الحق والضلال الحق والضلال
البحث

قصه عروسه المسيح مريم كمال

منذ 11 شهر
July 6, 2018, 5:07 pm بلغ
قصه عروسه المسيح مريم كمال

قصه_عروسه_المسيح_مريم_كمال
بدايه المرض

مريم اصيبت بالمرض في سن 20 سنه و نوعه ورم سرطاني اسمه نيفروبلاستوما و ده نوعه بيظهر علي اطفال من 6 شهور ل 5 سنين و بيصعب علاجه بالتدريج مع كبر السن و نسبه الاصابه بالمرض في سن عشرين سنه دي حاله نادرة جداااا حيرت اشهر الاطباء في مصر و أطباء من الخارج و الدكتور قال ان نسبه اصابته نص في المليون و من ترتيب ربنا ان مريم تصاب بالمرض في السن ده لان الاصابه بالمرض في حاله الاطفال ممكن يكون بيخف و نسبه علاجه عاليه لكن عشان ربنا اختار مريم عروس ليه كانت حالتها ميؤس منها لكن هي معرفتش ان حالتها نادرة او صعبه في البداية هي تعبت تعب عادي و وجع في ضهرها لمدة اسبوع و كانت بتاخد مسكنات ابتدأ الوجع يزيد تدريجيا و طلع ورم في جنبها الشمال و كان واضح القفص الصدري من تحت الرئة . و بعد ما خلصوا فرح اختها راحوا لدكتور اسمه هشام السباعي هو متخصص و شاطر جدا و طلب اشاعات و تحليل و اما اتعملوا راحوا للدكتور و هو معروف بانه صريح مع المريض و بيصارحه بمشكلته و فعلا صارح مريم بمرضها و قالها انتي عندك ورم سرطاني في الكليه الشمال ودخل علي اعضاء الكبد و البنكرياس و المراره و الحجاب الحاجز و منديل البطن و ساعتها مريم اتصدمت صدمه كبيرة طبعا بس كانت هاديه جدا و شكرت ربنا و قالتله بكل بساطه بس انا عندي امتحان بكرة و خلينا بعد الامتحانات. رد الدكتور و قالها لا صعب جدا عشان الحاله خطر انا لو اطول اعملك العملية امبارح كنت عملتها ده انتي لو كنتي جيتي كمان كام يوم كنت هاقولك روحي بيتك انتي مافكيش امل عشان انتي مرحله تالته ردت قالتله طيب هو انا هاكون عادي زي باقي الناس و هارجع لنشاطي الاول ولا لا ؟ قالها انتي صغيرة و هاتتمتعي بحياتك و هاتعيشي عادي و استغرب الدكتور هنا و قالها انتي ازاي هاديه كده دانا لما بصارح أي حد بمرضه بيصرخ و يصوت و يقول ليه يارب ليه كده ليه انا حرااام و كلام من ده قالتله الحمدلله علي كل حاجه المهم عايزة ارجع لنشاطي و حياتي تاني قالها ان شاء الله بس لازم نعمل العمليه بسرعه قالتله ماشي نعمل العمليه 






شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.