أعرف موعد اجازات الجامعات
اعرف موعد إجازة نص السنة 2027 للجامعات.. الخريطة الزمنية كاملة
مع دخولنا في أجواء الدراسة واقتراب امتحانات الميدتيرم، بدأ عدد كبير من طلاب الجامعات يدوروا على موعد إجازة نصف العام الدراسي للعام الجامعي 2026-2027، عشان يعرفوا هيخلصوا امتحانات الترم الأول إمتى وهياخدوا الإجازة كام يوم.
وإجازة نص السنة بتعتبر فرصة مهمة لكل الطلاب يرتاحوا فيها شوية بعد ضغط امتحانات الترم الأول، ويجهزوا نفسهم لبداية الترم التاني واستكمال المناهج والأنشطة الجامعية.
إجازة نصف العام 2027 للجامعات إمتى؟
المجلس الأعلى للجامعات اعتمد الخريطة الزمنية للعام الجامعي الجديد 2026-2027، وحدد فيها موعد إجازة نصف العام بشكل رسمي.
الإجازة هتبدأ من يوم السبت 23 يناير 2027، وهتستمر لمدة أسبوعين تقريبا لحد يوم الخميس 4 فبراير 2027، وبعدها الطلبة هترجع للدراسة في الترم التاني يوم السبت 6 فبراير 2027 على طول.
الإجازة دي هتيجي بعد ما تخلص امتحانات الترم الأول، واللي هتبدأ من يوم السبت 2 يناير 2027 لحد يوم الخميس 21 يناير 2027.
الخريطة الزمنية للعام الجامعي 2026-2027 بالتفصيل
تعالوا نشوف السنة الجامعية هتمشي إزاي:
الدراسة هتبدأ في الجامعات والمعاهد يوم 19 سبتمبر 2026.
الترم الأول هينتهي يوم 31 ديسمبر 2026.
امتحانات نهاية الترم الأول هتبدأ يوم 2 يناير 2027.
امتحانات الترم الأول هتخلص يوم 21 يناير 2027.
إجازة نص السنة هتبدأ يوم 23 يناير 2027.
الإجازة هتخلص يوم 4 فبراير 2027.
بداية الترم التاني هتكون يوم 6 فبراير 2027.
نهاية الدراسة في الترم التاني هتكون يوم 20 مايو 2027.
وبالنسبة لامتحانات الترم التاني فهي هتكون خلال شهري مايو ويونيو 2027، وكل كلية هتحدد مواعيدها حسب نظامها الدراسي.