الحق والضلال الحق والضلال
البحث

تابعنا على

العودة الى الرئيسية

قصه الملاك مريم التي هزت الفيس بوك بعد ان ذهبت الي السما

منذ 1 سنه
June 20, 2017, 11:38 am
بلغ عن المحتوى
قصه الملاك مريم التي هزت الفيس بوك بعد ان ذهبت الي السما



مواضيع عامه

عاشت مريم في عذابات كتير في الفترة دي من كبر حجم الورم في بطنها ضغط علي الأمعاء و و عمل إعاقة في حركتها و سبب لمريم إمساك مستمر مكانتش بتعرف تعمل حمام الفترة الأخيرة خااالص كانت ديما تدخل تحاول بس برضو مابتعملش و بتخرج من الحمام متضايقة جدا و تقول نفسي اعمل حمام بنبرة حزن و كانت بتاخد ملينات رغم أنها مكانتش بتحبها بس بتغصب علي نفسها أمل في أنها تعمل حمام و غير ده كله كانت بتقابل كلامنا باحتمال لأننا أوقات كتير كنا بنضغط عليها في حاجات كتير اوي كنا ديما نقولها كلي انتي مش بتاكلي خالص و جسمك تعب كانت تقولنا بنبرة الحزن الأكل طعمه وحش و انا بأكل و مش بعمل حمام و ده تاعبني اكتر و كسرة تاني هي أنها مكانتش بتقدر تعمل مجهود حتي لو كان بسيط اوي كانت بتتعب جدا بمجرد انها تدخل الحمام أو تعمل كام خطوة معدودة قلة النوم كانت مضايقاها اوي كانت تقولنا نفسي انام طب كلموا الدكتور قولوه نفسها تنام انا بجد تعبانه و محتاجه ارتاح و برضو نبرة الحزن فيها نرجع للقصة قضيت مريم في المستشفي 15 يوم و حكيت عن بعض الحاجات العذابات اللي مريم داقتها و كانت كل يوم تقول للدكتور هو انا مش هاشيل الخرطوم بتاع الميه ده عشان تعبني اوي انا نفسي اشيله يا دكتور كان أسلوبها مع الدكاترة ديما بسيط و برئ براءة الأطفال و في نفس الوقت فيه نبرة حزن بس بترجع بتبسم تاني عشانا كلنا و جهاز السي في بي اللي حكيت عنه الحلقة اللي فاتت طلع مش شغال و الدكاترة قالت لمريم مش شغال ردت قالتلهم يعني بعد كم العذاب الرهيب ده و التقطيع اللي حصل فيا الجهاز مش شغال !!! بجد حرام ده تعبني اوي اوي و لحد دلوقتي واجعني أوي بس معداش وقت كتير و رجعت خدت الموضوع بهدوء و قالت طب انا عايزة اشيله و بتهزر مع الدكتور عشان مايزعلش من كلامها المرة اللي فاتت و مرت الأيام و شالت الخرطوم و جهاز السي في بي و ده مكانش بسهولة ابدا كانت بتدوق نفس العذابات. الفتح و التركيب هو هو فك سلك الخياطة و سحب الخرطوم أو سن السي في بي و كانت مش بتقول غير كلمتين و هي بتصرخ " ياربي يا يسوع" بعدها طلب الدكتور أهل مريم و بلغهم بكلام كان للأسف صعب اوي قال احنا عملنا كل اللي نقدر عليه المية اللي علي الرئة نزلت و ضربات القلب و اتظبطت اللي حد ما و لحد كده احنا مانقدرش نعمل أي حاجه تاني انا هاكتبلها علي خروج بس أما تتعب مريم و ده احتمال وارد جدا أنها تتعب اوي بعد خروجها من المستشفي ارجوكم ماتجيبوهاش هنا تاني خليها في البيت لحد ما ربنا يسترد وديعته مريم ياما شافت عذابات بما فيه الكفاية و ارجوكم كفاية عليها كده هي ياما اتعذبت من مشارط و عيطت من سحب عينات الدم من كل حتة في جسمها حتي الشرايين و اتألمت من عمليات و صرخت في خياطات و عانت في تركيب خراطيم و فك خراطيم ده غير نفسيتها أن حد في عز شبابه عايش حياته في المستشفيات و بيتالم اكتر من أنه بيرتاح 😢 انا عارف ان كلامي صعب و لا يحتمل بس البنت دي انا اعتبرتها زي بنتي " سيبوها ترتاح"  مرت الأيام و هي مشتاقة تخرج من المستشفي عشان ترجع تبقي وسطنا و ترجع تخدم تاني أو حتي علي الأقل خالص تخرج من سجن المستشفي و فعلا الفرحة دخلت قلبها أما الدكتور كتب علي خروج لمريم حتي لو كانت فرحة مؤقتة و محدودة جدا عشان بقيت مرمر عاجزة عن الحركة و بتنهج جدا من أبسط مجهود و ديما محتاجة مساعدة من اللي حواليها بالرغم من أنها كانت بترفض أن حد يساعدها يعني هي محتاجه مساعدة بس مش بتحب تتعب حد معاها حتي لو كان أقرب حد ليها المهم خرجت مريم من المستشفي و هي مقررة قرار انها هاتخرج من المستشفي علي الكنيسة كلنا استغربنا و أهلها حاولوا يقنعوها يقولولها طب ابونا يبقي يجيلك البيت بس هي كانت مصممة تروح من المستشفي و أول مكان تروحه يكون الكنيسة  >> اصرت تشكر ربنا اول ما خرجت من المستشفي << يارب نتعلم منك يا مرمر نشكر ربنا في وقت الشدة و بعد وقت الشدة زي مانتي عملتي حتي و انتي عاجزة من انك تاخدي كام خطوة علي بعض😢😢😢

اذكرينا امام عرش النعمه

شارك بتعليقك
فيسبوك ()
كتب بواسطة Flysmsm
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.