الحق والضلال الحق والضلال
البحث


فرحه وامير وازاى ربنا كرمهم بعد 8 سنين بعد ما كان مفيش امل الغير مستطاع عند الناس مستطاع عند الله أ

منذ 1 اسابيع
October 9, 2019, 4:59 am بلغ
فرحه وامير وازاى ربنا كرمهم بعد 8 سنين بعد ما كان مفيش امل الغير مستطاع عند الناس مستطاع عند الله أ

الغير مستطاع عند الناس مستطاع عند الله أقرأها للآخر وشوف عمل الله
مجرد تشابه اسماء بينى وبين بطل الحكاية
بس انا شاهد بنفسى على كل اللى هيتكتب
فى الحكاية دى
اصل دى مش مجرد حكاية
او قصة حصلت فعلاً
فرحة وأمير اتجوزوا
وكانت الفرحة اللى فى عينيهم
يوم فرحهم
مختلفة
رقصهم وغناهم
حتى سلامهم على الناس واحضانهم
كانت دافية بشكل غريب
صوته وهو بيقول للناس
الله يبارك فيكم
وصوتها وهى بتقول
عقبالكم
كأنها دعوة من القلب مش مجرد رد
واتقفل عليهم باب حياتهم الجديدة
ولسة عينيهم فيها الفرحة
ولسة كلامهم دافى
وكام شهر انا حامل يا أمير
ياااااه دا اجمل خبر
وبعد متابعة شهرين نزيف حاد
وتموت الفرحة قبل ماتكمل
يطبطب عليها
ماتزعليش يا فرحة
احنا لسة فى بداية حياتنا
وتقوم من الوقعة
وتصلب طولها تانى
ويكملوا حياتهم
ونفس الفرحة اللى فى عينيهم
ونفس الدفا اللى بيحسه
اى حد بيتكلم معاهم
وكام شهر
أمير انا حامل
مش قلت لك ربنا هيعوض علينا يا حبيبتى
وتلات شهور متابعة وتيجى الصدمة
نزيف حاد
وتموت تانى فرحة
من قبل ما تكمل
ليه بس يارب
ويجرى امير على فرحة
ويطبطب عليها تانى
ياحبيبتى انتى فرحتى ولا يهمك
قدامنا العمر طويل
وتقوم فرحة من تانى وقعة
وتتعب مامتها
وتلاقى نفسها قدام مسئولية
بيتها ومامتها
وتصون الامانة
وأمير واقف فى ضهرها
مش مشكلة لما نقعد عند ماما
عشان تعرفى تخدميها
ومليون سؤال فى دماغها
هو دا حلم بعيد ولا لسة الوقت ماجاش
طب نشوف دكتور
وتيجى الصدمة
فى مشكلة فى توافق دمكم انتو الاتنين
واحتمالية حدوث حمل طبيعى
تقريبا منعدمة
وتيجى الصدمة المرة دى
ليهم هم الاتنين
بس برضه اللى يبص لهم
يلاقى الفرحة اللى فى عينيهم
زى ما هى
ودفا صوتهم مع الناس
كأنهم حققوا كل احلامهم
وتكمّل فرحة خدمة مامتها
لغاية ما ربنا يأذن وترتاح
ويفضل الحزن يقل
لكن المسئولية تكبر لأن باباها تعب
كل ده وأمير فى ضهرها
ولا يهمك يا حبيبتى انتى فرحتى
هنسافر وهنلف الدنيا
هنشيل فلوس عشان مين
احنا اولى بالفرحة
وتوافق بس برضه من جواها
مش قادرة تمنع نفسها انها تحلم
ومليون كلمة تدبح فيها
ايه دا انتى تعبانة ليه شكلك حامل !!!!
ومن كتر الادوية والعلاج
جسمها يتملى مياه
وكل اللى يشوفها
إيه دا مبرووووك انتى حامل
ووسط كل ده
تجرى على امير
تترمى فى حضنه
وهو يقول لها انتى بنتى وحبيبتى
وشوية شهور
ويأذن ربنا انها ترتاح
من مسئولية باباها
كفاية يارب صدمات لحد كدة
وتهدا الامور
ياللا نجرب التلقيح الصناعى
بس ده محتاج فلوس كتير يا أمير
لو هاستلف عشان احقق لك حلمك
هاعمل كدة
وساعات انتظار رهيبة
عشان النتيجة
مبروك التلقيح نجح
بس هنستنى نتأكد ان الخلية ثابتة فى مكانها
وانتظار تانى
وتيجى الصدمة
وتروح كل الفلوس
بس الحلم مش راضى يروح
ويعدوا كمان كام سنة
ياللا نجرب التلقيح الصناعى كمان مرة
وهنجيب فلوس منين
انا اخدت قرض
يمكن ربنا يجبر بخاطرنا المرة دى
ونفس السيناريو بالظبط
ونفس الصدمة بعد الانتظار
وهنا كان القرار
خلاص الحلم ده مش لينا
لدرجة انهم قرروا يربوا حيوان فى البيت
وكان بالنسبة لهم
منفذ عشان يتكلموا مع حد غيرهم
وتعدى سنين
ويرجع الحلم تانى جواها
أمير هو ممكن نجرب مرة اخيرة
مش عايزة احس ان كان فى ايدى حاجة وماعملتهاش
احنا بقالنا 8 سنين متجوزين
يمكن ربنا يدينا
وبنفس الاهتمام
عينيا يا فرحة
بس خلى بالك انتى عندى بالدنيا برضه
وتروح فرحة للدكتور
وتحكى له تاريخها مع الصدمات
مرتين حمل تطبيعى
ومرتين تلقيح صناعى
وكلهم فشلوا
ووقت الكشف بالسونار
تتغير ملامح الدكتور
انا شايف حاجة غريبة
دا زى ما يكون كيس حمل
ويدق قلبها بسرعة
انت بتقول ايه يا دكتور
وتحليل حمل تانى
وانتظار رهيب اضعاف
وتيجى النتيجة
مبرووووك يا فرحة انتى حامل فى 3 اسابيع
وتجرى على أمير انا حامل
ربنا بعت
بس الخوف لسة موجود
بس حتة رجاء فى ربنا
انه مش هيعمل معاهم زى كل مرة
ويعدى شهر فى التانى
ويحصل نزيف
لا يا رب
بلاش زى كل مرة
ويسمع ربنا المرة دى
ويحافظ على البيبى
وتروح فرحة تعمل سونار
عشان تطمن
وتيجى الصدمة الجديدة
دول كيسين مش كيس واحد
يعنى ايه يا دكتور
يعنى انتى حامل فى توأم
وتتبدل الحياة بيهم
فرحة انهاردة أم لأجمل ولدين
لما اتكلمت معاهم عشان ابارك لهم
مالقيتش فى كلامهم غير كلمة واحدة
بعد شكرهم لربنا
اصله ماكانش ينفع يحصل قبل كدة
يعنى ايه ماكانش ينفع
فرحة كانت هتخدم مامتها ازاى
وهى بنتها الوحيدة
وباباها التعبان مين كان هياخد باله منه
بعد وفاة مراته
ياااااه يا أمير
يعنى عذاب الـ 8 سنين
ليه عندك تفسير
قاللى طبعا
دلوقتى احنا جاهزين
نبقى أب وأم
قاللى كدة بالحرف الواحد
اللى بيعرف ان مراته حامل فى توأم
بيزعل من تضاعف المسئولية
لكن احنا لأ
احنا مستنيينهم
وعلى فكرة التوأم ده طبيعى
من غير اى ادوية او منشطات
قلت له
التوأم ده مكافأة من ربنا
على حاجات كتير
على فرحتكم اللى ياما وزعتوها
على دفا صوتكم وكلامكم مع الناس
على طبطبتك عليها يا أمير
وعلى الامومة اللى جواكى يا فرحة
ربنا مش بخيل
وقادر يدى كل واحد اللى نفسه فيه
بس هو بيختار الوقت
اللى لما يبعت حمل نقدر عليه
اللى فوق ده
انا شاهد على كل كلمة فيه
واللى انا شايله على ايدى
ده حصاد كل التعب اللى شافوه
فرحة وأمير
إنهاردة عيد ميلاد "فرحة"
وهى أكيد هتقرا حكايتها
كل سنة وانتى طيبة يا أجمل "فرحة"

هذا الخبر منقول من : فيسبوك











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة gege
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.