الحق والضلال الحق والضلال
البحث


حكاية ابونا مرقس خوبي ( ١٠٢ سنة) اكبر كاهن قبطي أرثوذكسي فى العالم ..قصته بتحكي عن عجائب ربنا

منذ 2 شهر
June 24, 2019, 10:03 am بلغ



حكاية ابونا مرقس خوبي ( ١٠٢ سنة) اكبر كاهن قبطي أرثوذكسي فى العالم قصته بتحكي عن عجائب ربنا
موضوع
الله العجيب
اللي فى الصورة هو ابونا مرقس خوبي ( ١٠٢ سنة) اكبر كاهن قبطي أرثوذكسي فى العالم بيخدم فى جنوب افريقيا
قصته بتحكي عن عجائب ربنا فى الخدمة بشكل معجزي.
الرجل ده أتولد وعاش فى قبيلة أفريقية لها عادات وتقاليد عجيبة ! حتي طريقة لبسهم غريبة جدا. بيكون الراجل والست شبه عرايا !!
الطبيعي انه كان يعيش عيشة أهله ويبقى زيهم
لكن حصل اللي اغرب من الخيال
القصة ابتدت فى أربعينات القرن الماضي وأثناء فترة شبابه وقع فى إيديه نسخة من الكتاب المقدس. ولانه كان بيعرف يقرأ قرأ الكتاب كله.
تقدر تقول ان عقله وتفكيره اتسمر و وقف عند الآية اللي فى سفر اشعياء
"فِي ذلِكَ الْيَوْمِ يَكُونُ مَذْبَحٌ لِلرَّبِّ فِي وَسَطِ أَرْضِ مِصْرَ، وَعَمُودٌ لِلرَّبِّ عِنْدَ تُخْمِهَا." (إش 19: 19)
ابتدأ يحلم انه يجي مصر وفعلاً حاول واجتهد انه يحضر اوراقه ويسافر لمصر.
واتحطم حلمه على صخرة العنصرية للإنجليز . لانهم كانوا بيحكموا جنوب افريقيا وقتها وماكنوش بيعترفوا بالسود كبنادمين أساساً . يعني مالوش ورق! مالوش باسبور! وبالتالي ما يقدرش يسافر
المهم كان بيبعت رسايل للبابا يوساب التاني عن طريق البريد ويسأل عن بعض الأسئلة المحيره بالنسباله ويستنى الجواب اللي فيه الإجابة وفيه راحة لشغفه للكنيسة القبطية اللي لا ابوه ولا أمه عرفوهاله !
بس الموضوع كبر معاه بزيادة شويه
وقرر يعمل عمل غريب وعجيب جداً !!
قرر يعمل كاهن! ايوا زي ما قريت بالظبط كده يعمل فيها كاهن !
عمل ملابس كهنوت وابتدأ يمشي ويبشر ما بين الناس فى القبيله ويكلمهم عن ربنا ويخدم ويخدم فى كل مكان و حول عشش لكنائس كتير فى جنوب افريقيا.
استمر على الوضع ده كتير ؟
مش كتير حوالي ٤٠ سنة بس !!!
وكان خلال الفترة دي بيتواصل مع الانبا صموئيل المتنيح اسقف الخدمات وبيتقابل مع بعض الاباء اللي بيزوروا جنوب افريقيا من وقت للتاني
وجت لحظة فارقه فى حياته بعد ما الامور السياسية اتحسنت جه لمصر وحكى حكايته وطلب من البابا شنودة يسامحه ويسلم للبابا الكنائس عشان يبعت كهنة يخدموا الأفارقة .
كان رد البابا انه رسمه كاهن . وسأله كان مين بيساعدك فى الخدمة ؟
قاله عندي ولدين بيساعدوني قاله وهما كمان هيبقوا كهنة وفعلاً اترسموا كهنه معاه.
والى هذا الُعمر له خدمة قوية وشاهدة على عمل الله العظيم فى الكنيسة .
انه الله العجيب الذي يفتقد الشعوب ويرسل كلمته فى كل مكان بامور تبدو عجيبة ويصعب فهمها. لكنه الله 😊🙏
#الكنيسة_على_الخريطة
#إسحق_يونان














اهم الاخبار
شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.