الحق والضلال الحق والضلال
البحث


بالفيديو.. أبونا مكاري يونان تعليقا على مقابلته بالرئيس السيسي

منذ 2 اسابيع
October 9, 2019, 4:15 pm بلغ


بالفيديو أبونا مكاري يونان تعليقا على مقابلته بالرئيس السيسي
رد القمص مكاري يونان، كاهن الكنيسة المرقسية بالأزبكية، على الهجوم عليه بعد استقباله للرئيس عبد الفتاح السيسي، ووصل رسالة له تقول: "لا تلوثوا اسم المسيح، وبلاش نعمل زي شيوخ السلطان، احنا مالنا ومال السياسة!!" وقال "يونان"، في عظته الأسبوعية بالكنيسة: "أنا ماليش في السياسة، الأمر انت بتتصوره سياسة لكن الأمر يخص خلاصي وحياتي الأبدية، وأنا عايز كل انسان مسيحي يسمعني ويفهم كلامي هوضح اللي حصل ده سياسة ولا خاص بحياتي الأبدية وخلاص نفسي". وتابع: "واحد كتب بيقول إني بحب الرئيس من زمان أنا منكرش اني بحب الرئيس واتعلمنا هنا إن تحب قريبك كنفسك مين قريبك الإنسان واحنا دايما نقول حب كل واحد وميكونش ليك في الدنيا عدو واحد ومين أول واحد في مصر أحبه إلا الرئيس!! عشان كدة أنا بحبه حسب الوصية". وشدد: "حد بيقولي أنت مش مكسوف من الكلام اللي قولته لا مش مكسوف انا قولتله بنشكرك علشان راضي تحكم مصر وكتر خيرك أنا لية قولتله كدة؟؟؟ تعالة نتكلم عن الرئيس هل بيحكم مصر طمعان في منصب!! لا لية!! علشان كان في أعز منصب وهو وزير الدفاع طب هل بيحكم مصر طمعان في المال؟؟ لا للية؟؟ علشان اتبرع بنص مرتبه وأملاكه يبقى إذا مش داخل طمعان في شيء وهو إنسان بيتعب وبيسهر وحوالية مؤامرات راضي بده لية؟؟ علشان بيحب مصر وعلشاني وعلشانك وعلشان مصر بيقبل التعب علشان كدة أنا بشكره وكل إنسان لابد يشكره على ما يقدمه". وأضاف: "حد بيقولي انت طالع في مظاهرة عندما يتم ضرب الكنائس!! عمرنا ما شوفناك طالع في مظاهرة للرئيس!! أنا عايز اقول انهم لما بيضربوا كنيسة فـ حسب الظاهر بيضربوا المسيحيين لكن في الحقيقة بيضربوا مصر ورئيس مصر علشان كدة الضرب موجهة للبلد ورئيسها مش لينا احنا كمسيحيين طب لية مطلعتش في مظاهرة للكنايس انا عايز افهم كل انسان مسيحي وخصوصا الشباب تحققوا من الشائعات قبل تبنيها وترديدها". وأكد: "الكتاب بيقو (لتخضع كل نفس للسلاطين الفائقة) يعني إية تخضع كل نفس للرئاسة وطبعا ممكن يكون فيه آراء معارضة ولكن كشخص ناضج لازم أكون خاضع للرئاسة لأن الكتاب بيقول إنه (ليس هناك سلطان إلا الله" يعني مين جايب السيسي ربنا ده من السما يعني أنا مكنتش بقول كلام والسلاطين الكائنة هي مرتبة من الله". وشدد: "السيسي مش جاي بالانتخابات بتاعتك دي يد عالية وربنا هو اللي جابه وملكه ومن يقاوم السلطان يقاوم ترتيب الله عشان كدة اللي طالع في مظاهرة يبقى ضد مين!! عشان كدة يا مسيحي لازم تعرف انط مش بتاع مظاهرة وتقول ارحل ارحل".

 

هذا الخبر منقول من : الأقباط متحدون











شارك بتعليقك
فيسبوك ()


احجز الان فى العاصمة الجديده تليفون 00201123000014

كتب بواسطة emil
تنوية هام: الموقع غير مسئول عن صحة ومصداقية الخبر يتم نشره نقلاً عن مصادر صحفية أخرى، ومن ثم لا يتحمل أي مسئولية قانونية أو أدبية وإنما يتحملها المصدر الرئيسى للخبر. والموقع يقوم فقط بنقل ما يتم تداولة فى الأوساط الإعلامية المصرية والعالمية لتقديم خدمة إخبارية متكاملة.