سيدة تعانى من كانسر فى الرحم والعمود الفقري و ذيبه حمراء و معهاش تجيب الدواء أبونا كان مذهول مش ممكن تخلفى واقولك بنت تقولى لا هجيب ولد
سيدة تعانى من كانسر فى الرحم والعمود الفقري و ذيبه حمراء و معهاش تجيب الدواء أبونا كان مذهول مش ممكن تخلفى واقولك بنت تقولى لا هجيب ولد
اسمعوا القصة دى!!!!! القصة حقيقية فى رحلة لى إلى دير القديس سمعان الاخميمى فى تله فى المنوفية وهذا الدير شفيعة القديس الانبا توماس وهذا الدير صاحبة هو شفيع العواقر
كنت فى رحلة إلى الدير للبركة وحضرت القداس واتناولت من الأسرار المقدسة وبعد القداس روى أبونا هذة المعجزة •••••
إمرأة من الصعيد كانت لا تنجب لمدة طويلة من الزمن واحنا عارفين فى الصعيد الموضوع ده صعب بدء زوجها يقول لها ألسبب منك أنا سليم أمه قالت له حرام يا أبنى روح اكشف أنت وهى ونشوف مين السبب؟؟؟؟؟
راحوا طلع السبب منه ومش بس كدة طلع عندها كأنسر فى الرحم والعمود الفقري وحاجة تالتة ذيبه حمراء الدكتور قال لها أنتى مش ممكن تخلفى يا بنتى قعدت تسأله مش ممكن أبدآ مفيش أمل!!!!!! قال لها مفيش كفاية الزيبة الحمراء
كاتب لها الدكتور على دواء علشان تبدء العلاج راحت تجيب العلاج من الصيدلية بتسأل الدكتور بكام العلاج قال لها ٤١٥ج دا كان كابداية بس٠٠٠
قعدت تعيط الصيدلى سألها مالك يا بنتى فيكى أيه؟؟؟ قالت له أنا نفسى أخلف عيل واموت بعدها الدكتور الصيدلى قالها بس انتى مريضة مرض صعب تخلفى أبدا
قالت له طيب اعمل ايه أنا هاموت نفسى أخلف راح الدكتور قالها على دير القديس سمعان الاخميمى شفيع العواقر فرحت الست وقالت اروح !!!! ومرديتش تاخد الدواء علشان غالى لكن نذرت أنها لو خلفت هتبعت الدير ٤٥٠ج نذر
راحت بعد الإلحاح على جوزها اللى كان عمال يعاير فيها لما عرف انها السبب وهو سليم راحت حضرت القداس وبعد القداس أبونا أبانوب راعى الكنيسة كان يخرج رفات القديس سمعان والناس تاخد بركة وبعدين كل اللى عاوز أبونا يصلى له علشان الخلفة وجه الدور على الست دى المريضة وقالت لابونا قصتها راح أبونا قالها باذن المسيح ربنا يديكى وتخلفى بنت وتسميها مريم وهنا كانت المفأجاة!!!!!!
صرخت الست فى وش أبونا بنات لا بنات لا هو أنا اصوم أصوم وافطر على بصلة وطبعا دا بسبب عادات الصعيد الولد بيشيل اسم أبوة والعيله وانتوا عارفين بقى الحكاية•••••
ضحك أبونا وكان مذهول بقى فيكى كل الامراض دى ومش ممكن تخلفى واقولك بنت تقولى لا الست قالت لابونا أنا مش هامشى من هنا غير لما توعدنى أنى هجيب ولد أبونا قالها مش أنا دا ربنا اللى بيدى قالت له مش همشى غير لما تقولى بوعدك أنك هتجيبى ولد راح أبونا من كتر إلحاح الست قالها خلاص المرة الجاية لما اشوفك هصلي لك انك تجيب ولد الست وعد يا أبونا لما تشفنى المرة الجاية تصلى لى أبونا قال لها وعد حاضر
الشئ المذهل أن الست لفت وركبت الطابور اللى بتاع الناس مرة تانية وجه عليها الدور ووقفت تأنى قدام أبونا**** أبونا افتكر أنها نسيت حاجة سألها فى حاجة تانى؟؟؟؟ الست أه مش انت قلت يا أبونا لما تشفنى مرة تانيه هتصلى لى أدى مرة تانيه!!!!!!!
ضحك.أبونا واستغرب منها جدا وقالها اقعدى واعتذر من الناس وقعد يسمع حكايتها وموضوع جوزها اللى مش ساكت على العيال صللها أبونا وقالها هتجيبى ولد وتسميه توماس
الست وعد يا أبونا قالها وعد يا بنتى
مرت الايام وعدى ١٦ شهر ورجعت الست مع جوزها الدير وعلى ذراعها ولد وبنت مريم وتوماس اولادها وخفت من الامراض اللى كانت عندها بس هى معهاش فلوس النذر اللى وعدت بيها ربنا بس جت علشان تسجل المعجزة تفتكروا الحكاية خلصت لحد هنا لا طبعا••••••••
رجعت الست للدكتور اللى قالها مش ممكن تخلفى أبدا تركت زوجها بره ومعاه الاولاد ودخلت هى للدكتور وقالت له دكتور فاكرنى أنا مين الدكتور لا يا بنتى مش واخد بالى معلش أنا يا دكتور الست اللى كان عندى مرض كذا وكذا وكذا وقلت لى مش ممكن أخلف الدكتور أه افتكرتك عاملة أيه طبعا يا بنتى مش ممكن تخلفى أبدا واى حد يقولك ممكن بيضحك عليكى ****** طيب يا دكتور ممكن تعمل لى تحاليل عندك مرة تانى لا يا بنتى معلش التحاليل دى غالية جدا مش هتقدرى تدفعى تمنها طيب علشان خاطرى معلش يا بنتى مش هقدر طيب مفيش امل اخف أو أخلف قلت لا هو انتى مبتفهاميش طيب ممكن ادخل جوزى يسمع منك الكلام ده اتفضلى دخل جوزها ومعاه الطفلين والست عرفته دا جوزى ودول يا دكتور عارف مين؟؟؟؟ لا مش عارف ويللا بسرعة عندى شغل لو سامحنى دا يبقى توماس ابنى ودى مريم بنتى الدكتور مش ممكن ومكنش مصدق وفى الاخر هو اللى طلب منها يعملها تحليل علشان يتأكد وكمان على حسابه الشخصى وفعلا تأكد وقال لها دى معجزة بكل المقاييس مبروك يا بنتى وانا اسف
المعجزة دى حقيقية وسمعتها من أبونا شخصيا وصارت بعد ذلك معرفة قوية بابونا صلاة القديس سمعان الاخميمى والقديس الانبا توماس وصلاة أبونا أبانوب مع الجميع
منقول