الحق والضلال الحق والضلال
البحث

تابعنا على



العودة الى الرئيسية

ومن سقي احد هؤلاء الصغار كأس ماء بارد فقط باسم تلميذ فالحق اقول لكم إنه لا يضيع اجره .. معجزة اشرف الذي ذهب ليتبرع بأعضائه لانقاذ ابنه وماحدث له بعد صلاته للرب وغير مجري حياته

منذ 1 اسابيع
December 7, 2018, 2:28 pm
بلغ عن المحتوى
ومن سقي احد هؤلاء الصغار كأس ماء بارد فقط باسم تلميذ فالحق اقول لكم إنه لا يضيع اجره .. معجزة اشرف الذي ذهب ليتبرع بأعضائه لانقاذ ابنه وماحدث له بعد صلاته للرب وغير مجري حياته

مواضيع عامه 

كتب كيرلس فتحي 


أب يضحي بحياته من أجل أبنه
أشرف ٣٩ سنه ، متزوج وعنده طفل٧ سنين
بيشتغل في شركة أمن
أشرف كان بيعاني دايما من مشاكل في جنبه وبسبب ضيق الحال ومصاريف المعيشه الزايده كان بيسكن آلامه بالمٌسكن
لغاية ما في يوم ٢٣ يناير السنه اللي فاتت وقع في شغله من شدة الألم ، الناس نقلوه علي المستشفي وبعد الكشف عليه الدكتور قال ان الكليه اليمين متوقفه تماماً عن العمل بسبب انسدادها بالحصاوي وتليفها من رواسب المايه والمسكنات ومافيش منها أي امل ولازم تتشال في أسرع وقت  
واحد من زمايل اشرف سأل الدكتور
- وهل هايقدر يعيش بكليه واحده ؟
-طبعا بس لازم يمشي علي العلاج كويس ويمنع اي املاح ، ويشرب مايه كتير
مصاريف العمليه كانت كتير جدا بالنسبه لدخل أشرف الشهري ، لكن ربنا دبرهاله وأستلف من صحابه
عمل العمليه والحمدلله نجحت واستمر عايش بكليه واحده لغاية ما جاله خبر قضي عليه تماما ً
يوم ٢ مارس اللي فات اتصلوا به من مدرسة إبنه يبلغوه ان ابنه وقع فاقد الوعي
راح جري علي المدرسه قالوله اتنقل مستشفي التأمين الصحي ، طلع علي التأمين الصحي لقي إبنه نايم علي كنبه خشب في الإستقبال والدكتور بيكشف عليه
اثناء الكشف لقي واحد في المستشفي محتاج دم ضروري لحاله بين الحياه والموت ومن حظه ان فصيلة الدم متشابهه مع فصيلة دم اشرف
وافق اشرف من غير تردد انه يتبرع ولما الراجل سأله اسمك ايه رفض يقوله الاسم وقاله فاعل خير
بعد ما خلص الدكتور كشف علي ابنه قاله ابنك لازم يعمل اشعه ايكو ورسم قلب ، وهنا مافيش الأجهزه دي
المهم اشرف شال ابنه وراح عمله الأشعه وهناك إكتشف ان ابنه عنده ثقب في القلب ولازمله عمليه ضروري
لما رجع لدكتور التأمين الصحي قاله لو لسه باقي علي ابنك اوعي تعملها في التأمين الصحي  
اشرف شال ابنه علي دراعه وعينيه تايهه مش عارف يعمل ايه ، ويجيب فلوس العمليه منين
لف بإبنه علي ناس كتير جدااا من معارفه ومعاه الأشعه والورق وكل واحد كان بيواسيه بكلمتين بمعني الله يسهلك
من كتر حرقته علي إبنه مابقاش ياكل ولا يشرب لغاية مافي يوم وهو رايح الشغل وقع في الشارع والناس سندوه وقعدوه علي الرصيف
فضل يبكي زي العيل الصغير ، ويكلم نفسه
الناس افتكروه مجنون ، جابله اكل وشرب وحطوه جنبه
بعدها قام وسابهم ومشي وهو بيبكي وهدومه مليانه تراب من الوقعه في الشارع من شدة حزنه علي ابنه كان بيحر في رجله ، ماعندهوش اي نفس للعيشه ، كان دايما بيقوله يارتني انا يابني
لغاية ما في يوم بعد ما فقد الأمل تماماً انها تتحل من عند ربنا ، قرر انه يتبرع بكليته الوحيده
عن طريق واحد من معارفه قدر يتعرف علي دكتور شغال في بيع الأعضاء
وهناك الدكتور قاله
- انت عارف انك هاتكون ايامك معدوده بعد ما تبيع كليتك ؟
- يابيه انا لو اطول ابيع نفسي عشان ابني يعيش مش هاتأخر لحظه ، اموت وانا شايف ضحكته احسن ما اموت عليه من الحزن
- طيب عموما العمليه هاتكون بعد تلات ايام الصبح الساعه ١٠ وتكون صايم من بالليل
خلال التلات ايام دول اشرف كان قافل علي نفسه في الاوضه وصلاه وصوم شديده جدا كان دعائه دايماً لأبنه انه يعمل العمليه ويقوم بالسلامه
بعد تلات ايام صباح يوم عملية أشرف اللي هايبيع فيها كليته
صايم ومستعد تماماً للعمليه ، وهو في الشارع قدام البيت في طريقه للدكتور
قابله واحد
- ماتعرفش بيت أشرف بتاع شركة الأمن ؟
- انا أشرف ، في حاجه ؟
- في جواب ليك
- من مين ؟
- مش عارف ، امضي هنا استلام وشوف من مين
فتح اشرف الجواب ولقي حاجه غير متوقعه تماماً
شيك بمبلغ عملية إبنه إمضاء فاعل خير .
ساعتها اشرف طار من الفرحه ولغي موضوع بيع كليته ، وبسرعه خد ابنه وطلع علي المستشفي وحجزله العمليه
وتمت عمليه ابنه بنجاح وقام بالسلامه
بعدين عرف اشرف ان زمايله كلموا صاحب الشركه وشرحوله ظروفه الماديه وحالة ابنه الصعبه ، وهو اللي بعت شيك العمليه
الغريب في الموضوع ان زي ما أشرف أنقذ حياة انسان بفاعل خير ، ربنا بعتله واحد ينقذ حياته هو وابنه وبردو إمضاء فاعل خير .










شارك بتعليقك
فيسبوك ()
كتب بواسطة Flysmsm
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.