الحق والضلال الحق والضلال
البحث

تابعنا على



العودة الى الرئيسية

خطير مدرسة مسيحية تطرد من سنتر لغات شهير والسبب انها مسيحية ولا ترتدي حجاب ... شير في كل مكان عشان حقها يرجع

منذ 2 شهر
September 27, 2018, 11:12 pm
بلغ عن المحتوى
خطير مدرسة مسيحية تطرد من سنتر لغات شهير والسبب انها مسيحية ولا ترتدي حجاب ... شير في كل مكان عشان حقها يرجع

كتب جون صموئيل للحق والضلال 
نشرت فتاة مسيحية تدعي جانيت جون من مدينة بنها علي موقع فيسبوك قصة مفادها انها بدات في العمل في مركز شهير لكورسات اللغة الانجليزية في مدينتها وفوجئت بفصلها فصل تعسفي والسبب انها مسيحية 
قصة في غاية المرارة وتروي جانيت ما حدث معها 


اسفه ع الاطالة بس برجاء القراءة وشير في كل مكان علشان اخد حقي
من شهر ونص تقريبا اشتغلت في مكان اسمه نوت كورسيز هو موجود في كل حته في مصر وكمان كان بدا فرع جديد في بنها وبالمناسبه الموضوع عامل زي فرانشايز كده ،،المهم اشتغلت كمدرسه انجليزي . روحت فترة تدريب حوالي اسبوع في الزقازيق وكان الموضوع كله ازاي نوصل معلومه للطلبه وقالولنا ان نظام التدريب عندهم بيخلي في مجموعات للذكور و مجموعات للاناث علشان كل واحد يكون براحته وميبقوش مكسوفين يتكلمو قدام بعض وقلنا ماشي،،، وخلال الفترة دي كنت بلبس مابين كاجوال و كمان فورمال وادونا مع اخر يوم ورق بالدريس كوود انه يكون سمارت و كمان مش ملفت،، لما روحت الفرع في بنها استلمت جدولي اللي كان عبارة عن 6 مجموعات ذكور ومجموعه واحده بنات لغايه ده كان اكثر من رائع والجروبات كانت ممتازة وكنت فعلا مستمتعه بالشغل جداااا،، وكمان مضينا عقد من اول اسبوع استلام في بنها علشان التثبيت واستلام المرتب وكان في العقد شرط جزائي اني في حاله اسيب المجموعات بدون تبليغ قبلها بتلات شهور ادفع غرامه 600 جنيه عن كل طالب كنت بديه،،، المهم قلنا لازم هنمضي علشان ناخد مرتبنا. بعدها باسبوع المدير اللي كان ماسك الفرع ا/ علي نقلوه بشكل تعسفي للبحيرة مع انه من شبرا الخيمه وجابولنا اللي كان ماسك البحيرة ا/ مصطفى،،، ومع اول لقاء ما بيننا قالللي انه نزل قرار من الادارة العليا بمنع اي مدرسه غير محجبه من التدريس لمجموعات الاولاد وتسبدل باي مدرسه محجبه!!! بالاضافه لبند ان مع وقت الاذان يتم التوقف تماما عن العمل كل المتواجدين بالمكان للصلاة ودي مش هتكلم فيها مع انها بوظتلنا برنامج المحاضرة بس خلونا في المهم ،،، انصدمت بشده من الكلام وخصوصا ان في مدرسات معانا مش عايزين يدو غير البنات فده معناه بنسبه كبيرة تضرر كمان لمرتبي لاننا بنشتغل بالمجموعه!!! بس مش دي المشكله ليه اتعامل على اني مواطن منبوذ محروم من التوزيع العادل لمجرد اني مش لابسه حجاب ويتم فرضه يا حجاب يا تدي بنات!!!! راح المدير الجديد ا/ مصطفى قاللي متقلقيش اكيد مش هيقصدو المسيحيين وانا معاكي وهتصرف وكملي ومتقلقيش،،،كملت الباتش وفي اخر يوم في اجازته اتصل بيا يقولي انه هيعمل تغيير في الجدول وهمسك فصول بنات و الخط فصل منه فحسيت انه بسبب موضوع الحجاب فروحت الفرع استفسر قاللي اه بسبب الحجاب وانهم في الادارة قالوله مافيش استثناءات والحجاب اولا،،، طبعا الكلام صدمني جدا وقلتله اني مش هكمل شغل تاني ومشيت.ويومها بعت ايميل بكل اللي حصل لمديرين والمسئولين عن الادارة العليا اقولهم يفيدوني عن الوضع والحجاب لتحديد موقفي لغايه النهارده محدش رد وعبرني لكن بعدها بساعتين انطردت من جروب الواتس بتاع المدرسين!!!! 
انا مش معترضه ان مؤسسه تقول مش هنعيين غير محجبات بس قولو ده من الاول مش نسيب اشغال ونختار نشتغل معاكم ويكون ده النتيجه ،،، المصيبه اني لما قلت هشتكي في مكتب العمل ومش هسكت قالولي صاحب المكان معاه الجنسيه الامريكيه كما لو كان معاه حصانه يعني!!!!
#نوت_كورسيز_للمحجبات
#not_courses_not_respct_christians
#not_courses
#notcourse










شارك بتعليقك
فيسبوك ()
كتب بواسطة john
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.