موقع الحق والضلال موقع الحق والضلال

شاهد ما فعلته هذه البنت المسلمه مع ابونا فى الشارع وتعليق اصحابها بالصور

منذ 2 سنه
July 10, 2018, 7:00 am
بلغ

مواضيع عامه 
رايت ما كتبته هذا الفتاه عن الاب الكاهن فاتينا اليكم بالموضوع وصوره لتعرفوا المثال الحلو فى الحياه وداخل مصر ومدا الجمال وان ليس كل المجتمع متطرف ولكن يوجد شخص متطرف ومليون محب للجميع والان نتركمم تقراه ما حدث مع ترك التعليق المناسب 
((الجميلة مريم مسلمة لكن بمجرد ماشافت ابونا ماشي في الشارع جريت واتصورت معاه وكتبت.
شوفته وانا ماشيه وابتسمت تلقائي حتي هو استغرب من ابتسامتي 
ترددت مع نفسي 3 ثواني وانا ماشيه اروح اسلم عليه واتصور معاه حتي لو مفيش معرفه و كنت خايفه من ردة الفعل
بس روحت وقولتله هو طلب غريب بس انا عاوزة اتصور واسلم علي حضرتك لو امكن
رحب واتبسط جدا وطبعااا واتصورنا وسلم عليا بقي هو مبتسم من الموقف وانا مبتسمه اني اتصورت وسلمت عليه
انا بفرح جدا لما بشوف قسيس وببتسم تلقائي حقيقي
كل الكلام الجميل ده اللي متيطلعش غير من قلب نقي جدا بيحب الكل كتبته مريم على الصورة
اصدقائها بقى كتبوا كلام جميل برضو فامثلا
صديقتها رنا كتبتلها كومنت وقالت فيه :
انا نفس الموضوع بردو
وبفرح جداا اما اشوف كنيسه وبحب افضل مبحلقه فيها كده ،، بحس ان ماما لو خدت بالها هتقولي ده انتِ مش بتبحلقي ف الجوامع كده
بس حقيقي نفسي اخش كنيسه جدااا بحس ان شكلها جميل كده وكإنها مزار سياحي عادي حتي كنت بسأل مستر مره هو ينفع ادخل اصلي ف كنيسه؟؟
وصديق ليها اسمه احمد كتب :
وشه بشوش





وصديقتها شروق كتبت :
مره شوفت اتنين حلوووووين بغباء والله ومبتسمين وماشين يتكلموا مع الناس و تلقائين جداا
كنت عايزه اقولهم حتي انهم مبهجين بس اتكسفت
وكتبت صديقتها هاجر :
فكرتيني مره ركبت تاكسي وكان قسيس راكب جمب السواق وركبت وكان بيكلم بنته طريقه كلامه حلوه جدا معاها ف كان مفروض انا هنزل اول جزيزه العرب ف مكنش معايا فاكه وكان التاكسي عاوز 8 ج فدفعلي وفضل يقولي خلاص دانتي زي بنتي وزي الملايكه ربنا يسعدك يابنتي حبيته اوي
الكلام مبهج ربنا يبارك فيكم
ويديم المحبة اللي في قلوبكم لكل الناس
انتوا بقى تحبوا تقولوا ايه لمريم واصحابها ؟!
وهنا نعرض راى شخص اخر مسيحى على الموضوع فقال ((Ehab Saad الموضوع كله فى التربية مش فى الدين
اللى اتربى على المحبة حيطلع يحب كل الناس بغض النظر على ديانته
و اللى اتربى على العنصرية و الكره حيطلع بيكره حتى نفسه
فا كل اللى اقدر اقوله ان تصرف مريم ده ناتج من تربية ناس محترمة محبة للناس
فا كلنا نتوجه بالشكر لاهل مريم على تربيتهم الصالحة المبنية على المحبة يا ريت كل الاهالى زى اهل مريم))
ونقول فى الاخر المحبه حاجه حلوه.

christian dogma



christian dogma





كتب بواسطة gege

تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.

احصل عليه من app store تحميل تطبيق الحق والضلال من علي app store احصل عليه من Google Play تحميل تطبيق الحق والضلال من google play