الحق والضلال الحق والضلال
البحث


من هو البطريرك الذي جلس علي كرسي القديس مارمرقس الرسول اكثر وقت ممكن ؟

منذ 5 شهر
May 13, 2019, 11:21 am بلغ
من هو البطريرك الذي جلس علي كرسي القديس مارمرقس الرسول اكثر وقت ممكن ؟

موضوع

أهو اللي في الصورة دة هو أكتر بطريرك جلس على كرسي القديس مارمرقس الرسول اللي في الصورة دة يبقى القديس البابا_كيرلس_الخامس والبابا كيرلس دة ظل بابا و بطريرك لمدة 52 سنة و 11 شهر يعني تقريباً 53 سنة قبل البابا كيرلس الخامس مايتنيح أنقلبت عليه بعض الأراخنة من الباشاوات الكبار ومع الاسف أدعوا كذباً أنه أصيب بالجنون و أجبروه أنه يعيش في ڤيلا في حلوان و يتم عمل لجنة لتسيير أعمال الكنيسة وفعلاً البابا راح عاش هناك في حلوان لوحده وكان بينزل يصلي القداسات في المناسبات 
لما البابا كيرلس الخامس راح عاش في حلوان كان حزين جداً للي حصل و كانت ساعتها حلوان دي عاملة ذي المدن الجديدة دلوقتي عبارة عن صحرا و ڤيلات متنطورة في الصحرا دي فكان البابا كيرلس الخامس وهو شيخ و عجوز و طاعن في السن بيجمع الأطفال المسيحيين اللي في الڤيلات اللي حواليه ويعملهم مدارس أحد و يلعب معاهم و يوزع عليهم حلويات
وفي مرة من المرات الأراخنة الباشاوات دول قالوا مايصحش مانزورش البابا كل الفترة دي تعالوا نروح نزوره ركبوا الأتومبيل ( السيارة ) و طلعوا على حلوان و لأن حلوان كانت وقتها صحرا فكان ممكن اي حد يشوف الڤيلات من على بعد فواحد من الأراخنة الباشاوات دول شاف البابا بيلعب مع الأطفال فراح قال للباشاوات اللي معاه شوفتوا البابا وعمايله؟؟؟؟ البابا بيلعب مع الأطفال صدقتوني لما قولتلكم أنه أتجنن.؟؟؟؟
المهم الباشاوات وصلوا للڤيلا و دخلوا علشان يسلموا عالبابا كيرلس الخامس فالبابا مد أيده علشان يسلم على كل واحد فيهم ولما جه عند صاحبنا الباشا دة البابا مامدش أيده مع إن الباشا مد ايده فالباشا شعر بالحرج فالبابا كيرلس الخامس وطى و همس في ودن الباشا بهدوء وقاله مش عيب لما تقول على أبوك أنه مجنون!!!!
الباشا أتصدم و إنهار في البكاء وطلب من البابا السماح فالبابا بكل محبه قاله الله يحالك أخدنا بركة وأتأكد الباشاوات ان البابا كيرلس الخامس هو قديس حقيقي وروحوا بيوتهم في اليوم دة وهما متوبخين من الله
اللي عاوز أقولهولك من القصة دي أوعى تستهين بأي حد بيحاول يقدم خدمة في الكنيسة مهما كانت بسيطة أوعى تدينه في قلبك لأنك ماتعرفش علاقة اللي قدامك بربنا شكلها أيه ماتقللش من قيمة حد مهما كان اللي بيعمله بسيط لأن لو اللي بيعمله بسيط في عينك فالعمل دة عظيم جداً في عين ربنا.
 
منقول
 
من هو البطريرك الذي جلس علي كرسي القديس مارمرقس الرسول اكثر وقت ممكن ؟














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة Shero
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.