الحق والضلال الحق والضلال
البحث


ابانوب رجع من اجازه العيد عنده شغل كتير شرب فنجان قهوه عشان يعرف يخلص شغله لكن اللي حصله بعد كده مكنش ممكن يخطر في باله ابدا

منذ 5 شهر
February 5, 2019, 10:05 pm بلغ
ابانوب رجع من اجازه العيد عنده شغل كتير شرب فنجان قهوه عشان يعرف يخلص شغله لكن اللي حصله بعد كده مكنش ممكن يخطر في باله ابدا

بقلم كيرلس فتحي 

انا ابانوب الحكايه إن إمبارح بالليل كان ورايا شغل كتير وكان مطلوب منى لازم أنفذه وممنوع أى تأجيل رفضت مساعدة أى حد ليا عشان أخد انا بونط عالى وحسيت إنى أقوم بالشغل لوحدى ، كنت لسه واصل من السفر وراجع من إجازة العيد ومحتاج حتى ربع ساعه نوم ، لكن للأسف مش هاقدر وعاندت جامد مع نفسى ، مافيش مفر غير إنى لازم أستحمل وأخلص الشغل اللى ورايا ، الساعه 8 بالليل شربت أول فنجان قهوه ساده ، فوقت شويه وقدرت أشتغل ، على الساعه تسعه ونص بالليل حسيت بصداع خفيف فى عينى ، قولت يمكن عشان مش نايم ، ضغط شويه على لكن ماستحملتش الم الصداع ، أخدت بانادول لكن مافيش فايده ، على الساعه عشره شربت تانى فنجاه قهوه ساده ، بعدها بنص ساعه الصداع زاد قوى فى عينى ، فضلت شغال على الكمبيوتر وأشعة الشاشه بتزود الألم أكتر ، من كتر التعب بقيت بكروت الشغل ، مافيش دقه ، مش براجع على الأرقام اللى بكتبها ، كل همى إنى أنجز الشغل وخلاص ، عشان لو إتسألت عليه ماقولش لسه ماخلصش ، الساعه 12 شربت تالت فنجان قهوه ساده. بعدها بربع ساعه صداع شديد مسك دماغى كلها ، وشبه فقدت الرؤيه ، وبعدها بشويه ضربات قلبى كانت سريعه جدااا دقيقتين وماحستش بنفسى . حالة إغماء ، ضغط عالى جدا ولولا ستر ربنا ماجليش إنفجار فى أوعية العين أو سكته دماغيه ، نقلونى على المستشفى واخدت العلاج اللازم والسبب كان انى دوست على نفسى بزياده قوى  
كل واحد فينا بيدوس على نفسه جامد قوى فى أى مشكلها بيقابلها ، وسهر طول الليل وتفكير قاتل وخوف شديد من نتائج المشكله دى
تلاقى الواحد مننا لا ليه نفس ياكل ولا يشرب وقاعد على طول حزين ومغموم وساكت وعمّال مخه يجيب ويودى ، ومع كل فكره مخيفه تجيله تقع على قلبه وكأنها جبل وطبق عليه ، يجى واحد يقوله ياعم هدى أعصابك وبكره تتحل يقوم التانى يقوله هاتتحل ازاي وهى متقفله من كل ناحيه ، انت بتتكلم بهدوء عشان إيدك فى المايه البارده مش زيي مشوى فى النار .
كمية طاقه سلبيه وخوف مرعب كفيل انه يهد جبل المقطم بحاله ، فجأه نسمع ان صاحبنا ده جاتله جلطه ولا الضغط او السكر وغيرهم من الأمراض وتسال عن السبب يقولك الزعل .
طب سؤال هنا انت إستفدت إيه لما زعلت ؟ انت خسرت أكتر على فكره ، عارف انت عملت إيه ؟ 
انت عملت زيى وقفت قدام مشكلتك بصدرك وقولت انا هاتصدى ليها لوحدى ، زى منا شيلت الشغل لوحدى ورفضت حد يساعدنى
فين ربنا فى حياتك ؟ 
دا حتى بيقول أدعونى وقت الضيقك
مادعتهوش ليه ولو دعيته ماسيبتش ليه الموضوع عليه ؟ مش قادر تثق فيه مش عارف تبطل تفكير ، مصايب المشكله لسه قدامك ومش عارف تتحكم فى نفسك وتسيب الموضوع عليه ؟ 
عارف ليه ؟ لإنك من الأول مش مدخل ربنا فى حياتك ، مش حاسس بوجوده ، مش حاسس بإيديه سانداك طول حياتك ، طبيعى جدا ما تثقش فيه بسرعه
يوسف الصديق لما إتباع كعبد من إخواته وإتسجن وإتعرض لمشاكل مستحيل تتخيلها ، كان متمسك بربنا ومتطمن لغاية ما بقى ملك أعظم بلد فى العالم مصر . 
موسى لما إتعرض لإضطهادات عنيفه من فرعون ، كان متمسك بربنا وشق البحر .
دانيال فى جب الأسود كان متمسك فى بربنا وخرج سليم .
الثلاث فتيه فى أتون النار كانو متمسكين بربنا وقدموا مشاكلهم لربنا وخرجوا أمنين من مشكلتهم .
بطرس لما كان فى السجن وتانى يوم هايتعدم ، كان ليلتها نايم نوم عميق جدا وماكنش هامه أى حاجه لإنه وثق فى ربنا ، وبالفعل ربنا بعتله ملاك ونجاه .
كل دول ناس وغيرهم مروا بمحن أعظم مليون مره بمحنتك وخرجوا منها بسلام عشان طلبوا تدخل ربنا فى حياتهم
إطلب ربنا وثق به وسيب الباقى عليه . 
بقلم/#كيرلس_فتحى
إعمل شير وماتوقفهاش عندك .














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.