اعملي شوربه سي فود بنفسك احسن من اشهر مطاعم جربتوها قبل كدا

هذا الموضوع خاص لموقع الحق والضلال

كتبت ليليان بولس

جربي معايا الطريقه دي وخليكي انتي الشيف في مطبخك دي عصاره كذا طريقه جربتها قبل كدا بتطلعلك الشوربه علي اصولها واحسن من مطاعم ومحلات كتير مشهوره علي ضمانتي ، مضمونه ميه في الميه

نوع الاكله : فرعيه

المكونات:

جمبري مقشر

سبيط مقطع مكعبات

سمك فليه مقطع

كابوريا

واي اضافات بحريه تانيه حسب الرغبه ممكن

جندوفلي او بلح البحر او اي اضافات تانيه

كريمه لباني

1 بصله و3 فصوص توم وكرافس وكرات وزعتر اخضر ان وجد

ملح وفلفل وورق لورا وحبهان ومستكه كمون حب صحيح وبشره قشر لمون

طريقه الطهي :

اهم حاجه في الشوربه دي المرق هو اللي بيميزها عن اي طريقه تانيه وبيدلها طعم جميل نحضره بالطريقه دي

في حله علي النار ضيفي شويه زيت اول مايسخنو حطي راس سمكه والسلسه بتاعه السمك اللي خلتيه وضيفي قشر الجمبري وراسه ولو فيه اي بواقي للسبيط وحطي الكابوريا كامله وقلبي فيهم ضيفي عليهم بصله مقطعه علي اربعه وورقتين لورا وفلفل حب صحيح وحبتين حبهان وحبتين مستكه ورشه ملح وفلفل و3 فصوص توم بقشرهم مغسولين ومقطعوين نصين والكرافس والكرات وقلبي لحد مايتشوحو وريحتهم تطلع كدا ضيفي بشر اللمون والكمون وقلبي دقيقه وضيفي عليهم الميه حسب كميه الشوربه اللي انتي محتجاهاياخدو غلوتين واطفي وهاتي مصفي وصفيه الشوربه من كل الحاجات دي وبكدا المرق عندك يبقا جاهز ودي اهم خطوه ، نيجي للخطوه التانيه في حله تيفال حطي معلقه زيت صغيره ومعلقه زبده صغيره تطعمها شوحي فيهم الجمبري والسبيط والسمك في الاخر عشان ما يتهريش وبعدين ضيفي عليهم المرق اللي حضرناه قبل كدا والكابوريا وقلبي اول ما يبتدي يغلي ضيفي الكريمه اللباني وقلبي واطفي عليه قبل ما الكريمه تغلي

وبالف هنا وشفا