الحق والضلال الحق والضلال
البحث

تابعنا على

العودة الى الرئيسية

فادي ماشي فالشارع وشاف بنت جميله اوي وكان بيبصلها اوي والبنت شافته جه واحد بموتوسيكل من وراها اتحرش بيها ولمسها وهرب والبنت افتكرت ان فادي هو اللي لمس جسمها والناس اتلمت والشرطه جت ..لكن الرب كان مع فادي في هذه اللحظه فكيف ظهرت براءته

منذ 1 اسابيع
December 7, 2018, 1:29 pm
بلغ عن المحتوى
فادي ماشي فالشارع وشاف بنت جميله اوي وكان بيبصلها اوي والبنت شافته جه واحد بموتوسيكل من وراها اتحرش بيها ولمسها وهرب والبنت افتكرت ان فادي هو اللي لمس جسمها والناس اتلمت والشرطه جت ..لكن الرب كان مع فادي في هذه اللحظه فكيف ظهرت براءته

مواضيع عامه

بقلم كيرلس فتحي 

واحد اسمه فادى من سنى بيحكى معايا بيقول
كنت ماشى فى الشارع انهرده الصبح وكان فى بنت ماشيه قدامى بس جميله جدا جدا ، بصراحه انا ماكنتش قادر اشيل عينى من عليها ، هى لبسها محترم قوى لكنها بالفعل جميله من كل حاجه ، الكارثه بقى وسبب المشكله اللى هاحكيها انها لاحظت انى باصص عليها .
المهم اثناء وانا ماشى وباصص عليها لاقيت واحد بموتوسيكل جه من ورايا وسرع قام متحرش بيها وجرى
هى تبص وراها تلقانى فى وشها .
ماقولكش بقى على كم الصويت والشتيام والضرب اللى كلته منها .
ماكنش فى فرصه حتى انى ادافع عن نفسى واقول مش انا ، الناس اتلمت ولجل حظى المنيل بستين نيله عربية شرطه كانت معديه ووقفت .
الجماعه دول اسهل حاجه عندهم اركب البوكس مافيش تفاهم خالص  
ياباشا انا ماعملتش حاجه ، لا هاتركب البوكس 
صدقنى انا مظلوم ، اركب البوكس وبعدين اتظلم براحتك 
ياباشا يعلم الله مالمستهاش ، لا ماليش دعوه هاتركب البوكس بردو
طبعا مابيتكلموش بعضلة لسانهم بس ، دا فى عضلة الايد والرجل وربنا مايوريك عضلة الكف 😂 
خد بطاقتى وركبت البوكس ، والبنت مافيش فايده معاها ، بتصوت وتعيط ومافيش على لسانها غير عاوزه حقى .
الظابط قلها ياستى خلاص منا خدته اهو عاوزانى اعدمهولك عشان ترتاحى .
انا سمعت كلمة اعدام وجاتنى حاله هستيريه وفضلت ازعق
وماكنتش بحس بالضرب اللى باخده من العساكر .
لولا ماراجل كبير الله يكرمه صاحب محل فى المكان اللى حصل فيه الموقف ده .
جه وقال للظابط ياباشا مش هو ده اللى اتحرش بيها ، انا كنت قاعد على كرسى قدام المحل وشوفت عيل بموتسيكل اتحرش بيها وجرى .
الظابط الاول افتكره تبعى ، لولا ماالراجل قاله لو مش مصدقنى تعالى ارجع ليك الكاميرا الخارجيه بتاعت المحل مصوره الموقف .
بالفعل الراجل رجّع الكاميرا والحقيقه ظهرت .
الخلاصه انك ماتستعجلش فى حكمك على الأمور وانت ماشوفتش الحقيقه كامله ، ماتبنيش حكمك على 50% من الحقيقه ، ماتستعجلش فى إصدار قراراتك عشان ساعتها فى ناس هاتتظلم بجد وكلمة اسف ماتنفعش معاهم .
البنت لو فكرت للحظه واحده ان اللى لمسها واتحرش بيها مستحيل هايفضل واقف مكانه لازم هايجرى ، ماكنش فادى اتظلم بالطريقه البشعه دى .
مهما كانت صعوبة الموقف ، ده مايدناش الحق اننا نظلم حد مالوش ذنب .
بقلم/#كيرلس_فتحى


شارك بتعليقك
فيسبوك ()
كتب بواسطة Flysmsm
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.