الحق والضلال الحق والضلال
البحث

تابعنا على

العودة الى الرئيسية

رســـالة إلى حنان ترك من إمرأة مسيحية مصــرية

منذ 1 سنه
October 3, 2017, 3:26 am
بلغ عن المحتوى
رســـالة إلى حنان ترك من إمرأة مسيحية مصــرية

رســـالة إلى حنان ترك من إمرأة مسيحية مصــرية
طبعا معرفتش أوصفك بالسيدة لأن صفات السيدات لا تنطبق عليكى 
ولا أجد أى لقب ينطبق عليكى فى قاموس الإحترام . الذى الجأ إليه فى كل تعبيراتى . فناديتك بإسمك فقط لأنى لا ألجأ للقاموس الذى ينطبق عليكى فى الألقاب احتراماً لنفسي
أما بعد ؛
لو حضرتك فاكرة ان مترين قماش حطاهم على دماغك بعشرة جنيه هيخلوكى رمز للعفة والطهارة تبقى أكيد مش فاهمة حاجة . او بتضحكي على نفسك 
أدوات الشغل بتاعتك دى ماتاكلش معانا احنا .
لا هكلمك عن كينونتك لأن انتى أصلاً ملكيش اى كيان 
انتي عارفة هو ايه  
ولا هكلمك عن وجودك على الساحة الفنية لأن انتي نكرة وماشهركيش الا القضية بتاعتك 
ولا هكلمك عن أزواجك الستة الأغنياء واخرهم اخو حسن مالك القيادى الإخواني اللي خلاكي الشيخة حنان على طريقة حسن البنا
عموماً ملناش فيه
انتى بتقولى ان المسيحى ذمى عندك . دا ليه بقى ان شاء الله حضرتك 
هو مكنش ليه بلد وكان لاجئ وانتى لمتيه فى بلد اهلك .
ولا مش لاقى يأكل وانتى اللى بتعطفى عليه وبتأكليه مثلاً 
ولا مشغلاه خادم او اسير عندك .
تكونيش فاكره انك واخداه اسير حرب ولا عبد حررتيه
طيب بذمتك انتى كدة انتي ولا علا غبور اللى عملت مستشفى سرطان الأطفال في مصر !!!
عاوزة تخلي دي تبقى تحت ذمتك انتى يا بتاعه ال يا شيخه
انتي ولا مجدى يعقوب اللي عايش للناس وخدمة الناس مجاناً .!!!!
عاوزاه يبقى ذمي عندك وهو أعظم راجل فى مصر .
ولا بطرس غالى ولا ولا ولا غيرهم كتير
وبعدين أصلا هو احنا شعب عنده ذمة بذمتك يا شيخة
افهمى 
البلد دى بلدنا منعرفش لينا بلد غيرها هى حته منا واحنا حتة منها . احنا أصل حضارتها وتاريخها . لينا نفس الحقوق فيها وعلينا نفس الواجبات .
اما ذمتك دى روحى افرضيها على الحفاه اللى انتى جاية منهم .
زاهر خورس
اوديت بولس 

شارك بتعليقك
فيسبوك ()
كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.