عدت الـ 30 مليون حمو بيكا يحدث ضجة بعد كشفه عن حجم ثروة عمر كمال

ثروة عمرو كمال

في بداية الفيديو الذى نشره المطرب الشعبي عمر كمال له مع مغني المهرجانات حمو بيكا داخل سيارته ليجمعهم في محادثة ممتعة حول سبب رفض الأول الزواج فى هذه الفترة وبرر عمر كمال سبب عدم جوازه ورفضه الجواز حتى الان بقوله : الصراحة كده الجواز مش جاى معايا يا بيكا . فرد بيكا وسأله طيب انا عايز افهم انت بتجمع وبتعمل فلوس ليه ؟ فأجابها عمر كمال وقاله :عشان أستمتع.

ورد حمو على عمر وهو رافض ومستنكر لكلامه : يا ريتني أشوفك فعلا بتتمتع ده انت ممكن تموت يابنى وتسيب الفلوس اللى معاك دي ، فأجاب عمر، قائلا: عاوز تأمين مستقبلي الأول بعدين اتجوز وأمن مستقبل عيالي.

وتابع حمو بيكا حواره قائلاً: أشهد بنفسي فرحتك يا عمر ، فأجاب عمر كمال ، انا هاتصل بأمي اشوف فيها ايه انا حاسس انى مكتبي اللى فى المهندسين ولع .

فرد حمو وقالة : انت ممكن تموت ياعم أصلا وما تعرفش تتصل بامك ، فرد كمال يا عم الله يخليك سيبني أعيش .

ورد بيكا على عمر كمال بقوله : الفلوس دي بتروح فين انت عايز تأمن مستقبلك أكتر من كده ايه أنت بتلعب في الـ 30 مليون يا عمر . ورد عليه كمال بقوله : الله اكبر ياعم فى ايه ياعم .فيه إيه يا بيكا احنا سنتين تلاتة نجومية لسة ما عملناش حاجة .

واختتم حمو بيكا كلامه مع عمر كمال بقوله: انت يابنى هتموت ، والفلوس دي بتولد فلوس وانت مش موجود اساسا .

عمر كمال وندى كامل

يبدو أن فيديو عمر كمال نُشر على الصفحة الرسمية بالخطأ ، فسرعان ما تم حذفه بعد أقل من دقيقتين من على صفحته على موقع التواصل الاجتماعي فيسبوك.

وعلى الرغم من أن مدة الفيديو دقيقتان فقط على صفحته ، إلا أن الكثيرين شاهدوا الفيديو بل وعلقوا عليه ، حتى حذفه عمر من جميع المنصات وحذف التعليقات العامة التي كانت بين التعليقات الإيجابية والسلبية على ما يحدث بالفيديو .

ففي الأول من نوفمبر الماضي ، فوجئ جمهور الفنان عمر كمال بنشره مقطع فيديو على صفحته الشخصية على موقع التواصل الاجتماعي فيسبوك ، جمعه مع الزوجة السابقة للفنان أحمد الفيشاوي ، ويقوم عمر بمداعبتها بمقطع فيديو من فيديوهات تيك توك ، وعلقت عليها قائلة: بحبه طبعا .