بالصور تعرف علي سر معجزه اسنان ابونا مينا عبود التي حيرت الجميع
كتبت لي لي جورج لموقع الحق والضلال
فاكرين قصه استشهاد حبيب الكثيرين ابونا مينا عبود واللي شفاعته مستجابه عند كل اللي بيحبوه ومؤمنين بشفاعته القويه عند رب المجد .
الموضوع دا هيتكلم عن معجزه اسنان ابونا مينا عبود واللي اتحكت علي لسان تاسوني مريم زوجه ابونا مينا عبود ، بس في البدايه هنقولكم علي قصه الاسنان دي جت من فين سريعاً كدا علشان تفهموا المعجزه الجميله دي كويس .
بعد ما ضرب المتطرفين ابونا مينا بالرصاص أمام الكنيسة داخل سيارتة ، خرجوه الارهابيين من سيارته ومثلوا بجثته ومتهيالي في كتير جدا يعرفوا القصه دي . بعدها خلوا الجثه تزحف على الأرض وكان غرقان في دمة ودا بعد ما اطلق المتطرفين علي ابونا رصاصه في الفك ودا ادي لحدوث نزيف واسنانه وقعت علي الارض اثناء ما كانوا بيجروها علي الارض ، وبعدها رفعوا جثمان ابونا الطاهر من علي الارض .
في الوقت دا كان فيه شاب من شباب العريش اسمه الاستاذ ابراهيم عنده محل ادوات سباكة وساكن فى ضهر الكنيسه عند مكان الحادث فجمع الاسنان دى من على الارض والرمله اللي فيها دم ابونا مينا واداهم لاب كاهن اسمه ابونا روفائيل موسي وزوجه ابونا المتنيح مينا عبود قالت :"بعد استشهاد ابونا مينا عبود بكام يوم يعنى حوالى اسبوعين جه عندنا فى البيت قدس ابونا رافائيل موسى اللى استشهد بعد ابونا مينا ب ٣ سنوات وجاب معاه كيس فيه كميه كبيره من الاسنان المكسرة وكيس تانى فيه رمل لونه بنى وكانت الاسنان بتفوح منها ريحة حنوط جميله ذكيه سماويه (دي الاسنان والرمله اللي ادهالوا الشاب ) .
وكملت تاسوني وقالت : "وساعتها ابونا رافائيل اعطانا ٣فتفوتات اسنان مكسرين ليا انا وفيرينا ويوستينا بنات ابونا واعطى فتفوته كمان لمامة ابونا مينا
واعطى الباقى كلهم لسيدنا الانبا قزمان اسقف سيناء الشماليه
واعطانا كمان شوية رمل بركه من اللى فيها دم ابونا فاحضرت كيس صغير جديد لابونا رافائيل وضع فيه الرمل ودورت فى البيت على كيس تانى للاسنان ملقتش ترتيب ربنا فابونا رافائيل سحب من مناديل ورق كانت محطوطه قدامه وقال مش لازم كيس ولف الاسنان فى المنديل الورق ووضعها فى الانبوبه وقفل الانبوبه وقال محدش يفتح الانبوبه خالص اللى عاوز ياخد بركة يضع يده عليها ولا يفتحها ".
وتابعت وقالت : "بعدها بكام شهر يعنى فى شهر ١١ سنة ٢٠١٣ جه زارنا فى البيت ابونا لوكاس كاهن كنيسة مارلوقا بمصر القديمة وطلب ياخد بركة الاسنان وفتح الانبوبه وفوجئنا انه بمجرد ما فتح الانبوبه فاحت ريحه ذكيه جميييييييييله جدا فرحنا بيها وفضلنا نقول اكسيوس كتير لابونا مينا ولقينا المنديل الورق اللى من كام شهر ابونا رافائيل كان لف فيه فتافيت الاسنان مطبق ومحطوط جنب الاسنا ونازف عليه دم حى كانه نازف من كام ساعة رغم انه كان ابيض خالص ساعة ما ابونا لف فيه الاسنان ففرحنا جدا ودى كانت اول مرة الاسنان تنزف دم
بعد كده سيدنا الانبا قزمان جه عندنا البيت لانه بيفتقدنا كل فترة فى البيت فحكيت لسيدنا اللى حصل والدم اللى شفناه فقالى هاتى مفك وفتح الانبوبه واخد المنديل اللى فيه الدم ولف الاسنان فى منديل جديد ابيض فانا زعلت لكن سيدنا بابوته وحنوه قالى متزعليش عشان نحطه فى مزار ابونا
المهم ابونا مينا لما لقانى زعلت مخلصهوش زعلى فالمنديل الجديد غرق دم كتير اكتر من المرة الاولى ولانى مش بفتح الانبوبه خالص عشان اعرف ربنا بعت شماس من طرف انبا ارميا وفتح الانبوبه لاخذ البركة ففوجئت بالدم الجديد وسكت خالص المرة دى عشان ميتاخدش منى لكن طبعى وحش ومش بعرف اسكت لااسف حكيت والمرة دى اتنين قصوا منه واتبقت لى فتفوته منه فقط داخل الانبوبه حاليا "
واخيرً قالت ان دول كده المرتين اللى نزل فيهم دم ابونا مينا من اسنانه على المنديل الورق وبركة صلاته وشفاعته تشملنا جميعا امين . اعملوا شير وخدوا بركه المعجزه دي .
