شاهد سائق توكتوك يشعل مواقع التواصل الاجتماعي وهذا ما فعله بعد نسيان احد الركاب لمتعلقاته معه

خاص للحق والضلال 

الراجل اللي في الصوره ده كنت راكب معاه ونزلت ونسيت الموبايل وبعد دقيقتين افتكرت اني نسيته في التوكتوك اتصلت بيه في وقتها وانا متاكد انه مش هايرد عليا لاقيته رد عليا بس صوته متقطع فاقولتله لو سامعني انا نسيت معاك الموبايل في التوكتوك وانا واقف مكاني ماتحركتش لاقيته قفل السكه انتظرت دقيقه واتصلت تاني كنسل عليا قولت بس شكرآ كده لاقيت اللي داخل عليا بيقلبلي نور وبيضحك قولتله انا مش عارف اقولك ايه وزوجتي واقفه جنبي مزهوله ان الراجل رجع تاني فاقولتله عايز كام ورب الكعبه الشريفه قلي 5 جنيه بس حق مارجعتلك قولتله بص 30 جنيه اهم علي قد الفلوس اللي معايا بس ولو سمحت هات رقم تليفونك عشان لو احتجتك في اي مشوار اكلمك فااخدت الرقم وبرن عليه لاقيته بيطلع تليفونه من جيبه اقسم بالله اللي هو بيقول الو بس وشاشته مكسوره ونص لوحة مفاتيح فاقولتله ياعم كنت خد الموبايل انت ايه اللي رجعك😂😂😂😂😂 بس قلي انا طالع اجيب جنيه بالحلال وده لو اخدته مش هاينفع وفلوسه مش هايبقي فيها بركه لو فكرت ابيعه بقوله انت خريج ايه قلي تربيه نوعيه واتحايلت عليه 5 دقايق عشان يوافق اصوره الصوره دي وكل اللي قدرت اعمله معاه اني قولتله هاتلي ابنك هادربه سباحه ايه رايكم في الراجل ده "