الحق والضلال الحق والضلال
البحث


رحلة المعجزات..طالبة بكلية الصيدلة تروي ماحدث لها من معجزات تفوق الوصف وكيف نجت من الموت باكثر من معجزة

منذ 11 شهر
January 11, 2019, 9:44 pm بلغ
رحلة المعجزات..طالبة بكلية الصيدلة تروي ماحدث لها من معجزات تفوق الوصف وكيف نجت من الموت باكثر من معجزة

  خفيت منه عادى اتكرر نفس دور البرد بعدها بفتره قليلة وبدات السخونة تزيد والكحة تبقى شديدة والم ف كل عضلات جسمى ف الوقت دا كنت ف السكن بتاعى ف اسيوط كان عندى امتحانات كتير يوم 5/16 بدا التعب الجامد صحيت عشان اروح الامتحان الصبح لقيت نفسى مش قادرة اتحرك خالص ولا حتى ارفع ايدى حتى صوتى مش طالع بس صحابى ساعدونى وروحت الامتحان بس مقدرتش اكتب اى حاجة وكنت برجع ع طول بعدها روحنا كشفنا عند دوك صدر قالى عندك التهاب رئوى بس بسيطة تقدرى تكملى الامتحانات وادانى علاج اخده بس انا مكنتش حتى قادرة ابلع وبالليل خدونى مستشفى سانت ماريا ف اسيوط الدوك بعد ماكشف عليا طلب اشعة مقطعية ع الرئة لقيو ف الاشعة فى تجمع ف الرئة مش عارفين يشخصوه وشوية يقولو كانسر وشويه يقولو جلطة ومحدش عارف ايه بيحصل غير ان الحالة بتتدهور واتحجزت ف العناية المركزة
و تانى يوم الصبح الرئة وقفت والاكسجين وصل 60% وقالو لاهلى خلاص الحالة اتوفت لكن لا اهلى ولا صحابى سكتو كلهم كانو بيندهو عليه عارفينه شفيعى ومستحيل يسيبنى وفعلا دا اللى حصل فجاة بعتلنا دوك لما شاف الزحمة سال ايه دا قالوله حالة اتوفت طلب يدخلها ولما شافنى قال القلب لسه شغال ممكن نعمل محاولة ونركب جهاز تنفس صناعى وركبلى الجهاز لان باقى الدكاترة مكنوش عارفين يركبوه مكنش متوقع ان الرئة ممكن تستجيب عشان مكنش يعرف ان الانبا كاراس شفيعى بيساعده ودى كانت اول معجزة معايا من بعدها انا دخلت ف غيبوبة والسخونة زادت خالص وكان بيجينى تشنجات وبرضو مكنش عارف يشخص الحالة وفضلت كده 3 ايام بعدها قررو انهم لازم يحولونى ع مستشفى الصدر وطلبو عربية الاسعاف وبما انهم كانو شاكيين ان يكون عندى كرونا فبعتو عربية اسعاف مش مجهزة تاخدنى وبعد ماتحركنا اكتشفنا ان انبوبة الاكسجين فاضية حتى الجهاز اليدوى اللى بيساعد ع التنفس كان مقطوع وبدا النفس عندى يقل من تانى الدكتورة اللى كانت معايا قالت لاختى لا هتلحق توصل ولا نرجع تانى خلاص كده الحالة اتوفت لكن برضو مسبنيش وعمل المعجزة التانية ووصلت للمستشفى من غير اى اجهزة تنفس وطبعا الرئتين بتوعى كمان مش شغالين بس وصلت بعدها دخلت العناية ف مستشفى الصدر باسيوط والحالة بدات تتدهور اكتر بكتير من الاول محدش عارف عندى ايه ولا ايه اللى بيحصلى لحد ماتيجى وحدة زميلتى ف كلية طب وتتكلم مع الدوك تقوله ماهى ممكن يكون عندها Guillain-Barre Syndrome ودا مرض بيحصل واحد ف المليون ان جهاز المناعة ياكل كل عضلات الجسم ودى حالة صعب انهم يقدرو يشخصوها وهنا كانت المعجزة التالتة بعدها بدات اخد علاج ع الاساس دا وبدات اتحسن وف يوم كنت لوحدى ف العناية والدكاترة كانو مانعين الزيارة كنت خايفة خالص فضلت ابكى كتير وكانت جمبى صورة الانبا كاراس بصتله وفضلت اعاتبه انه سايبنى لوحدى ووسط البكا سمعت صوت بينده عليا باسمى وانا مكنتش بقدر اتكلم عشان جهاز التنفس الصناعى لكن لما نده الصوت رديت عليه بقوله انت مين قالى مش عارفانى قولتله لا قالى انا اللى بتعاتبيه انا الانبا كاراس قولتله انا زعلانة منك متكلمنيش انت ازاى سايبنى قالى انا مسبتكيش لحظة لكن انتى مكنتيش حاسه بحاجة انا عملت معاكى 3 معجزات لحد دلوقتى ولسه هكمل فجاة لقيت دكاترة كتير حواليا وماسكين اشعة ع الرئة وبيقولو ان الرئة اليمين بتاعتى متضخمة وممكن تتنفجر عشان فضلت فترة طويلة ع جهاز التنفس الصناعى وان لازم عملية تتعمل ومش هتنفع غير ف مستشفى الجامعة وانى لازم اتنقل النهاردة وفعلا اتنقلت الساعة 3 الفجر عناية الصدر ف مستشفى الجامعة وعملتها والرئة رجعت طبيعية وشالو جهاز التنفس الصناعى ودى كانت المعجزة الرابعة بعدها بدات اتحسن اكتر واتنقلت ع عناية العصبية وهناك اخدت حقنة جسمى عنده حساسية منها وتعبت جدا كانت الساعة 2 بالليل بعدها محستش باى حاجة حواليا وغمضت عنيا خلاص وماما كانت بتصرخ وبابا نده ع الانبا كاراس وف الحال فتحت عنيا وفوقت من تانى ودى كانت المعجزة الخامسة بعدها خرجت من المستشفى يوم 7/3 ع كرسي متحرك مفيش حاجة بتتحرك ف جسمى كله بدات اخدت جلسات العلاج الطبيعى والادوية واتحسن بس كل الدكاترة قالو ان اللى بيجيله المرض دا لازم يسيب اثر لكن انا دلوقتى خفيت خالص ورجعت كليتى مبقاش فيا اى حاجة خالص واى حد من الدكاترة بيشوفنى مش بيصدق انى واقفة ع رجليا من تانى ودى بقى كانت المعجزة السادسة مهما قولت كلام مش هعرف اشكر بس بجد شكراااا شفيعى وطبعا كل القديسين مكنوش سايبين مش الانبا كاراس بس وانا ف الغيبوبة كنت بشوف قديسين كتير وكان ف واحد منهم بيجى ع شكل نسر وكان ياخدنى معاه للسماء بعد مافقت وحكيت عرفت ان دا ابونا فلتاؤس وقتها مكناش نعرفه بس وحده من صحابى جابت كتابه وكانت بتاكد عليهم يحطوه تحت راسي وكمان شوفت العدرا لما كانت بتندهلها و تصرخ دينا ماتت ياعدرا دانتى ام زييا تعالى واشفيها وكنت بشوف العدرا بتكلمها وتقولها متخافيش دينا هتتولد من جديد وجابت لقمة قربانة وحطتها ف بوق ماما وفجاة اتحولت اللقمة لحمامة نور وماما جابت بنوته وفضلت تقول دينا اهى اتولدت من جديد مش عارفة اشكر مين ولا مين من القديسين ويمكن يكون ف ناس منهم تانى عملو معجزات وانا مش فاكره بس مهما عملت ومهما حكيت مش هوفيهم حقهم بركة شفاعته تكون معانا على فكره يا جماعه انا تعمل معايا معجزه من الانبا كاراس       


 











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.