصير جدًا، وكلنا هنروح معاك، لكن أسلوبه كان غريب جدًا ومش طبيعي وبعدها متكلمتش معاه خالص وسبته لأني عارفة إن الموضوع مش مظبوط .