الحق والضلال الحق والضلال
البحث


معجزه رائعة من العذراء والقديس يوليوس مع سيده بعد ان كان شئ مستحيل الانجاب شاهد ما حدث لها

منذ 2 اسابيع
September 3, 2019, 7:21 pm بلغ
معجزه رائعة من العذراء والقديس يوليوس مع سيده بعد ان كان شئ مستحيل الانجاب شاهد ما حدث لها

معجزه رائعة من العذراء والقديس يوليوس مع سيده بعد ان كان شئ مستحيل الانجاب شاهد ما حدث لها

مواضيع عامه 
طبعا دى معجزه ونقلنها لكم زاى ما هى طبعا وكما روتها صاحبه المعجزه 
انا اسمي ايريني من دمنهور 
العدرا والقديس يوليوس عملوا معايا معجزه وكتبها هنا بشكل مؤقت لحد مقدر اروح كنيسة العدرا بيار والقديس يوليوس الاقفهصي بكفر شتتا واكتبها هناك 
انا اتجوزت من سنه وشهرين وربنا ماردتش باولاد 
لما بدءت متابعه وروحت ل ٤ دكاتره كبار ومشهورين أجمعوا أن في مشكله في قناة فالوب 
ولازم اشعه بالصبغه لتحديد نوع المشكله سواء التهاب أو انسداد أو ارتشاح بالقنوات 
انا وجوزي رفضنا الصبغه وكنا قلقانين منها 
اخر دكتور روحتله كان يوم ٨/٦ قبل صيام العدرا بيوم 
قالي بصي يا مدام انتي لفتي وروحتي وجتي وجيالي علشان اقولك بلاش أشعة الصبغه 
لكن مفيش مفر منها هي موته ولا اكتر 
قولتله طيب بلاش الشهر دا خليها الشهر الجاي 
قالي وهتفرق ايه مش هيحصل حمل غير لما نعرف المشكله اللي في القنوات 
قولتله سيبها علي ربنا ضحك وقالي مهي علي ربنا 
بعد منزلت من العياده قولت لجوزي انا ولا رايحه لدكاتره ولا هاخد اي ادويه طول صيام العدرا والعدرا تتصرف 
روحت البيت لاقيت عندي زيت القديس يوليوس الاقفهصي دهنت بيه بطني ونمت 
حلمت أن انا راكبه ميكروباص رايح طنطا ووقف في الطريق عند كنيسه صغيره مكتوب عليها كنيسة مارجرجس فانا بسال بقول احنا فين الميكروباص وقف هنا ليه في حد رد عليا قالي احنا في كنيسة مارجرجس بعد طنطا انزلي خدي بركه 
دخلت لاقيت ٣ خطوات سلم علي اخر خطوه واقف ابونا شاب طويل ودفنه صغيره سمرا بقوله أنا جايه اخد بركه راح فاتح باب الكنيسه لاقيت كنيسه صغيره مستطليه مفروشه سجاد احمر ومفهاش ولا دكه وعلي يمين الهيكل في باب ومنجليه 
ابونا الشاب نادي علي ابونا من ورا المنجليه كان طوله متوسط واسمراني البشره ودقنه بيضه اخدني من ايديا قدام الهيكل الوسطاني ورشم ضهري بالزيت وصلالي ومتكلمش ولا كلمه 
فانا بقوله يا ابونا انا متجوزه بقالي سنه وعايزا اولاد وجيت هنا علشان ابونا يوليوس بيعمل معجزات عايزاه يعملي معجزه بصلي جامد بغضب واضايق من كلامي وخرج من الباب اللي علي يمين الهيكل فانا بقول لابونا الشاب هو انا قولت ايه غلط ابونا زعل ليه قالي ليه قولتيله انك عايزا معجزه هو بيعمل معجزات بس مبيحبش حد يقوله كدا لأنه بيهرب من المجد الباطل 
لما صحيت بحكي الحلم لماما قالتلي دي كنيسة القديس يوليوس الاقفهصي اللي في كفر ششتا 
قولتلها بس انا عمري مروحتها ومعرفش شكلها الكنيسه اللي في الحلم اسمها مارجرجس وبعد طنطا وشكلها كذا قالتلي مهي علي اسم القديس يوليوس ومارجرجس وكفر ششتا يبقي بعد طنطا 
قولت لازم اروح الكنيسه دي سافرت وروحت واول مدخلت الكنيسه هي اللي شوفتها في الحلم وكان في صوره كبيره للقديس يوليوس هو اللي شوفته في الحلم قعد مع ابونا يوليوس كاهن الكنيسه وحكتله الحلم قالي ابونا يوليوس مفيش حد حاله ورجع زعلان ابقي احضري عيده يوم ٢ اكتوبر بتحصل معجزات كتير 
رجعت دمنهور وصومت صيام العدرا انقطاعي وأحضر القداس واصلي بدموع قدام نسخه من صورتها اللي بتنزل زيت في العدرا بيار واقولها ياعدرا انتي عملتي معايا معجزتين قبل كدا وانا طفله من غير مطلب منك ومن غير مكنت اعرف اني تعبانه أول معجزه عملية فتح خراج عملتهالي بايدها وانا عندي ٣ سنين وتاني معجزه شفاء من ثقب في الرئه وانا عندي ٨ سنين 
ارجوكي يا عدرا لو في حاجه في القنوات اشفيني انتي منها من غير الصبغه الشهر دا يا عدرا ارجوكي علشان مضطرش اعمل الصبغه الشهر الجاي وندرت ندر باسم ام النور 
بعد انتهاء صيام العدرا حضر ابونا بولا صليب كاهن كنيسة العدرا بابيار نهضة هنا في الكتدرائيه بدمنهور روحت كلمته وصلالي انا وزوجي وصلي العدرا وقالها متكسفنيش يا عدرا متحرجنيش قدام الناس يا عدرا واعطاني زيت من ايقونه العدرا بيار 
شربت نقطه من الزيت حسيت بمغص وحاجه نزلت من جسمي شبهه الجيلي ولونها بني ورائحتها كريهه قولت يا تري يا عدرا بتعملي ايه اكيد انتي بتشتغلي معايا دلوقتي وبتشفيني من حاجه 
بعد نزول الماده دي مبقتش بحس باي تعب من اللي كنت بحس بيه قبل كدا 
لحد قبل ميعاد الدوره بيوم حلمت بابونا يوليوس وانا علي مركب في النيل ومعاه بنوته صغيره لابسه ابيض بيغطسها في النيل 
بعد مصحيت طول النهار مترددة اعمل اختبار حمل واقول لسه متاخرتش عن ميعادها اعمل الاختبار ليه لحد مقررت بليل اني اجيب اختبارين اجرب واحد بليل والتاني الصبح وقولت العدرا انا عارفه يا عدرا أن الاختبار مش هيبين حاجه دلوقتي بس لو في حمل فرحي قلبي طلعت نتيجة الاختبار في حمل مكنتش مصدقه جربت الصبح اول مصحيت من النوم الاختبار التاني طلع في حمل 
عملت تحليل الحمل الرقمي بتاريخ ٩/٤ واخر بريود كانت عندي بتاريخ ٨/٦ نسبة الحمل الرقمي طلعت فوق ال١٠٠٠ روحت للدكتور قالي النسبه دي وانتي حامل في اسبوعين انتي ايه اللي خلاكي اصلا تعملي التحليل وهي متاخرتش عن ميعادها المفروض اصلا الاختبار ميبينش ولا نسبة التحليل الرقمي تطلع كدا وكان مستغرب جدا وقالي انتي عملتي الصبغه قولتله مانا قولتلك سيبها علي ربنا
 




 














شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة roromoha
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.