الحق والضلال الحق والضلال
البحث


الشهيد مجدي عدلي وهبه شهيد وصل السما بسبب ضربه بطلقات نارية علي ايد متطرفين واصبح من ضمن سحابة الشهود القديسين

منذ 5 شهر
June 7, 2019, 11:49 pm بلغ
الشهيد مجدي عدلي وهبه شهيد وصل السما بسبب ضربه بطلقات نارية علي ايد متطرفين واصبح من ضمن سحابة الشهود القديسين

موضوع
الشهيد مجدي عدلي وهبه شهيد وصل السما بسبب ضربه بطلقات نارية علي ايد متطرفين واصبح من ضمن سحابة الشهود القديسين
وصلتنا رساله من اخت الشهيد بتعرفنا علي سيرة جديدة عن حياة شهيد وصل السما بسبب ضربه بطلقات نارية علي ايد متطرفين واصبح من ضمن سحابة الشهود القديسين هو #الشهيد_مجدي_عدلي_وهبه 👑👑
اخويا كان سند ليه انا واخواته احنا تلات بنات وهو اخونا يعتبر الوحيد امنا ماتت واحنا صغيرين ودا خلانا احنا الاربعه قريبين من بعض جدا كان كل واحد فينا بيقوم بدور الام للتاني بس هو خد النصيب الاكبر بعد مكبر حسسنا اني احنا لينا سند كان يفرح قوي لما يكون حد مننا فرحنا وكان يحزن اكتر مننا لما يكون حد عنده حاجه وحشه وانا كنت حساه ابني مش اخويا في عيد الام كان بيجبلنا انا واخواته هدايا ومن كتر ماانا وهو قريبين من بعض قصدني اني اشوفله عروسه واخترتله واحده من قرايب جوزي واتجوز واول حاجه عملها في شقته اوضه مخصوصه لينا علشان الي تروح عنده تقعد علي راحتها مع انه الشقه في بيت ابويا بس كان حاسس انه مسئول عنا اكتر من ابويا كان شغال في النقاشه شويه في البلد عندهم وشويه في طما عندنا علشان اخوات مراته بيشتغلوا في النقاشه كان يجي يشتغل معاهم وفي يوم 14\8 يوم فض رابعه كان في طما شغال لما سمع بالحصل خاف علي ابوه واخواتي الي في البلد قلناله خطر بلاش تمشي هو صمم يروح وكان بايت عندي وفي الصبح يوم الخميس 15\8 في صيام العدرا قالي انه رايح شغل مع اخو مراته وهو في نيته انه يروح ومراته قلتله اروح معاك علشان لو حصلت حاجه نبقوا مع بعض وكان معاه متسكل انا كنت بقول بلادنا مبيحصل فيها حاجه وكله كان فاكر كده لحد ملقناهم بيرنوا ويقولولنا اخوكي اضرب بالنار هو ومراته مكنتش مصدقه واقول بيضحكوا عليا هو ربنا اختاره علي طول ومراته اتعالجت وخفت بعد خمس سنين علاج بس هو طلع السما ومنسناش كل وحده فينا حياتها عباره عن معجزات اختي الصغيره كانت معاها ولد وبتتعالج علشان تخلف تاني وهو كان لسه معانا بعد مراح السما ربنا عطاها صمؤيل ومجدي واختي الوسطانيه كانت كل متخلف ولد يتولد عيان يقعد سنه وربنا يفتكره كان كل ولد هو يبكي بالدموع عليه اكتر من امه وابوه لما راح السما اختي ربنا ادها كراس بمعجزه والحمد لله سليم ربنا موجو د وانا كنت عندي التهبات مزمنه في معدتي وقولون عصبي وضيق تنفس كنت بطر اروح المستشفي اخد جلست تنفس صناعي وكليتي عليها نسبه املاح عاليه وكل ماخد دوا لحاجه حاجه تانيه تتعب بعد مراح السما كاني مكنتش عيانه ولاشفت العيا كل الي عرفه قال عنه عايش بقلب طفل اقل حاجه تزعله واقل حاجه تفرحه كنت كل مابكي عليه وانام اشوفه ببدله فرح وفي مكان حلو خالص ويقولي تعالي شوفي ويفرجني علي المكان وهو فرحان اخويا كان سند لينا في الارض وبقي سند لينا في السما بركته المقدسة فلتكن مع جميعنا امين
اكسيوس 👑👑 اكسيوس 👑👑 اكسيوس
وانتم كمان لو تعرف شهيد من شهداء العصر الحديث ابعتلنا حكايته وعرفنا عليه هدفنا البركة ومجد اسم الله . صلوا من اجل الخدمة

نقلا عن الفيسبوك











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.